ആഘോഷമായി ബി.ജെ.പിയിലെത്തി; എവിടെയാണ്​ ഇവർ?

കൊ​ച്ചി: തെ​ര​ഞ്ഞെ​ടു​പ്പ്​ അ​ടു​ത്ത​തോ​ടെ പ​ല പാ​ർ​ട്ടി​ക​ളി​ൽ​നി​ന്നും നേ​താ​ക്ക​ൾ ബി.​ജെ.​പി​യി​ൽ എ​ത്തി​യി​ട്ടു​ണ്ട്. കേ​ര​ള​ത്തി​ലെ കോ​ൺ​ഗ്ര​സി​നെ ഞെ​ട്ടി​ച്ച്​ പ​ത്​​മ​ജ വേ​ണു​ഗോ​പാ​ലാ​ണ്​ ഏ​റ്റ​വും ഒ​ടു​വി​ൽ സം​ഘ്​​പ​രി​വാ​ർ കൂ​ടാ​ര​ത്തി​ലെ​ത്തി​യ​ത്. മു​ൻ തെ​ര​ഞ്ഞെ​ടു​പ്പ്​ കാ​ല​ങ്ങ​ളി​ൽ ഇ​ങ്ങ​നെ പ​ല​തും മോ​ഹി​ച്ചും ക​ല​ഹി​ച്ചും​ ബി.​ജെ.​പി പാ​ള​യ​ത്തി​ലെ​ത്തി​യ രാ​ഷ്ട്രീ​യ​ക്കാ​രു​ടെ​യും ഉ​ന്ന​തോ​ദ്യോ​ഗ​സ്ഥ​രു​ടെ​യും ഇ​ന്ന​ത്തെ അ​വ​സ്ഥ എ​ന്താ​ണ്​? ബി.​ജെ.​പി ടി​ക്ക​റ്റി​ൽ മ​ത്സ​രി​ച്ച​വ​രും ആ ​പാ​ർ​ട്ടി​ക്കാ​യി നാ​ടു​നീ​ളെ പ്ര​സം​ഗി​ച്ച​വ​രു​മെ​ല്ലാം അ​ക്കൂ​ട്ട​ത്തി​ലു​ണ്ട്. ചി​ല​ർ പാ​ർ​ട്ടി​യു​മാ​യി അ​ക​ന്ന്​ സ്വ​ന്തം കാ​ര്യം നോ​ക്കി ജീ​വി​ക്കു​ന്നു. ചി​ല​ർ മ​റ്റെ​ങ്ങും പോ​കാ​നി​ല്ലാ​തെ, കാ​ര്യ​മാ​യ സ്ഥാ​ന​മാ​ന​ങ്ങ​ളി​ലെ​ത്താ​തെ ബി.​ജെ.​പി​യു​ടെ സാ​ധാ​ര​ണ അം​ഗം മാ​ത്ര​മാ​യി ഒ​തു​ങ്ങി​ക്ക​ഴി​യു​ന്നു.

മു​ൻ ഡി.​ജി.​പി ​ഡോ. ​ജേ​ക്ക​ബ്​ തോ​മ​സ്​ സ​ർ​വി​സി​ൽ​നി​ന്ന്​ വി​ര​മി​ച്ച ശേ​ഷം ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ന്​ ര​ണ്ട്​ മാ​സം മു​മ്പാ​ണ്​ ബി.​ജെ.​പി ദേ​ശീ​യ അ​ധ്യ​ക്ഷ​ൻ ജെ.​പി. ന​ദ്ദ​യി​ൽ​നി​ന്ന്​ അം​ഗ​ത്വം സ്വീ​ക​രി​ച്ച​ത്. ഇ​രി​ങ്ങാ​ല​ക്കു​ട നി​യ​മ​സ​ഭാ മ​ണ്ഡ​ല​ത്തി​ൽ പാ​ർ​ട്ടി സ്ഥാ​നാ​ർ​ഥി​യാ​യി. മൂ​ന്നാം സ്ഥാ​ന​ത്തെ​ത്തി​യ ജേ​ക്ക​ബ്​ തോ​മ​സ്​ 34,329 വോ​ട്ടാ​ണ്​ നേ​ടി​യ​ത്. വാ​യ​ന​യും പു​സ്ത​ക​ര​ച​ന​യും യാ​ത്ര​ക​ളും ക്ലാ​സു​ക​ളു​മാ​യി എ​റ​ണാ​കു​ളം പ​ള്ളി​ക്ക​ര​യി​ലെ വീ​ട്ടി​ൽ ക​ഴി​യു​ന്ന അ​ദ്ദേ​ഹ​ത്തോ​ട്​ നി​ല​വി​ലെ രാ​ഷ്ട്രീ​യ​ത്തെ​ക്കു​റി​ച്ച്​ ചോ​ദി​ച്ച​പ്പോ​ൾ മ​റു​പ​ടി ഇ​ങ്ങ​നെ: ബി.​ജെ.​പി​യു​മാ​യി സ​ജീ​വ ബ​ന്ധ​മി​ല്ല. വെ​റു​മൊ​രു അം​ഗം മാ​ത്രം. അ​തി​ന​പ്പു​റ​ത്തേ​ക്കി​ല്ല. എ​ന്‍റേ​താ​യ കാ​ര്യ​ങ്ങ​ളു​മാ​യി പോ​കു​ന്നു. ക​ഴി​ഞ്ഞ ഒ​രു വ​ർ​ഷ​മാ​യി പാ​ർ​ട്ടി പ​രി​പാ​ടി​ക​ളി​ൽ ഞാ​നി​ല്ല. ബി.​ജെ.​പി​യി​ൽ നേ​താ​ക്ക​ൾ ഇ​ഷ്ടം പോ​ലെ​യു​ണ്ട്. ക​ഴി​വ്​ കൂ​ടി​യ​വ​രു​ള്ള​പ്പോ​ൾ മ​റ്റു​ള്ള​വ​രെ ആ​വ​ശ്യ​മി​ല്ല. ഏ​തെ​ങ്കി​ലും രാ​ഷ്ട്രീ​യ പാ​ർ​ട്ടി​യി​ൽ അം​ഗ​മാ​യി എ​ന്നു വെ​ച്ച്​ രാ​ഷ്ട്രീ​യ​ക്കാ​ര​നാ​ക​ണ​മെ​ന്നി​ല്ല. ഞാ​ൻ ജോ​ലി ചെ​യ്ത്​ ജീ​വി​ക്കു​ന്ന​യാ​ളാ​ണ്. ഒ​രു പ​ണി​യും ചെ​യ്യാ​തെ നാ​ട്ടു​കാ​രു​ടെ പോ​ക്ക​റ്റ​ടി​ച്ച്​ ജീ​വി​ക്കു​ന്ന​വ​രാ​ണ്​ പ​ല രാ​ഷ്​​ട്രീ​യ​ക്കാ​രും. എ​ന്‍റെ പ്ര​തി​നി​ധി​യാ​യി പാ​ർ​ല​​മെ​ന്‍റി​ൽ പോ​യി ന​ല്ല നി​യ​മ​ങ്ങ​ളു​ണ്ടാ​ക്കാ​ൻ ക​രു​ത്തു​ള്ള സ്ഥാ​നാ​ർ​ഥി​യു​​ണ്ടെ​ങ്കി​ലേ പ്ര​ചാ​ര​ണ​ത്തി​നി​റ​ങ്ങ​ണോ​​യെ​ന്ന്​ ചി​ന്തി​ക്കേ​ണ്ട​തു​ള്ളൂ. എ​ങ്കി​ലും ഇ​പ്പോ​ഴും എ​ന്‍റേ​ത്​ ബി.​ജെ.​പി രാ​ഷ്ട്രീ​യ​മാ​ണ്​’.

ആ​ർ.​എ​സ്.​എ​സ്​ ദേ​ശ​വി​രു​ദ്ധ സം​ഘ​ട​ന​​യ​ല്ലെ​ന്നും ന്യൂ​ന​പ​ക്ഷ​ത്തി​ന്‍റെ മ​ത​തീ​വ്ര​വാ​ദ​മാ​ണ്​ എ​തി​ർ​ക്ക​പ്പെ​ടേ​ണ്ട​തെ​ന്നും പ്ര​ഖ്യാ​പി​ച്ചാ​ണ്​ ഡി.​ജി.​പി​യു​ടെ യൂ​നി​ഫോം അ​ഴി​ച്ചു​വെ​ച്ച ശേ​ഷം ടി.​പി. സെ​ൻ​കു​മാ​ർ സം​ഘ്​​പ​രി​വാ​റി​നൊ​പ്പം കൂ​ടി​യ​ത്​. ബി.​ജെ.​പി നേ​താ​ക്ക​ൾ അ​ദ്ദേ​ഹ​ത്തി​ന്​ പി​ന്തു​ണ​യു​മാ​യി രം​ഗ​ത്തെ​ത്തി. ശ​ബ​രി​മ​ല​യി​ലെ സ്ത്രീ​പ്ര​വേ​ശ​ന​ത്തി​നെ​തി​രാ​യ ​പ്ര​ക്ഷോ​ഭം വ്യാ​പി​പ്പി​ക്കാ​ൻ രൂ​പ​വ​ത്​​ക​രി​ച്ച ശ​ബ​രി​മ​ല ക​ർ​മ​സ​മി​തി ദേ​ശീ​യ ഘ​ട​ക​ത്തി​ന്‍റെ ഉ​പാ​ധ്യ​ക്ഷ​നാ​യി. ബി.​ജെ.​പി​ക്ക്​ വേ​ണ്ടി പ്ര​ചാ​ര​ണ​ത്തി​നി​റ​ങ്ങു​മോ​യെ​ന്ന്​ ചോ​ദി​ച്ച​പ്പോ​ൾ അ​തേ​ക്കു​റി​ച്ച്​ അ​റി​യി​ല്ലെ​ന്നും താ​ൻ പാ​ർ​ട്ടി അം​ഗ​മ​ല്ലെ​ന്നു​മാ​യി​രു​ന്നു മ​റു​പ​ടി. ‘ര​ണ്ട്​ വ​ർ​ഷ​മാ​യി എ​ല്ലാ പ​രി​പാ​ടി​ക​ളും കു​റ​ച്ചു. ഏ​തെ​ങ്കി​ലും സം​ഘ​ട​ന​യു​ടെ ഭാ​ഗ​മാ​യാ​ൽ പി​ന്നെ അ​വ​രെ കു​റ്റം പ​റ​യാ​നാ​വി​ല്ല’ -സെ​ൻ​കു​മാ​റി​ന്‍റെ വാ​ക്കു​ക​ൾ.

2006ൽ ​എ​ൽ.​ഡി.​എ​ഫ്​ പ്ര​തി​നി​ധി​യാ​യി കാ​ഞ്ഞി​ര​പ്പ​ള്ളി​യി​ൽ​നി​ന്ന്​ നി​യ​മ​സ​ഭ​യി​ലെ​ത്തി​യ മു​ൻ ഐ.​എ.​എ​സ്​ ഉ​ദ്യോ​ഗ​സ്ഥ​ൻ അ​ൽ​ഫോ​ൻ​സ്​ ക​ണ്ണ​ന്താ​നം 2011 മാ​ർ​ച്ചി​ലാ​ണ്​ ബി.​ജെ.​പി​യി​ൽ ചേ​ർ​ന്ന​ത്.

കേ​ന്ദ്ര​മ​ന്ത്രി​യും 11 വ​ർ​ഷം പാ​ർ​ട്ടി​യു​ടെ ദേ​ശീ​യ നി​ർ​വാ​ഹ​ക സ​മി​തി അം​ഗ​വു​മാ​യി. നി​ല​വി​ൽ പാ​ർ​ട്ടി​യി​ൽ ഭാ​ര​വാ​ഹി​ത്വ​മോ മ​റ്റ്​ ചു​മ​ത​ല​ക​ളോ ഒ​ന്നു​മി​ല്ല. താ​ൻ സാ​ധാ​ര​ണ പ്ര​വ​ർ​ത്ത​ക​ൻ മാ​ത്ര​മാ​ണെ​ന്നും തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നി​റ​ങ്ങു​മെ​ന്നും ഡ​ൽ​ഹി​യി​ൽ താ​മ​സി​ക്കു​ന്ന ക​ണ്ണ​ന്താ​നം പ​റ​യു​ന്നു.

2021 ഫെ​ബ്രു​വ​രി 18ന്​ ​ബി.​ജെ.​പി​യി​ൽ ചേ​ർ​ന്ന മെ​ട്രോ​മാ​ൻ ഇ. ​ശ്രീ​ധ​ര​ൻ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പാ​ല​ക്കാ​ട്​ മ​ത്സ​രി​ച്ച്​ 35.34 ശ​ത​മാ​നം വോ​ട്ട്​ പി​ടി​ച്ചു. അ​തേ വ​ർ​ഷം ഡി​സം​ബ​റി​ൽ സ​ജീ​വ രാ​ഷ്ട്രീ​യം വി​ട്ട ​​ശ്രീ​ധ​ര​ൻ ഇ​പ്പോ​ൾ ബി.​ജെ.​പി പ​രി​പാ​ടി​ക​ളി​ലൊ​ന്നു​മി​ല്ല. മെ​ട്രോ മേ​ഖ​ല​യി​ലെ പ്ര​വ​ർ​ത്ത​ന​ങ്ങ​ളു​മാ​യി കേ​ര​ള​ത്തി​ലും ഡ​ൽ​ഹി​യി​ലു​മു​ണ്ട്. കോ​ൺ​ഗ്ര​സ്​ വി​ട്ട്​ ബി.​ജെ.​പി​യി​ലെ​ത്തി​യ ടോം ​വ​ട​ക്കൻ ഇ​പ്പോ​ൾ പാ​ർ​ട്ടി ദേ​ശീ​യ വ​ക്​​താ​വാ​ണ്. തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​നി​ല്ലെ​ന്ന്​ പാ​ർ​ട്ടി​യെ ആ​ദ്യ​​മേ അ​റി​യി​ച്ചി​രു​ന്നു​വെ​ന്ന്​ അ​ദ്ദേ​ഹം പ​റ​യു​ന്നു.

ബി.​ജെ.​പി​യി​ലേ​ക്ക്​ പോ​യ സം​വി​ധാ​യ​ക​ൻ രാ​ജ​സേ​ന​ൻ പി​ന്നീ​ട്​ സി.​പി.​എ​മ്മി​ലെ​ത്തി. ക​ഴി​ഞ്ഞ ത​വ​ണ പ​ത്ത​നാ​പു​ര​ത്ത്​ ബി.​ജെ.​പി സ്ഥാ​നാ​ർ​ഥി​യി​രു​ന്ന ന​ട​ൻ ഭീ​മ​ൻ ര​ഘു​വും ഇ​പ്പോ​ൾ സി.​പി.​എ​മ്മി​നൊ​പ്പ​മാ​ണ്. ഒ​രു രാ​ഷ്ട്രീ​യ​ത്തി​നും അ​ടി​മ​യ​ല്ലെ​ന്ന്​ പ്ര​ഖ്യാ​പി​ച്ച്​ സം​വി​ധാ​യ​ക​ൻ രാ​മ​സിം​ഹ​ൻ അ​ബൂ​ബ​ക്ക​ർ (അ​ലി അ​ക്​​ബ​ർ) ക​ഴി​ഞ്ഞ​വ​ർ​ഷം ജൂ​ണി​ലാ​ണ്​ ബി.​ജെ.​പി വി​ട്ട​ത്.