കോടിയേരിയുമായി സംവാദത്തിന്​ തയാർ -ശ്രീധരൻ പിള്ള

ന്യൂഡൽഹി: സംവാദത്തിനുള്ള സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണ​​​െൻറ വെല്ലുവിളി ഏറ്റെടുക്കുന്നുവെന്നും സംവാദത്തിന്​ തയാറാണെന്നും ബി.ജെ.പി സംസ്​ഥാന അധ്യക്ഷൻ പി.എസ്​. ശ്രീധരൻ പിള്ള. ആശയസംവാദത്തിന്​ കഴിഞ്ഞ ദിവസം കോടിയേരി ബാലകൃഷ്​ണൻ ബി.ജെ.പിയെ വെല്ലുവിളിച്ചിരുന്നു.

സംസ്​ഥാനത്ത്​ അപ്രഖ്യാപിത അടിയന്തരാവസ്​ഥയാ​െണന്നും ശ്രീധരൻ പിള്ള പറഞ്ഞു​. സംസ്​ഥാനത്തെ പൊലീസ്​ രാജിനെതിരെ കേന്ദ്ര ആഭ്യന്തര മന്ത്രാലയത്തിന്​ പരാതി നൽകിയിട്ടുണ്ട്​. ബി.ജെ.പി അക്രമ മാർഗ്ഗത്തിൽ പോയിട്ടില്ല. സുരേന്ദ്രനെതിരെ കള്ളക്കേസാണെടുത്തത്​​. പുതിയ വകുപ്പുകൾ ഇപ്പോൾ ചേർക്കുകയാണ്. കേന്ദ്ര മന്ത്രി ജിതേന്ദർ സിംഗുമായി താൻ കൂടിക്കാഴ്ച നടത്തിയിരുന്നു. യതീഷ് ചന്ദ്രയുടെ മോശം പെരുമാറ്റം കേന്ദ്രത്തി​​​െൻറ ശ്രദ്ധയിൽ പെടുത്തിയിട്ടുണ്ട്​. ശബരി മല പ്രക്ഷോഭത്തിന്​ ദേശീയ നേതൃത്വം പൂർണ പിന്തുണ പ്രഖ്യാപിച്ചിട്ടുണ്ടെന്നും ശ്രീധരൻ പിള്ള പറഞ്ഞു.

യതീഷ് ചന്ദ്ര കെ.പി. ശശികലയുടെ മകനെ പിടിച്ചിറക്കി ജീപ്പിൽ കയറ്റി അപമാനിക്കുകയും അറസ്​റ്റിന്​ ആഹ്വാനം ചെയ്യുകയും ചെയ്​തു. ബി.ജെ.പി നേതാക്കളെ ഒറ്റപ്പെടുത്തി മുട്ടുകുത്തിക്കാൻ കഴിയില്ല. കമ്മ്യൂണിസ്​റ്റ്​ ഭരണകൂടത്തി​​​െൻറ നടപടികളെ രാഷ്​ട്രീയപരമായും നിയമപരമായും നേരിടുമെന്നും ബി.ജെ.പി അധ്യക്ഷൻ പറഞ്ഞു. ബി.ജെ.പി കണ്ണൂർ ജില്ലയുടെ പേരിലുള്ള സർക്കുലർ വ്യാജമാണ്​. എന്നാൽ സംസ്ഥാന കമ്മിറ്റിയുടെ സർക്കുലർ യഥാർഥമാണ്.

ശബരിമല വിഷയത്തിൽ ബി.ജെ.പിയുടെ നിലപാടിൽ ആശയക്കുഴപ്പമില്ല. യുവതി പ്രവേശന വിഷയത്തിൽ ജനുവരി 22ന് കോടതിയുടെ അന്തിമ വിധി വന്നതിനു ​േശഷം സംസാരിക്കുന്നതായും കരണീയം. വിശ്വാസികളെ സഹായിക്കാനാണ് തുടക്കം മുതൽ ശ്രമിച്ചതെന്നും സുപ്രീം കോടതിക്കെതിരല്ല തങ്ങളുടെ സമരമെന്നും അദ്ദേഹം പറഞ്ഞു.