സർവമത പ്രാർഥനയോടെ അവർക്ക് അന്ത്യനിദ്ര

ക​ൽ​പ​റ്റ: ചെ​ങ്കു​ത്താ​യ ഗൂ​ഡ​ലാ​യി​ക്കു​ന്നി​ൽ സ്ഥി​തി​ചെ​യ്യു​ന്ന ആ ​പൊ​തു​ശ്മ​ശാ​ന​ത്തി​ലേ​ക്ക് ചേ​ത​ന​യ​റ്റ നാ​ല് ശ​രീ​ര​ങ്ങ​ളു​മാ​യാ​ണ് ആം​ബു​ല​ൻ​സ് ക​ട​ന്നു​വ​ന്ന​ത്. സാ​ധാ​ര​ണ മ​ര​ണാ​ന​ന്ത​ര ച​ട​ങ്ങു​ക​ളി​ൽ കാ​ണാ​റു​ള്ള നി​ല​വി​ളി​ക​ളോ അ​ട​ക്കം​പ​റ​ച്ചി​ലു​ക​ളോ അ​വി​ടെ ഉ​ണ്ടാ​യി​രു​ന്നി​ല്ല. എ​ല്ലാ​വ​രു​ടെ​യും മു​ഖ​ത്ത് എ​ന്തെ​ന്നി​ല്ലാ​ത്ത നി​സ്സ​ഹാ​യാ​വ​സ്ഥ​യും നി​ർ​വി​കാ​ര​ത​യും മാ​ത്രം. ചൂ​ര​ൽ​മ​ല ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ മ​രി​ച്ച, തി​രി​ച്ച​റി​യാ​ൻ ക​ഴി​യാ​ത്ത നാ​ലു​പേ​ർ​ക്കു​ള്ള അ​ന്ത്യ യാ​ത്ര​യാ​യി​രു​ന്നു അ​ത്.

ക​ൽ​പ​റ്റ ന​ഗ​ര​സ​ഭ ഉ​ദ്യോ​ഗ​സ്ഥ​രും സ​ന്ന​ദ്ധ​പ്ര​വ​ർ​ത്ത​ക​രും ചേ​ർ​ന്ന് മൃ​ത​ദേ​ഹ​ങ്ങ​ൾ സ​മീ​പ​ത്തെ കെ​ട്ടി​ട​ത്തി​ലേ​ക്ക് മാ​റ്റി. മു​ന്നി​ൽ കി​ട​ക്കു​ന്ന​വ​രു​ടെ പേ​രോ ഊ​രോ അ​റി​യി​ല്ലെ​ങ്കി​ലും അ​വി​ടെ കൂ​ടി​യ​വ​രു​ടെ ക​ണ്ണു​ക​ളി​ൽ ന​ന​വ് പ​ട​ർ​ന്നു. മാ​ന​വ​മ​ത​ത്തി​ന്റെ ആ ​നാ​ല് അ​നു​യാ​യി​ക​ളെ സ​ർ​വ​മ​ത പ്രാ​ർ​ഥ​ന​യോ​ടെ അ​വ​ർ അ​വ​സാ​ന യാ​ത്ര​യാ​ക്കി.

ഹൈ​ന്ദ​വ, ഇ​സ്‍ലാം, ക്രൈ​സ്ത​വ മ​ത നേ​താ​ക്ക​ളെ​ല്ലാം അ​വ​രു​ടെ ആ​ചാ​ര​പ്ര​കാ​രം അ​ന്ത്യ​ശു​ശ്രൂ​ഷ ന​ൽ​കി. വ​ലി​യൊ​രു ദു​ര​ന്ത​ത്തി​ന്റെ പേ​രി​നൊ​പ്പം ക്ര​മ​ന​മ്പ​റും കൊ​ത്തി​വെ​ച്ച ക​ല്ലി​ന് താ​ഴെ​യു​ള്ള ആ​റ​ടി മ​ണ്ണി​ൽ അ​വ​ർ ഉ​ണ​രാ​ത്ത നി​ദ്ര​യി​ലാ​ണ്ടു.

ചൂ​ര​ൽ​മ​ല ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ മ​രി​ച്ച, തി​രി​ച്ച​റി​യാ​ത്ത ആ​റു​പേ​രു​ടെ മൃ​ത​ദേ​ഹ​ങ്ങ​ളാ​ണ് ശ​നി​യാ​ഴ്ച സം​സ്ക​രി​ച്ച​ത്. നാ​ലെ​ണ്ണം ക​ൽ​പ​റ്റ ന​ഗ​ര​സ​ഭ പൊ​തു​ശ്മ​ശാ​ന​ത്തി​ലും ര​ണ്ടെ​ണ്ണം വൈ​ത്തി​രി പ​ഞ്ചാ​യ​ത്ത് പൊ​തു​ശ്മ​ശാ​ന​ത്തി​ലു​മാ​ണ് അ​ട​ക്കം ചെ​യ്ത​ത്. വെ​ള്ളി​യാ​ഴ്ച ക​ൽ​പ​റ്റ ശ്മ​ശാ​ന​ത്തി​ൽ സം​സ്ക​രി​ച്ച മൂ​ന്നു​പേ​രു​ടേ​ത​ട​ക്കം ഇ​തു​വ​രെ ഒ​മ്പ​ത് തി​രി​ച്ച​റി​യാ​ത്ത മൃ​ത​ദേ​ഹ​ങ്ങ​ളാ​ണ് സം​സ്ക​രി​ച്ച​ത്.

ചൂ​ര​ൽ​മ​ല ദു​ര​ന്ത​ത്തി​ന്റെ പ​ശ്ചാ​ത്ത​ല​ത്തി​ൽ സ​ർ​ക്കാ​ർ പ്ര​ത്യേ​കം ത​യാ​റാ​ക്കി​യ മാ​ർ​ഗ​നി​ർ​ദേ​ശ​പ്ര​കാ​ര​മാ​ണ് സം​സ്കാ​രം ന​ട​ന്ന​ത്. ക​ൽ​പ​റ്റ ന​ഗ​ര​സ​ഭ, വൈ​ത്തി​രി, മു​ട്ടി​ല്‍, ക​ണി​യാ​മ്പ​റ്റ, പ​ടി​ഞ്ഞാ​റ​ത്ത​റ, തൊ​ണ്ട​ര്‍നാ​ട്, എ​ട​വ​ക, മു​ള്ള​ന്‍കൊ​ല്ലി ഗ്രാ​മ​പ​ഞ്ചാ​യ​ത്തു​ക​ളി​ലെ പൊ​തു​ശ്മ​ശാ​ന​ങ്ങ​ളി​ലാ​ണ് സം​സ്‌​കാ​ര​ത്തി​നു​ള്ള സൗ​ക​ര്യം ഒ​രു​ക്കി​യ​ത്.