സ്വകാര്യവാഹനങ്ങൾ വാടകക്ക്​ കൊടുത്താൽ ‘പണി’യാകും; രജിസ്​ട്രേഷൻ ഉൾപ്പെടെ റദ്ദാകും

കോ​ട്ട​യം: സ്വ​കാ​ര്യ​വാ​ഹ​ന​ങ്ങ​ൾ മ​റ്റ്​ വ്യ​ക്തി​ക​ൾ​ക്ക്​ പ​ണ​മോ പ്ര​തി​ഫ​ല​മോ വാ​ങ്ങി സ്ഥി​ര​മാ​യി വാ​ട​ക​ക്ക്​ ന​ൽ​കി പ​ണ​മു​ണ്ടാ​ക്കാ​മെ​ന്ന്​ വി​ചാ​രി​ച്ചാ​ൽ ‘പ​ണി’ ഉ​റ​പ്പ്. ഇ​ത്ത​ര​ത്തി​ൽ വാ​ഹ​ന​ങ്ങ​ൾ ന​ൽ​കു​ന്ന​ത്​ മോ​ട്ടോ​ർ വാ​ഹ​ന നി​യ​മ​പ്ര​കാ​രം ശി​ക്ഷാ​ർ​ഹ​മാ​ണ്. അ​ന​ധി​കൃ​ത​മാ​യി വാ​ട​ക​ക്ക്​ ന​ൽ​കു​ന്ന സ്വ​കാ​ര്യ​വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​ൻ റ​ദ്ദു​ചെ​യ്യു​ന്ന​ത്​ ഉ​ൾ​പ്പെ​ടെ ക​ർ​ശ​ന​ന​ട​പ​ടി​ക​ൾ സ്വീ​ക​രി​ക്കു​മെ​ന്ന്​ ഗ​താ​ഗ​ത ക​മീ​ഷ​ണ​ർ സി.​എ​ച്ച്. നാ​ഗ​രാ​ജു വ്യ​ക്ത​മാ​ക്കി.

അ​തി​നു​പു​റ​മെ, റോ​ഡു​ക​ളി​ലെ പ​രി​ശോ​ധ​ന ശ​ക്ത​മാ​ക്കാ​നും പു​തു​വ​ത്സ​ര​ത്ത​ലേ​ന്ന്​ വാ​ഹ​ന പ​രി​ശോ​ധ​ന ക​ർ​ക്ക​ശ​മാ​യി ന​ട​പ്പാ​ക്കാ​നും മോ​ട്ടോ​ർ വാ​ഹ​ന​വ​കു​പ്പ്​ തീ​രു​മാ​നി​ച്ചു.

നേ​ര​ത്തേ സ്വ​കാ​ര്യ​വാ​ഹ​ന​ങ്ങ​ൾ ഉ​പ​യോ​ഗി​ക്കു​ന്ന​തു​മാ​യി ബ​ന്ധ​പ്പെ​ട്ട്​ ഗ​താ​ഗ​ത ക​മീ​ഷ​ണ​റു​ടെ പ്ര​തി​ക​ര​ണം തെ​റ്റാ​യി വ്യാ​ഖ്യാ​നി​ക്ക​പ്പെ​ട്ടി​രു​ന്നു. അ​ക്കാ​ര്യ​ത്തി​ലും വ​കു​പ്പ്​ വ്യ​ക്ത​ത വ​രു​ത്തി. സ്വ​കാ​ര്യ വാ​ഹ​ന​ങ്ങ​ൾ വാ​ഹ​ന​യു​ട​മ​യു​ടെ കു​ടും​ബാം​ഗ​ങ്ങ​ൾ സ്ഥി​ര​മാ​യി ഉ​പ​യോ​ഗി​ക്കു​ന്ന​ത് നി​യ​മ​വി​രു​ദ്ധ​മ​ല്ല. അ​തു​പോ​ലെ​ത​ന്നെ ബ​ന്ധു​ക്ക​ൾ​ക്കോ സു​ഹൃ​ത്തു​ക്ക​ൾ​ക്കോ അ​ത്യാ​വ​ശ്യ​ഘ​ട്ട​ങ്ങ​ളി​ൽ പ്ര​തി​ഫ​ലം വാ​ങ്ങാ​തെ ഉ​പ​യോ​ഗി​ക്കാ​ൻ ന​ൽ​കു​ന്ന​തി​ലും തെ​റ്റി​ല്ല.

എ​ന്നാ​ൽ, സ്വ​കാ​ര്യ​വാ​ഹ​ന​ങ്ങ​ൾ സ്ഥി​ര​മാ​യി മ​റ്റ്​ വ്യ​ക്തി​ക​ളു​ടെ ഉ​പ​യോ​ഗ​ത്തി​നാ​യി വി​ട്ടു​ന​ൽ​കു​ന്ന​തും സ്ഥി​ര​മാ​യി പ​ല വ്യ​ക്തി​ക​ളു​മാ​യി യാ​ത്ര ചെ​യ്യു​ന്ന​തും പ​ര​സ്യം ന​ൽ​കി വാ​ഹ​ന​ങ്ങ​ൾ വാ​ട​ക​ക്ക്​ ന​ൽ​കു​ന്ന​തും മോ​ട്ടോ​ർ വാ​ഹ​ന നി​യ​മ​പ്ര​കാ​രം ശി​ക്ഷാ​ർ​ഹ​മാ​ണെ​ന്ന്​ വ​കു​പ്പ്​ വ്യ​ക്ത​മാ​ക്കു​ന്നു.

എ​ട്ട് സീ​റ്റി​ൽ കൂ​ടു​ത​ൽ ഘ​ടി​പ്പി​ച്ച വാ​ഹ​ന​ങ്ങ​ൾ ത​ന്‍റെ​യും കു​ടും​ബാം​ഗ​ങ്ങ​ളു​ടെ​യും മാ​ത്രം ഉ​പ​യോ​ഗ​ത്തി​ന് വേ​ണ്ടി​യു​ള്ള​താ​ണെ​ന്ന് വാ​ഹ​ന​യു​ട​മ സ​ത്യ​വാ​ങ്മൂ​ലം ന​ൽ​കു​ന്ന​തി​ന്‍റെ അ​ടി​സ്ഥാ​ന​ത്തി​ലാ​ണ് സ്വ​കാ​ര്യ​വാ​ഹ​ന​മാ​യി ര​ജി​സ്റ്റ​ർ ചെ​യ്ത്​ ന​ൽ​കു​ന്ന​ത്. ഇ​ത്ത​രം വാ​ഹ​ന​ങ്ങ​ൾ എ​ന്ത്​ ആ​വ​ശ്യ​ത്തി​നാ​യാ​ലും മ​റ്റു​ള്ള​വ​രു​ടെ ഉ​പ​യോ​ഗ​ത്തി​ന് വി​ട്ടു​ന​ൽ​കു​ന്ന​ത് നി​യ​മ​വി​രു​ദ്ധ​മാ​ണ്. സ്വ​കാ​ര്യ കാ​റു​ക​ൾ വാ​ട​ക​ക്ക്​ ന​ൽ​കാ​ൻ (റെ​ന്‍റ്​ എ ​കാ​ർ) നി​യ​മം അ​നു​വ​ദി​ക്കു​ന്നി​ല്ല.

എ​ന്നാ​ൽ, മോ​ട്ടോ​ർ വാ​ഹ​ന നി​യ​മ​പ്ര​കാ​രം റെ​ന്‍റ്​ എ ​ക്യാ​ബ് എ​ന്ന നി​യ​മാ​നു​സൃ​ത സം​വി​ധാ​നം വ​ഴി വാ​ഹ​ന​ങ്ങ​ൾ വാ​ട​ക​ക്ക്​ ന​ൽ​കാ​ൻ അ​നു​മ​തി​യു​ണ്ട്. ഇ​ത്ത​ര​ത്തി​ൽ വാ​ഹ​ന​ങ്ങ​ൾ വാ​ട​ക​ക്ക്​ ന​ൽ​കു​ന്ന​തി​ന്​ ലൈ​സ​ൻ​സി​ന് അ​പേ​ക്ഷി​ക്കു​ന്ന വ്യ​ക്തി​ക​ൾ​ക്കോ സ്ഥാ​പ​ന​ങ്ങ​ൾ​ക്കോ അ​മ്പ​തി​ൽ കു​റ​യാ​ത്ത ഓ​ൾ ഇ​ന്ത്യ ടൂ​റി​സ്റ്റ് പെ​ർ​മി​റ്റു​ള്ള വാ​ഹ​ന​ങ്ങ​ളും മ​റ്റ് അ​നു​ബ​ന്ധ സൗ​ക​ര്യ​ങ്ങ​ളും നി​യ​മ​​പ്ര​കാ​രം ആ​വ​ശ്യ​മാ​ണെ​ന്ന്​ വ​കു​പ്പ്​ വ്യ​ക്ത​മാ​ക്കു​ന്നു.

അ​തു​പോ​ലെ, മോ​ട്ടോ​ർ സൈ​ക്കി​ളു​ക​ൾ വാ​ട​ക​ക്ക്​ ന​ൽ​കാ​ൻ റെ​ന്‍റ് എ ​മോ​ട്ടോ​ർ​സൈ​ക്കി​ൾ എ​ന്ന സ്കീം ​പ്ര​കാ​ര​മു​ള്ള ലൈ​സ​ൻ​സും നി​യ​മ​പ്ര​കാ​രം അ​നു​വ​ദ​നീ​യ​മാ​ണ്. റെ​ന്‍റ്​ എ ​മോ​ട്ടോ​ർ​സൈ​ക്കി​ൾ സ്കീ​മി​ൽ ലൈ​സ​ൻ​സി​ന് അ​പേ​ക്ഷി​ക്കു​ന്ന​തി​ന്​ ചു​രു​ങ്ങി​യ​ത് അ​ഞ്ച് മോ​ട്ടോ​ർ സൈ​ക്കി​ൾ ട്രാ​ൻ​സ്പോ​ർ​ട്ട് വാ​ഹ​ന​മാ​യി ര​ജി​സ്റ്റ​ർ ചെ​യ്തി​രി​ക്ക​ണം എ​ന്നാ​ണ് വ്യ​വ​സ്ഥ.