അപൂർവ രോഗം ബാധിച്ച മുഹമ്മദി​െൻറ കഥ പുറംലോകത്തെത്തിച്ച മുസാഫിറിന്​ വരയാദരം

കൊച്ചി: അപൂർവ രോഗം ബാധിച്ച കണ്ണൂർ മാട്ടൂലിലെ ഒന്നര വയസുകാരൻ മ​ുഹമ്മദി​െൻറ ദയനീയാവസ്ഥ ലോകത്തിന്​ മുന്നിൽ അവതരിപ്പിച്ച മുസാഫിറിന്​ വരയിലൂടെ ആദരമൊരുക്കി കാർട്ടൂൺ ക്ലബ്ബ്‌ ഓഫ്‌ കേരള. എസ്‌.എം.എ എന്ന അപൂർവ്വരോഗം ബാധിച്ച മുഹമ്മദിന്‍റെ ചികിത്സക്ക്​ സോൾജെൻസ്മ മരുന്നിനായി 18 കോടി രൂപയാണ്​ ലോകമെങ്ങുമുള്ള മലയാളികൾ ബാങ്ക്​ അക്കൗണ്ടിൽ നിറച്ചുനൽകിയത്​.

ലോകത്തെ ഏറ്റവും വില കൂടിയ ആ മരുന്നിന്‌ വേണ്ടിയുള്ള അഭ്യർഥനകൾക്ക്‌ പ്രതീക്ഷിച്ച ഫലം കാണാതെ വന്നപ്പോഴാണ്‌, ജനകീയ കമ്മറ്റി രൂപീകരിച്ചതും​ നാട്ടുകാരനും റേഡിയോ അവതാരകനുമായ മുസാഫിറി​െൻറ വീഡിയോ പുറത്ത്‌ വന്നതും. അത്​ വൈറലായതോടെ, മിനുട്ടുകൾക്കകം തന്നെ ലക്ഷങ്ങൾ അക്കൗണ്ടിലേക്ക്‌ വന്നുതുടങ്ങി. ഒരാഴ്ചക്കകമാണ്‌ 18 കോടി പിരിഞ്ഞു കിട്ടിയത്‌. അതിലൂടെ പുതുജീവിതത്തിലേക്കുള്ള ചികിത്സയിലാണ്​ ഒന്നര വയസ്സുകാരൻ മുഹമ്മദ്​.

കണ്ണൂർ റെഡ്​ എഫ്​.എമ്മിലെ റേഡിയോ അവതാരകനായ മുസാഫിർ അറിയപ്പെടുന്ന കാരിക്കേച്ചറിസ്​റ്റും കാർട്ടൂൺ ക്ലബ്ബ്‌ ഓഫ്‌ കേരളയിലെ അംഗവുമാണ്‌. സഗീർ, രജീന്ദ്രകുമാർ, ബഷീർ കിഴിശ്ശേരി തുടങ്ങി കേരളത്തിലെ പ്രഗൽഭരായ കാർട്ടൂണിസ്​റ്റുകൾ മുസാഫിറി​െൻറ കാരിക്കേച്ചറുകൾ തീർത്തു. അവ പ്രദർശിപ്പിച്ച ​േബ്ലാഗ്​ പ്രശസ്ത അവതാരക ലക്ഷ്മി നക്ഷത്ര ഉദ്​ഘാടനം ചെയ്തു. 25ഓളം ചിത്രങ്ങളാണ് ഈ പ്രദർശനത്തിലുള്ളത്. കാർട്ടൂണിസ്റ്റ് ഷാനവാസ് മുടിക്കലായിരുന്നു പ്രോഗ്രാം കോർഡിനേറ്റർ. ഓൺലൈനിൽ പ്രദർശനം കാണാനുള്ള ലിങ്ക്‌: cartoonclubofkerala.blogspot.com/