പി.​​എ​​സ്.​​സി​​യു​​ടെ സ്വ​​യം​​ഭ​​ര​​ണാ​​ധി​​കാ​​രം നി​​യ​​മ​​ന പ്ര​​ക്രി​​യ​​യി​​ൽ മാ​​ത്ര​​മെ​ന്ന് സു​​പ്രീം​​കോ​​ട​​തി; സർക്കാർ നിർദേശം അംഗീകരിക്കണം

ന്യൂ​ഡ​ല്‍ഹി: റാ​ങ്ക് പ​ട്ടി​ക വി​പു​ലീ​ക​രി​ക്കാ​നു​ള്ള സം​സ്ഥാ​ന സ​ർ​ക്കാ​ർ നി​ർ​ദേ​ശം ത​ള്ളി​യ പ​ബ്ലി​ക് സ​ർ​വി​സ് ക​മീ​ഷ​ൻ (പി.​എ​സ്‍.​സി) തീ​രു​മാ​ന​ത്തെ രൂ​ക്ഷ​മാ​യി വി​മ​ർ​ശി​ച്ച് സു​പ്രീം​കോ​ട​തി. നി​യ​മ​ന പ്ര​ക്രി​യ​യി​ൽ മാ​ത്ര​മാ​ണ് പി.​എ​സ്.​സി​ക്ക് സ്വ​യം​ഭ​ര​ണാ​ധി​കാ​ര​മു​ള്ള​തെ​ന്നും ഒ​ഴി​വു​ക​ൾ നി​ർ​ണ​യി​ക്കു​ന്ന​തും റാ​ങ്ക് പ​ട്ടി​ക വി​പു​ലീ​ക​രി​ക്കു​ന്ന​തു​മ​ട​ക്ക​മു​ള്ള കാ​ര്യ​ങ്ങ​ളി​ൽ തൊ​ഴി​ൽ​ദാ​താ​വാ​യ സം​സ്ഥാ​ന സ​ർ​ക്കാ​റി​നാ​ണ് അ​ധി​കാ​ര​മെ​ന്നും ജ​സ്റ്റി​സു​മാ​രാ​യ വി​ക്രം​നാ​ഥ്, പി.​ബി.​വ​രാ​ലെ എ​ന്നി​വ​ര​ട​ങ്ങി​യ ബെ​ഞ്ച് നി​രീ​ക്ഷി​ച്ചു.

14 ജി​ല്ല​ക​ളി​ലെ മു​നി​സി​പ്പ​ല്‍ കോ​മ​ണ്‍ സ​ര്‍വി​സി​ലെ ജൂ​നി​യ​ര്‍ ഹെ​ല്‍ത്ത് ഇ​ന്‍സ്‌​പെ​ക്ട​ര്‍ ഗ്രേ​ഡ് -2 നി​യ​മ​ന​ത്തി​നാ​യി ത​യാ​റാ​ക്കി​യ റാ​ങ്ക് പ​ട്ടി​ക വി​പു​ലീ​ക​രി​ക്ക​ണ​മെ​ന്ന സം​സ്ഥാ​ന സ​ര്‍ക്കാ​ർ നി​ര്‍ദേ​ശം പി.​എ​സ്‌.​സി ത​ള്ളി​യി​രു​ന്നു. പി.​എ​സ്.​സി തീ​രു​മാ​നം ശ​രി​വെ​ച്ച കേ​ര​ള ഹൈ​കോ​ട​തി ഉ​ത്ത​ര​വി​നെ​തി​രെ സം​സ്ഥാ​ന സ​ർ​ക്കാ​ർ ന​ൽ​കി​യ അ​പ്പീ​ലി​ലാ​ണ് വി​ധി റ​ദ്ദാ​ക്കി സു​പ്രീം​കോ​ട​തി വി​മ​ർ​ശ​നം.

സ​ർ​ക്കാ​ർ നി​ർ​ദേ​ശ​ങ്ങ​ൾ നി​രാ​ക​രി​ക്കു​ന്ന​ത് പി.​എ​സ്.​സി​യു​ടെ അ​ധി​കാ​ര​പ​രി​ധി മ​റി​ക​ട​ക്കു​ന്ന​താ​ണ്. ഒ​ഴി​വു​ക​ള്‍ വി​ജ്ഞാ​പ​നം ചെ​യ്യു​ന്ന​തും മാ​ന​ദ​ണ്ഡ​ങ്ങ​ള്‍ നി​ശ്ച​യി​ക്കു​ന്ന​തും സ​ര്‍ക്കാ​റി​ന്റെ അ​ധി​കാ​ര​പ​രി​ധി​യി​ൽ പെ​ട്ട കാ​ര്യ​മാ​ണ്. സ​ര്‍ക്കാ​ര്‍ മാ​ന​ദ​ണ്ഡ​ത്തി​ന​നു​സ​രി​ച്ച് നി​യ​മ​ന​പ്ര​ക്രി​യ പൂ​ർ​ത്തി​യാ​ക്കി റാ​ങ്ക് പ​ട്ടി​ക ത​യാ​റാ​ക്ക​ല്‍ മാ​ത്ര​മാ​ണ് പി.​എ​സ്‌.​സി​യു​ടെ ചു​മ​ത​ല​യെ​ന്ന് കോ​ട​തി വ്യ​ക്ത​മാ​ക്കി.

എ​ത്ര നി​യ​മ​നം ന​ട​ത്ത​ണ​മെ​ന്ന് തീ​രു​മാ​നി​ക്കു​ന്ന​ത് സ​ർ​ക്കാ​റാ​ണ്. സ​ർ​ക്കാ​റി​ന്റെ അ​ധി​കാ​ര​ത്തി​ൽ പി.​എ​സ്.​സി ക​ട​ന്നു​ക​യ​റു​ന്ന​ത് തെ​റ്റാ​ണ്. നി​ല​വി​ലു​ള്ള ഒ​ഴി​വു​ക​ൾ ക​ണ​ക്കി​ലെ​ടു​ത്ത് കൂ​ടു​ത​ൽ നി​യ​മ​നം ന​ട​ത്താ​ൻ സ​ർ​ക്കാ​ർ തീ​രു​മാ​നി​ച്ചാ​ൽ അ​ത് അം​ഗീ​ക​രി​ക്കാ​ൻ പി.​എ​സ്.​സി​ക്ക് ബാ​ധ്യ​ത​യു​ണ്ട്.

പി.​എ​സ്.​സി 2014ൽ ​പ്ര​സി​ദ്ധീ​ക​രി​ച്ച വി​ജ്ഞാ​പ​ന​ത്തി​ൽ തെ​ര​ഞ്ഞെ​ടു​പ്പ് ന​ട​പ​ടി​ക​ൾ അ​ന​ന്ത​മാ​യി നീ​ണ്ട​താ​യി കോ​ട​തി വി​ല​യി​രു​ത്തി. 2020ല്‍ ​റാ​ങ്ക് ലി​സ്റ്റ് പ്ര​സി​ദ്ധീ​ക​രി​ച്ച​പ്പോ​ഴേ​ക്കും കൂ​ടു​ത​ൽ ഒ​ഴി​വു​ക​ൾ റി​പ്പോ​ർ​ട്ട് ചെ​യ്തി​രു​ന്നു. അ​തു​കൊ​ണ്ടു​ത​ന്നെ റാ​ങ്ക് പ​ട്ടി​ക വി​പു​ലീ​ക​രി​ക്ക​ണ​മെ​ന്ന് നി​ർ​ദേ​ശി​ക്കാ​ൻ സ​ർ​ക്കാ​റി​ന് അ​ധി​കാ​ര​മു​ണ്ട്.

അ​ധി​ക ഒ​ഴി​വു​ക​ൾ ഉ​ൾ​പ്പെ​ടു​ത്തി 2014ലെ ​വി​ജ്ഞാ​പ​ന​പ്ര​കാ​രം റാ​ങ്ക് ലി​സ്റ്റ് വി​പു​ലീ​ക​രി​ക്കാ​ൻ പി.​എ​സ്.​സി​ക്ക് നി​ർ​ദേ​ശം ന​ൽ​കി​യ സു​പ്രീം​കോ​ട​തി റാ​ങ്ക് പ​ട്ടി​ക​യി​ലു​ള്ള എ​ല്ലാ​വ​ര്‍ക്കും ഉ​ത്ത​ര​വ് ബാ​ധ​ക​മാ​യി​രി​ക്കു​മെ​ന്നും വ്യ​ക്ത​മാ​ക്കി. ഹ​ര​ജി​ക്കാ​ര്‍ക്കു​വേ​ണ്ടി മു​തി​ർ​ന്ന അ​ഭി​ഭാ​ഷ​ക​ന്‍ നി​ഖി​ല്‍ ഗോ​യ​ല്‍, അ​ഭി​ഭാ​ഷ​ക​രാ​യ ഹാ​രി​സ് ബീ​രാ​ന്‍, അ​സ​ര്‍ അ​സീ​സ്, ആ​ന​ന്ദ് ബി. ​മേ​നോ​ന്‍ എ​ന്നി​വ​ർ ഹാ​ജ​രാ​യി.