മുനമ്പം പ്രശ്നം: വഷളാക്കുന്നതിന് പിന്നിൽ റിസോർട്ട്​ മാഫിയ -വഖഫ് സംരക്ഷണ സമിതി

കൊ​ച്ചി: മു​ന​മ്പം വ​ഖ​ഫ് പ്ര​ശ്നം വ​ഷ​ളാ​ക്കു​ന്ന​തി​ന് പി​ന്നി​ൽ റി​സോ​ർ​ട്ട് മാ​ഫി​യ​യും ത​ൽ​പ​ര​ക​ക്ഷി​ക​ളു​മാ​ണെ​ന്ന് കേ​ര​ള വ​ഖ​ഫ് സം​ര​ക്ഷ​ണ സ​മി​തി. വ​ഖ​ഫ് ഭൂ​മി​യി​ലെ പാ​വ​പ്പെ​ട്ട താ​മ​സ​ക്കാ​രെ ഭീ​തി​യി​ലാ​ക്കി സ​മ​ര​മു​ഖ​ത്തേ​ക്ക് ത​ള്ളി​വി​ട്ട​ത് ഇ​വ​രു​ടെ ആ​സൂ​ത്രി​ത അ​ജ​ണ്ട​യാ​ണെ​ന്ന് ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു. പ്ര​ശ്നം പ​രി​ഹ​രി​ക്കേ​ണ്ട ബാ​ധ്യ​ത സ​ർ​ക്കാ​റി​നും കോ​ട​തി​ക്കും വ​ഖ​ഫ് ബോ​ർ​ഡി​നു​മാ​ണ്. വ​ഖ​ഫ് ഭൂ​മി​യി​ലെ സാ​ധു​ക്ക​ളാ​യ താ​മ​സ​ക്കാ​ർ​ക്ക് താ​മ​സി​ക്കു​ന്ന​തി​നു​വേ​ണ്ട നി​യ​മ​പ​ര​മാ​യ സ​ഹാ​യം ന​ൽ​ക​ണം.

എ​ന്നാ​ൽ, ഇ​ത് ഭൂ​മാ​ഫി​യ​യെ​യും റി​സോ​ർ​ട്ട് മു​ത​ലാ​ളി​മാ​രെ​യും സ​ഹാ​യി​ക്കാ​നാ​ക​രു​ത്. വ​ഖ​ഫ് ഭൂ​മി നി​യ​മ​വി​രു​ദ്ധ​മാ​യി വി​ൽ​പ​ന ന​ട​ത്തി​യ ഫാ​റൂ​ഖ് കോ​ള​ജ് അ​ധി​കൃ​ത​ർ​ക്കെ​തി​രെ നി​യ​മ​പ​ര​മാ​യ ന​ട​പ​ടി സ്വീ​ക​രി​ക്ക​ണം. കു​റ്റ​ക്കാ​രെ പ്രോ​സി​ക്യൂ​ട്ട് ചെ​യ്യ​ണം. മു​ന​മ്പ​ത്തേ​ത് വ​ഖ​ഫ് ഭൂ​മി​യ​ല്ലെ​ന്ന് മു​സ്​​ലിം ലീ​ഗ് നേ​താ​ക്ക​ള​ട​ക്കം ചി​ല​ർ ന​ട​ത്തു​ന്ന പ്ര​സ്താ​വ​ന വോ​ട്ട് ബാ​ങ്ക് ല​ക്ഷ്യ​മി​ട്ടാ​ണ്. 2115-1950 ആ​ധാ​ര​പ്ര​കാ​രം കേ​ര​ള വ​ഖ​ഫ് ബോ​ർ​ഡി​ൽ വ​ഖ​ഫാ​യി ര​ജി​സ്റ്റ​ർ ചെ​യ്ത ഭൂ​മി​യാ​ണി​ത്. പ​റ​വൂ​ർ സ​ബ് കോ​ട​തി​യും ഹൈ​കോ​ട​തി​യു​മെ​ല്ലാം ഇ​ക്കാ​ര്യം അം​ഗീ​ക​രി​ച്ച​താ​ണ്.

2009ൽ ​നി​സാ​ർ ക​മീ​ഷ​ൻ റി​പ്പോ​ർ​ട്ടി​ലും ഇ​ത് വ​ഖ​ഫ് ഭൂ​മി​യാ​ണെ​ന്ന് ക​ണ്ടെ​ത്തി തി​രി​ച്ചു​പി​ടി​ക്കാ​ൻ നി​ർ​ദേ​ശി​ച്ചി​ട്ടു​ണ്ട്. ഇ​ക്കാ​ര്യ​ങ്ങ​ൾ മ​റ​ച്ചു​വെ​ച്ച് സ​മൂ​ഹ​ത്തി​ൽ തെ​റ്റി​ദ്ധാ​ര​ണ വ​ള​ർ​ത്താ​ൻ വ​ർ​ഗീ​യ​ശ​ക്തി​ക​ൾ ശ്ര​മി​ക്കു​ക​യാ​ണ്. കോ​ട​തി​വി​ധി​ക​ൾ നോ​ക്കു​കു​ത്തി​യാ​ക്കി ഭൂ​മി​വി​ൽ​പ​ന ന​ട​ത്തി​യ ഫാ​റൂ​ഖ് കോ​ള​ജ് മാ​നേ​ജ്​​മെ​ന്‍റ്​ ക്രി​മി​ന​ൽ കു​റ്റ​മാ​ണ് ചെ​യ്ത​ത്. നി​യ​മ​വി​രു​ദ്ധ​മാ​യി ഭൂ​മി വി​ൽ​പ​ന ന​ട​ത്തി​യ ഇ​വ​രി​ൽ​നി​ന്ന് ന​ഷ്ടം ഈ​ടാ​ക്ക​ണം. പ്ര​ശ്ന​ത്തി​ന്‍റെ പേ​രി​ൽ സ​ഭാ​ധ്യ​ക്ഷ​ന്മാ​ര​ട​ക്കം ന​ട​ത്തു​ന്ന വി​ദ്വേ​ഷ പ്ര​സ്താ​വ​ന​ക​ൾ അ​പ​ക​ട​ക​ര​മാ​ണ്.

സ​മൂ​ഹ​ത്തി​ൽ വി​ഭാ​ഗീ​യ​ത​യും വി​ദ്വേ​ഷ​വും ഉ​ണ്ടാ​ക്കാ​നേ ഇ​തു​പ​ക​രി​ക്കൂ​വെ​ന്ന് തി​രി​ച്ച​റി​യ​ണം. പ്ര​തി​പ​ക്ഷ നേ​താ​വി​ന്‍റെ​യും മു​സ്​​ലിം ലീ​ഗ് നേ​താ​ക്ക​ളു​ടെ​യും പ്ര​സ്താ​വ​ന സ്വ​ന്തം താ​ൽ​പ​ര്യ​ങ്ങ​ൾ​ക്ക് വേ​ണ്ടി​യാ​ണെ​ന്നും ഭാ​ര​വാ​ഹി​ക​ൾ കു​റ്റ​പ്പെ​ടു​ത്തി. ഭാ​ര​വാ​ഹി​ക​ളാ​യ അ​ഡ്വ. എം.​എം. അ​ലി​യാ​ർ, ടി.​എ. മു​ജീ​ബ്റ​ഹ്മാ​ൻ, ഷെ​രീ​ഫ് പു​ത്ത​ൻ​പു​ര, മാ​വു​ടി മു​ഹ​മ്മ​ദ് ഹാ​ജി, ന​ജീ​ബ് നെ​ട്ടൂ​ർ, സു​ന്നാ​ജാ​ൻ പ​റ​വൂ​ർ എ​ന്നി​വ​ർ പ​ങ്കെ​ടു​ത്തു.