കോവിഡ്​ വ്യാപനത്തിനിടയിലും ജപ്​തി നോട്ടീസുമായി റവന്യൂ വകുപ്പ്​

പത്തനംതിട്ട: കോവിഡ്​ വ്യാപിക്കുന്നതിനിടയിലും ജപ്​തി നടപടിയുമായി റവന്യൂ വകുപ്പ്​. രോഗബാധിതരുടെ അടക്കം വീടുകളിൽ പോയി നോട്ടീസ്​ നൽകുന്നത്​ ഭീഷണിയാകു​െന്നന്ന പരാതിയുമായി വില്ലേജ്​ ഓഫിസർമാർ രംഗത്ത്​.

ജില്ലയിൽ ഈ സാമ്പത്തിക വർഷം 46 കോടിയിലേറെ രൂപയാണ്​ റവന്യൂ റിക്കവറിയിലൂടെ ഈടാക്കാനുള്ളത്​. ഇതിനായാണ്​ വ്യാപകമായി നോട്ടീസ്​ വിതരണം നടക്കുന്നത്​. കോവിഡ്​ കാലമായതിനാൽ എല്ലാത്തരം ജപ്​തി നടപടിയും നിർത്തിവെച്ചിരിക്കുന്നുവെന്നാണ്​ സർക്കാർ പറയുന്നത്.

അതേസമയം, നോട്ടീസ്​ വിതരണവും വസൂലാക്കൽ നടപടിയുടെ പുരോഗതി വിലയിരുത്താൻ അവലോകന യോഗങ്ങളും നടക്കുന്നുണ്ട്​.

ജില്ലയിൽ റവന്യൂ റിക്കവറി നടപടികൾ വിലയിരുത്താൻ വ്യാഴാഴ്​ച കലക്​ടർ അവലോകന യോഗം വിളിച്ചിട്ടുണ്ട്​. വീടുകളിലെത്തി റിക്കവറി നോട്ടീസ്​ നൽകി സ്വീകരിച്ചതായി ഒപ്പിട്ട്​ വാങ്ങേണ്ടതുണ്ട്​. കോവിഡ്​ കാലത്ത്​ ഇങ്ങനെ ഒപ്പിട്ട്​ വാങ്ങുന്നത്​ ഭീഷണിയാണെന്നാണ്​ വി​ല്ലേജ്​ ഓഫിസർമാർ പറയുന്നത്​.

ജില്ലയിലെ 70 വില്ലേജുകളിലുമായി 5000ത്തിലേറെ പേർക്കാണ്​ ജപ്​തി നോട്ടീസ്​ നൽകുന്നത്​. ഏഴുദിവസത്തിനുള്ളിൽ തുക അടച്ച്​ ജപ്​തി ഒഴിവാക്കണമെന്നാണ്​ നോട്ടീസിൽ പറയുന്നത്​.

ബാങ്ക്​ വായ്​പകൾ, ജി.എസ്​.ടി, വാഹനാപകട നഷ്​ടപരിഹാരം, വാഹന നികുതി, പിന്നാക്ക വികസന കോർപറേഷനിലേക്കുള്ള വിഹിതം, വാട്ടർ അതോറിറ്റി, ഇലക്​ട്രിസിറ്റി, ഫോൺ ബിൽ, പഞ്ചായത്തുകളിലെ വിവിധതരം കരങ്ങൾ, ലേലത്തുക തുടങ്ങിയവയിലെ കുടിശ്ശികകൾ ഈടാക്കുന്നതിനാണ്​ ജപ്​തി നടപടികൾ നടക്കുന്നത്​.

നോട്ടീസ്​ നൽകുന്നത്​ മാത്രമേയുള്ളൂവെന്നും ജപ്​തി നടപടിയിലേക്ക്​ കടക്കുന്നി​െല്ലന്നുമാണ്​ റവന്യൂ അധികൃതർ പറയുന്നത്​. കലക്​ടറേറ്റിൽനിന്നുള്ള അറിയിപ്പ്​ അനുസരിച്ച്​ നോട്ടീസ്​ വിതരണം എല്ലായിടത്തും നടക്കുന്നുണ്ടെന്നും എന്നാൽ, തുക അടക്കാൻ ആരെയും നിർബന്ധിക്കുന്നി​െല്ലന്നും ജപ്​തി നടപടിയിലേക്ക്​ കടക്കുന്നി​െല്ലന്നും അടൂർ ആർ.ഡി.ഒ എസ്​. ഹരികുമാർ 'മാധ്യമ'ത്തോട്​ പറഞ്ഞു.

മുൻ കൂട്ടിയുള്ള അറിയിപ്പ്​ മാത്രമാണ്​ നോട്ടീസ്​ നൽകൽ. നോട്ടീസ്​ ലഭിച്ചാൽ വില്ലേജ്​ ഓഫിസർമാർക്ക്​ ​െവച്ചുകൊണ്ടിരിക്കാനാവില്ല. അതിനാൽ വിതരണം നടത്തുന്നുവെന്നേയുള്ളൂ. ഒരു വില്ലേജ്​ ഓഫിസറോടും നോട്ടീസ്​ നിർബന്ധമായും നൽകിയിരിക്കണം എന്ന്​ പറഞ്ഞിട്ടി​െല്ലന്നും അദ്ദേഹം പറഞ്ഞു.

ഭൂരിഭാഗം വില്ലേജുകളിലും വിതരണം നടക്കുന്നുണ്ടെന്നാണ്​ വിലയിരുത്തൽ. കോവിഡ്​ ഭീഷണിയോ, മറ്റെന്തെങ്കിലും കാരണത്താലോ നോട്ടീസ്​ നൽകാൻ സാധിക്കുന്നി​െല്ലങ്കിൽ ഇന്ന കാരണത്താൽ കഴിഞ്ഞില്ല എന്ന്​ പറഞ്ഞ്​​ മടക്കാം. നോട്ടീസ്​ നൽകണമെന്ന്​ സർക്കാർ നിർദേശമൊന്നുമില്ലെന്നും ആർ.ഡി.ഒ പറഞ്ഞു.

46 കോടി​യിലേറെ കിട്ടാനുണ്ടെന്നും അതി​െൻറ അഞ്ച്​ ശതമാനത്തോളം തുക മാത്രമാണ്​ ഇതുവരെ പിരിഞ്ഞ്​ കിട്ടിയിട്ടുള്ളതെന്നും റവന്യൂ റിക്കവറി വിഭാഗം ​െഡപ്യൂട്ടി കലക്​ടർ ജെസിക്കുട്ടി പറഞ്ഞു. ജപ്​തി നടപടികൾ സ്വീകരിക്കുന്നില്ല.

പണം അടക്കാനുള്ള കാര്യം ഓർമ​െപ്പടുത്തുകയും തുക അടക്കാൻ കഴിവുള്ളവരെ പ്രേരിപ്പിക്കുകയുമാണ്​ നോട്ടീസ്​ നൽകുന്നതി​െൻറ ഉദ്ദേശ്യമെന്നും ​െഡപ്യൂട്ടി കലക്​ടർ പറഞ്ഞു. ​ജപ്​തി നടത്തണമെന്ന നിർദേശമൊന്നും സർക്കാറിൽനിന്ന്​ ലഭിച്ചിട്ടില്ല.

എന്നാൽ, നോട്ടീസ്​ നൽകിയിരിക്കണമെന്ന്​ സർക്കാറിൽനിന്ന്​ കർശന നിർദേശമുണ്ടെന്നും അതിനാലാണ്​ വില്ലേജ്​ ഓഫിസർമാർക്ക്​ നോട്ടീസ്​ നൽകാൻ നിർദേശം നൽകിയതെന്നും െഡപ്യൂട്ടി കലക്​ടർ പറഞ്ഞു. ​