രഞ്​ജിത്​ വധം: അഞ്ച്​ എസ്​.ഡി.പി.ഐ പ്രവർത്തകർ അറസ്റ്റിൽ; നാല്​​ ബൈക്കും​ കസ്​റ്റഡിയിൽ​

ആലപ്പുഴ: ബി.ജെ.പി ഒ.ബി.സി മോർച്ച നേതാവ് അഡ്വ. രഞ്​ജിത് ശ്രീനിവാസ​നെ വീട്ടിൽ കയറി വെട്ടിക്കൊലപ്പെടുത്തിയ കേസിൽ അഞ്ച്​ എസ്​.ഡി.പി.ഐ പ്രവർത്തകർ അറസ്റ്റിൽ. കൊല്ലപ്പെട്ട എസ്​.ഡി.പി.ഐ സംസ്ഥാന സെക്രട്ടറി കെ.എസ്​. ഷാ​നിെൻറ മണ്ണഞ്ചേരിയിലെ വീടിന്​ സമീപപ്രദേശത്തുള്ളവരും പ്രവർത്തകരും മറ്റുമാണ്​ പിടിയിലായത്​. സംഭവത്തിൽ നേരിട്ട്​ ബന്ധമുള്ളവരാണ്​ ഇവരെന്നാണ്​ അറിയുന്നത്​. 10​ പേർ വേറെയും കസ്​റ്റഡിയിലുണ്ടെന്നാണ്​ വിവരം.​ കൊലപാതകത്തിന്​ ഇവർ സഞ്ചരിച്ചതെന്ന്​ സംശയിക്കുന്ന ബൈക്കുകളിൽ നാലെണ്ണം പൊലീസ്​ കണ്ടെടുത്തു. ഒരു ബൈക്കില്‍ രക്തക്കറയും കണ്ടെത്തിയിട്ടുണ്ട്.

കൊലപാതകത്തിൽ 12 പേർക്ക്​ പങ്കുണ്ടെന്നാണ്​ പൊലീസ്​ നിഗമനം. ഇതനുസരിച്ചാണ്​ അന്വേഷണം. എസ്​.ഡി.പി.ഐയുടെ ജില്ലയിലെ​ ജനപ്രതിനിധികളടക്കമാണ്​ കസ്​റ്റഡിയിലുള്ളത്​. ആലപ്പുഴയിൽ സർവകക്ഷി യോഗത്തിനെത്തിയ എസ്​.ഡി.പി.ഐ മണ്ണഞ്ചേരി പഞ്ചായത്ത്​ അംഗം നവാസ്​ നൈനയെയും കസ്​റ്റഡിയിൽ എടുത്തിരുന്നു. പൊലീസ്​ ചോദ്യം ചെയ്​തശേഷം ഇദ്ദേഹത്തെ വിട്ടയച്ചു.

ഷാനെ സ്​കൂട്ടറിൽ പോകു​േമ്പാൾ കാറിടിച്ച്​ വീഴ്​ത്തി ആർ.എസ്​.എസ്​ പ്രവർത്തകർ വെട്ടിക്കൊലപ്പെടുത്തിയതിന്​ പിന്നാലെയാണ്​ ഞായറാഴ്​ച പുലർ​ച്ച രഞ്​ജിത്​ ശ്രീനിവാസനെ ആറ്​ ബൈക്കിൽ എത്തിയവർ കൊലപ്പെടുത്തിയത്​.

പൊന്നാട് പള്ളിമുക്ക് പോസ്​റ്റ്​ ഓഫിസിനുസമീപം ഒരു വീടി​ന്​ മുന്നിലെ പറമ്പിൽ ഉപേക്ഷിച്ചനിലയിലാണ് ഒരു ബൈക്ക് കണ്ടെത്തിയത്. മറ്റ്​ രണ്ടെണ്ണം അകലെയല്ലാതെയും കണ്ടു. ഷാ​നിെൻറ വീട്ടിൽനിന്ന്​ കേവലം 200 മീറ്റർ സമീപമാണിത്​. ഒരു ബൈക്ക്​ ആലപ്പുഴ ടൗൺ പ്രദേശത്തുനിന്നാണ്​ കിട്ടിയത്​. തിങ്കളാഴ്​ച രാത്രിയാണ്​ ബൈക്കുകൾ ശ്രദ്ധയിൽപെട്ടത്​​. രാത്രിതന്നെ ഡിവൈ.എസ്.പിയുടെ നേതൃത്വത്തിൽ ഇവ പരിശോധിച്ചു. തുടർന്ന് വിരലടയാള വിദഗ്​ധരും തെളിവെടുപ്പ് നടത്തി. ബൈക്കുകൾ പൊലീസ് സ്​റ്റേഷനിലേക്ക് മാറ്റി. മണ്ണഞ്ചേരി കണ്ടത്തിൽ സുറുമി സുധീറി​െൻറ ഉടമസ്ഥതയിലുള്ളതാണ് ഒരു ബൈക്ക്. ഇയാളിൽനിന്ന് ഒരു സുഹൃത്ത് ഇത്​ കൊണ്ടുപോയതായാണ് മൊഴി.

ഷാനിനെ കൊലപ്പെടുത്തിയ സംഭവത്തിൽ അഞ്ചുപേർ ഉൾപ്പെട്ടതായാണ്​ ​െപാലീസ്​ നിഗമനം. ഇവരിൽ രണ്ട്​ പ്രതികളെ ആലപ്പുഴയിലെ ആർ.എസ്​.എസ്​ കാര്യാലയത്തിൽനിന്ന്​ ഞായറാഴ്​ച രാത്രി അറസ്​റ്റ്​ ചെയ്​തിരുന്നു. ശേഷിച്ച പ്രതികൾക്കായി അന്വേഷണം ഊർജിതമാണെന്ന്​ പൊലീസ്​ പറഞ്ഞു.