ലൈസൻസ്​ പുതുക്കൽ: ഉത്തരവിൽ 200 രൂപ; ഈടാക്കുന്നത്​ 400

തി​രു​വ​ന​ന്ത​പു​രം: സം​സ്ഥാ​ന​ത്ത്​ ലൈ​സ​ൻ​സ്​ പു​തു​ക്ക​ലി​ന്​ ഗ​താ​ഗ​ത വ​കു​പ്പ്​ പു​റ​ത്തി​റ​ക്കി​യ ഉ​ത്ത​ര​വി​ൽ 200 രൂ​പ​യെ​ങ്കി​ലും ഈ​ടാ​ക്കു​ന്ന​ത്​ 400 രൂ​പ. ലൈ​സ​ൻ​സ്​ കാ​ർ​ഡ്​ പ്രി​ന്‍റ്​ ചെ​യ്യു​ന്ന​ത്​ അ​വ​സാ​നി​പ്പി​ച്ചെ​ങ്കി​ലും സ​ർ​വി​സ്​ ഫീ​സാ​യി 200 രൂ​പ തു​ട​രു​ന്ന​താ​ണ്​ നി​ര​ക്ക്​ വ​ർ​ധി​ക്കാ​ൻ കാ​ര​ണം. ​ന​വം​ബ​ർ ഒ​ന്നു​മു​ത​ൽ ലൈ​സ​ൻ​സ്​ കാ​ർ​ഡ്​ ഡി​ജി​റ്റ​ലാ​യി സൂ​ക്ഷി​ച്ചാ​ൽ മ​തി​യെ​ന്ന്​ വ്യ​വ​സ്ഥ​ചെ​യ്​​ത്​ ഗ​താ​ഗ​ത വ​കു​പ്പ്​ ത​യാ​റാ​ക്കി​യ ഉ​ത്ത​ര​വി​ലാ​ണ്​ പു​തു​ക്ക​ലി​ന്​ 200 രൂ​പ​യെ​ന്ന്​ കൃ​ത്യ​മാ​യി പ​റ​യു​ന്ന​ത്. ന​വം​ബ​ർ ആ​റി​നാ​ണ്​ ഈ ​ഉ​ത്ത​ര​വി​റ​ങ്ങി​യ​ത്. എ​ന്നാ​ൽ ന​വം​ബ​ർ 18 ന്​ ​ലൈ​സ​ൻ​സ്​ പു​തു​ക്കാ​ൻ പോ​ർ​ട്ട​ൽ വ​ഴി അ​പേ​ക്ഷി​ച്ച​വ​രി​ൽ നി​ന്നും സ​ർ​വി​സ്​ ചാ​ർ​ജ​ട​ക്കം 400 രൂ​പ​യാ​ണ്​ ഈ​ടാ​ക്കി​യ​ത്. ഉ​ത്ത​ര​വി​ലാ​ക​ട്ടെ പു​തു​ക്ക​ൽ ഫീ​സ​ല്ലാ​തെ സ​ർ​വി​സ്​ ചാ​ർ​ജി​നെ കു​റി​ച്ച്​ ഒ​ന്നും പ​റ​യു​ന്നി​ല്ല. ഫ​ല​ത്തി​ൽ സ​ർ​വി​സ്​ ചാ​ർ​ജ്​​ നി​ജ​പ്പെ​ടു​ത്താ​തെ​യും പ​രാ​മ​ർ​​ശി​ക്കാ​തെ​യും എ​ത്ര​യും തു​ക ഈ​ടാ​ക്കാ​നു​ള്ള പ​ഴു​ത്​ ശേ​ഷി​പ്പി​ക്കു​ക​യാ​യി​രു​ന്നു. ഉ​ത്ത​ര​വ്​ ഇ​റ​ങ്ങി​യ​തേ​യു​ള്ളൂ​വെ​ന്നും ഇ​ത്​ എ​ൻ.​ഐ.​സി​ക്ക്​ കൈ​മാ​റി​യ​ശേ​ഷം അ​വ​രാ​ണ്​ പോ​ർ​ട്ട​ലി​ൽ മാ​റ്റം വ​രു​ത്തേ​ണ്ട​തെ​ന്നു​മു​ള്ള വി​ചി​ത്ര വാ​ദ​മാ​ണ്​ മോ​ട്ടോ​ർ വാ​ഹ​ന വ​കു​പ്പ്​ മു​ന്നോ​ട്ടു​വെ​ക്കു​ന്ന​ത്.

അ​ധി​കം ഫീ​സ്​ ഈ​ടാ​ക്കു​ന്ന​ത്​ എ​ന്ന്​ അ​വ​സാ​നി​ക്കും എ​ന്ന​തി​ന്​ കൃ​ത്യ​മാ​യ മ​റു​പ​ടി​യി​ല്ല. ഒ​പ്പം, ഇ​ക്കാ​ല​യ​ള​വി​ൽ അ​ധി​ക​മാ​യി വാ​ങ്ങു​ന്ന സ​ർ​വി​സ്​ ചാ​ർ​ജ്​ മ​ട​ക്കി ന​ൽ​കു​മോ എ​ന്ന​തും വ്യ​ക്ത​മ​ല്ല. ഡ്രൈ​വി​ങ്​ ലൈ​സ​ൻ​സ്​ അ​ച്ച​ടി അ​വ​സാ​നി​പ്പി​ച്ച്​ ഡി​ജി​റ്റ​ൽ കാ​ർ​ഡി​ലേ​ക്ക്​ മാ​റി​യെ​ങ്കി​ലും സ​ർ​വി​സ്​ ചാ​ർ​ജി​ന​ത്തി​ൽ കി​ട്ടി​യി​രു​ന്ന വ​രു​മാ​നം ന​ഷ്ട​പ്പെ​ടാ​തി​രി​ക്കാ​നാ​ണ്​ ഈ ​കു​റു​ക്കു​വ​ഴി നീ​ക്ക​മെ​ന്നാ​ണ്​ വി​മ​ർ​ശ​നം.

ലൈ​സ​ൻ​സ്​ പു​തു​ക്കു​ന്ന​തി​ന്​ മു​മ്പ്​​ 60 രൂ​പ​യാ​യി​രു​ന്നു സ​ർ​വി​സ്​ ചാ​ർ​ജ്. എ​ന്നാ​ൽ ന​വം​ബ​ർ ഒ​ന്ന്​ മു​ത​ൽ ​പ്രി​ൻ​റി​ങ്​ ചാ​ർ​ജും ത​പാ​ൽ ചാ​ർ​ജും ഒ​ഴി​വാ​ക്കി​യെ​ങ്കി​ലും സ​ർ​വി​സ്​ ചാ​ർ​ജ്​ ഒ​റ്റ​യ​ടി​ക്ക്​ 60ൽ​നി​ന്ന്​ 200 രൂ​പ​യാ​ക്കി ​ഉ​യ​ർ​ത്തു​ക​യാ​യി​രു​ന്നു. കാ​ർ​ഡി​ന്‍റെ പേ​രി​ൽ 200 രൂ​പ​യാ​ണ്​ നേ​ര​ത്തെ ഈ​ടാ​ക്കി​യി​രു​ന്ന​ത്. ഇ​തി​ൽ 60 രൂ​പ അ​ച്ച​ടി​ക്കു​ന്ന പ്രി​ന്‍റി​ങ്​ ഏ​ജ​ൻ​സി​ക്കും 140 രൂ​പ സ​ർ​ക്കാ​റി​നു​മാ​യി​രു​ന്നു കി​ട്ടി​യി​രു​ന്ന​ത്. അ​ച്ച​ടി നി​ർ​ത്തി​യെ​ങ്കി​ലും സ​ർ​ക്കാ​റി​ന്​ ഈ ​വ​ഴി ല​ഭി​ച്ചി​രു​ന്ന 140 രൂ​പ സ​ർ​വി​സ്​ ചാ​ർ​ജി​ൽ ഉ​ൾ​പ്പെ​ടു​ത്തി​യ​താ​ണ്​ നി​ര​ക്ക്​ കൂ​ടാ​ൻ കാ​ര​ണം. ഫ​ല​ത്തി​ൽ മോ​ട്ടോ​ർ വാ​ഹ​ന വ​കു​പ്പി​ന്​ ഒ​രു രൂ​പ​യു​ടെ അ​ധി​ക ചെ​ല​വ്​ പോ​ലു​മി​ല്ലാ​ത്ത ന​ട​പ​ടി​ക്കാ​ണ്​ ഒ​റ്റ​യ​ടി​ക്ക്​ 140 രൂ​പ വ​ർ​ധി​പ്പി​ച്ച​ത്.