‘ലവ്​ ജിഹാദി’നും മതംമാറ്റങ്ങൾക്കും എതിരായ ഹരജി രണ്ടാഴ്​ചത്തേക്ക്​ മാറ്റി

ന്യൂഡൽഹി: രാജ്യത്തെ ലവ്​ ജിഹാദും മത പരിവർത്തനങ്ങളും ദേശീയ അന്വേഷണ ഏജൻസി (എൻ.െഎ.എ) അന്വേഷിക്കണമെന്ന്​ ആവശ്യ​പ്പെട്ട്​ തിരുവനന്തപുരം മണക്കാട്​ തെക്കേവീട്ടിലെ നിമിഷയുടെ മാതാവ്​ ബിന്ദു സമ്പത്ത്​  സമർപ്പിച്ച ഹരജി രണ്ടാഴ്​ച കഴിഞ്ഞ്​ പരിഗണിക്കാമെന്ന്​ സുപ്രീംകോടതി വ്യക്​തമാക്കി. 

മതം മാറ്റി ​െഎ.എസിലേക്ക്​ റിക്രൂട്ട്​ ചെയ്​ത്​ അഫ്​ഗാനിസ്താനിലേക്ക്​ കൊണ്ടുപോയ യുവതിയുടെ അമ്മയുടെ ഹരജിയാണിതെന്ന്​ ബിന്ദു സമ്പത്തിന്​ വേണ്ടി സുപ്രീംകോടതിയെ സമീപിച്ച യു.പി സർക്കാറി​​​െൻറ അഡീഷനൽ അഡ്വക്കറ്റ്​ ജനറൽ െഎശ്വര്യ ഭാട്ടി ബോധിപ്പിച്ചു. ഹാദിയ കേസിൽ കക്ഷി​ ചേരാൻ അപേക്ഷ നൽകിയപ്പോ​ൾ പ​ുതിയ ഹരജിയുമായി സമീപിക്കാനാണ്​ സുപ്രീംകോടതി ആവശ്യപ്പെട്ടതെന്നും അതി​​​െൻറ അടിസ്​ഥാനത്തിലാണ്​ ഇൗ അപേക്ഷയെന്നും ഭാട്ടി വ്യക്​തമാക്കി. 

തുടർന്ന്​ ചീഫ്​ ജസ്​റ്റിസ്​ ദീപക്​ മിശ്ര അധ്യക്ഷനായ ബെഞ്ച്​ കേസ്​ രണ്ടാഴ്​ച കഴിഞ്ഞ്​ പരിഗണിക്കാമെന്ന്​ പറഞ്ഞ്​ മാറ്റി. കേസിലെ കക്ഷികൾക്ക്​ നോട്ടീസെങ്കിലും അയക്കണമെന്ന്​ ഭാട്ടി ആവശ്യപ്പെട്ടുവെങ്കിലും ചീഫ്​ ജസ്​റ്റിസ്​ അംഗീകരിച്ചില്ല.  ഡോ. ഹാദിയയെ തിരിച്ചുകിട്ടാൻ ഭർത്താവ്​ ശഫിൻ ജഹാൻ സമർപ്പിച്ച ഹരജിയിൽ കക്ഷി ചേരാൻ സുപ്രീംകോടതി അനുവദിക്കാതിരുന്നതിനെ തുടർന്നാണ്​ െഎശ്വര്യ ഭാട്ടി ബിന്ദുവിന്​ വേണ്ടി പുതിയ ഹരജി സമർപ്പിച്ചത്​. ബിന്ദു സമ്പത്തും ന്യൂഡൽഹി  അഖില ഹിന്ദു മഹാസഭ ഭവനിൽ താമസിക്കുന്ന മഹാരാഷ​​്​്ട്ര സ്വദേശിനി സുമതി ആര്യയും ഒരേ പോലുള്ള ഹരജികളാണ്​ ഹാദിയ കേസിൽ കക്ഷി ചേരാൻ സമർപ്പിച്ചിരുന്നത്​. സുമതിക്ക്​ വേണ്ടി ​െഎശ്വര്യ ഭാട്ടിയുടെ ഭർത്താവാണ്​ അപേക്ഷ നൽകിയിരുന്നത്​.