മലപ്പുറത്തിന്​ നേരിയ ആശ്വാസം; ടെസ്റ്റ്​ പോസിറ്റിവിറ്റി നിരക്കിൽ കുറവ്​

മലപ്പുറം: ട്രിപ്പിൾ ലോക്​ഡൗൺ തുടരുന്ന മലപ്പുറം ജില്ലക്ക്​ ആശ്വാസമായി ​ടെസ്റ്റ്​പോസിറ്റിവിറ്റി നിരക്കിൽ കുറവ്​. 4,751 പേർക്കാണ്​ മലപ്പുറം ജില്ലയിൽ ഇന്ന്​ കോവിഡ്​ സ്ഥിരീകരിച്ചത്​. 21.62 ശതമാനമാണ്​ ടെസ്റ്റ്​ പോസിറ്റിവിറ്റി നിരക്ക്​.

കഴിഞ്ഞ ദിവസം 5315 പേർക്കാണ്​ മലപ്പുറം ജില്ലയിൽ കോവിഡ്​ സ്ഥിരീകരിച്ചത്​. 26.57 ശതമാനമായിരുന്നു​ ടെസ്റ്റ്​ പോസിറ്റിവിറ്റി നിരക്ക്​. രോഗികളുടെ എണ്ണത്തിലും ടെസ്റ്റ്​ പോസിറ്റിവിറ്റി നിരക്കിലും മലപ്പുറം ജില്ലയിൽ നേരിയ കുറവ്​ രേഖപ്പെടുത്തുകയാണ്​.

കടുത്ത നിയന്ത്രണങ്ങൾ ഏർപ്പെടുത്തിയിട്ടും മലപ്പുറം ജില്ലയിൽ കോവിഡ്​ രോഗികളുടെ എണ്ണം കുറയുന്നില്ലെന്ന്​ മുഖ്യമന്ത്രി കഴിഞ്ഞ ദിവസം വ്യക്​തമാക്കിയിരുന്നു. രോഗികളുടെ എണ്ണം കുറയാത്തതിനാൽ തൃശൂർ, എറണാകുളം, തിരുവനന്തപുരം ജില്ലകളിൽ ട്രിപ്പിൾ ലോക്​ഡൗൺ പിൻവലിച്ചിട്ടും മലപ്പുറം ജില്ലയിൽ നിയന്ത്രണങ്ങൾ ഒഴിവാക്കിയിരുന്നില്ല.