ബി.ജെ.പി ഹർത്താൽ ക്രമസമാധാനം തകർക്കുകയെന്ന ലക്ഷ്യത്തോടെ- മുഖ്യമന്ത്രി

തിരുവനന്തപുരം: സംസ്ഥാനത്തെ ക്രമസമാധാനം തകർക്കുകയെന്ന ലക്ഷ്യത്തോടെയാണ്​ ബി.ജെ.പി ഹർത്താലുകൾ നടത്തിയതെന്ന് ​ മുഖ്യമന്ത്രി പിണറായി വിജയൻ. അനാവശ്യ ഹർത്താലുകൾ ഒഴിവാക്കണം. അതിനായി സർവകക്ഷിയോഗം വിളിക്കാൻ തയാറാണെന്നും​ മ ുഖ്യമന്ത്രി പറഞ്ഞു.

ഹർത്താലിനിടെ അക്രമം നടത്തിയവർക്കെതിരെ കർശന നടപടിയെടുത്തിട്ടുണ്ട്​. കേരളത്തി​​​​െൻറ വികസനത്തിന് ഒരു പങ്കും വഹിക്കാത്തവരാണ് ബോധപൂർവം ഹർത്താൽ നടത്തുന്നതെന്നും മുഖ്യമന്ത്രി ആരോപിച്ചു. നിയമസഭയിൽ ചേദ്യോത്തരവേളയിൽ ഹർത്താൽ സംബന്ധിച്ച പ്രതിപക്ഷത്തി​​​​െൻറ ചോദ്യങ്ങൾക്ക്​ മറുപടി പറയുകയായിരുന്നു അദ്ദേഹം.

കാസർകോട് മഞ്ചേശ്വരത്ത് ബി.ജെ.പി വർഗീയ കലാപനീക്കം നടത്തിയതായി കണ്ടെത്തി. പൊലീസ് ഫലപ്രദമായി ഇടപെട്ടതിനാൽ കലാപം ഉണ്ടക്കാനുള്ള ഗൂഢപദ്ധതി നടക്കാതെ പോയി. പൊലീസ്​ കനത്ത ജാഗ്രതയോടെയാണ്​ നീങ്ങുന്നതെന്നും ജനങ്ങളുടെ സഹകരണം വേണമെന്നും മുഖ്യമന്ത്രി ആവശ്യപ്പെട്ടു.

തുടർച്ചയായ ബി.ജെ.പി ഹർത്താലുകളിൽ 28,43,022 രൂപയുടെ പൊതുമുതൽ നശിപ്പിക്കപ്പെട്ടു. ഒര​ു കോടിയോളം രൂപയുടെ സ്വകാര്യ മുതൽ നഷ്ടമായെന്നും അദ്ദേഹം വ്യക്തമാക്കി.

ഗവർണറുടെ നയപ്രഖ്യാപനത്തിന്മേലുള്ള നന്ദി പ്രമേയ ചര്‍ച്ചക്കായാണ്​ നിയമസഭ ചേർന്നത്​. അനാവശ്യ ഹർത്താലുകൾക്കെതിരെ ശക്​തമായ നടപടികൾ സ്വീകരിക്കണമെന്ന്​ വിവിധ കക്ഷികൾ സഭയിൽ ആവശ്യപ്പെട്ടു. ഹർത്താലിനിടെ അക്രമസംഭവങ്ങൾ നടത്തുന്നവർ​െക്കതിരെ നടപടി സ്വീകരിക്കണമെന്നും മിന്നൽ ഹർത്താലുകൾ നിരോധിക്കണമെന്നും പ്രതിപക്ഷം സഭയിൽ ആവശ്യപ്പെട്ടു. പ്രതിപക്ഷത്തി​​​​​െൻറ ആവശ്യ​ങ്ങളെ അനുഭാവപൂർവം പരിഗണിച്ചുകൊണ്ടുള്ള മറുപടിയാണ്​ ​മുഖ്യമന്ത്രി നൽകിയത്​.