ആശങ്കയോടെ തദ്ദേശ സ്ഥാപനങ്ങൾ; മാലിന്യ ശേഖരണ കേന്ദ്രങ്ങൾക്ക് പുതുക്കിയ മാനദണ്ഡം

തൃ​ശൂ​ർ: മാ​ലി​ന്യ ശേ​ഖ​ര​ണ കേ​ന്ദ്ര​ങ്ങ​ൾ വി​പു​ല​പ്പെ​ടു​ത്താ​നു​ള്ള നി​ർ​ദേ​ശ​ത്തി​ൽ ആ​ശ​ങ്ക​ക​ളോ​ടെ ത​ദ്ദേ​ശ സ്ഥാ​പ​ന​ങ്ങ​ൾ. പു​തു​ക്കി​യ മാ​ർ​ഗ​രേ​ഖ​യി​ൽ എം.​സി.​എ​ഫ് (മെ​റ്റീ​രി​യ​ൽ ക​ല​ക്‌​ഷ​ൻ ഫെ​സി​ലി​റ്റി) കേ​ന്ദ്ര​ങ്ങ​ൾ​ക്ക് കു​റ​ഞ്ഞ വി​സ്തീ​ർ​ണം നി​ശ്ച​യി​ക്കു​ക​യും ടോ​യ്‍ല​റ്റ് ഉ​ൾ​പ്പെ​ടെ സ്ത്രീ ​സൗ​ഹൃ​ദ രീ​തി​യി​ൽ നി​ർ​മാ​ണം നി​ഷ്ക​ർ​ഷി​ക്കു​ക​യും ചെ​യ്ത​തോ​ടെ​യാ​ണ് ത​ദ്ദേ​ശ​സ്ഥാ​പ​ന​ങ്ങ​ൾ കു​ഴ​ങ്ങി​യ​ത്.

പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ, കു​പ്പി​ക​ൾ, കു​പ്പി​ച്ചി​ല്ലു​ക​ൾ, ഇ-​മാ​ലി​ന്യം എ​ന്നി​ങ്ങ​നെ മ​ണ്ണി​ൽ അ​ലി​ഞ്ഞു​ചേ​രാ​ത്ത​വ സ​മ്പൂ​ർ​ണ​മാ​യും നി​ർ​മാ​ർ​ജ​നം ചെ​യ്യാ​നും പു​നഃ​ചം​ക്ര​മ​ണ​ത്തി​ലൂ​ടെ പ്ര​യോ​ജ​ന​ക​ര​മാ​യ മ​റ്റ് ഉ​ൽ​പ​ന്ന​ങ്ങ​ളാ​ക്കി​മാ​റ്റാ​നും ശേ​ഖ​രി​ക്കു​ന്ന​തി​നു​ള്ള​താ​ണ് എം.​സി.​എ​ഫ് കേ​ന്ദ്ര​ങ്ങ​ൾ.

ഡി​വി​ഷ​നു​ക​ളി​ൽ​നി​ന്ന് ശേ​ഖ​രി​ക്കു​ന്ന അ​ജൈ​വ​മാ​ലി​ന്യം ഇ​വി​ടെ​യെ​ത്തി​ച്ച് ഇ​നം​തി​രി​ച്ച്​ വെ​ക്കു​ക​യും പി​ന്നീ​ട് വി​വി​ധ ഏ​ജ​ൻ​സി​ക​ൾ​ക്ക് കൈ​മാ​റു​ക​യും ചെ​യ്യും. ഇ​ത്ത​ര​ത്തി​ൽ ത​ദ്ദേ​ശ​സ്ഥാ​പ​ന​ങ്ങ​ളി​ൽ എം.​സി.​എ​ഫു​ക​ളും വാ​ർ​ഡ്, ഡി​വി​ഷ​ൻ ത​ല​ങ്ങ​ളി​ൽ മി​നി എം.​സി.​എ​ഫു​ക​ളും വേ​ണ​മെ​ന്നാ​ണ് വ്യ​വ​സ്ഥ.

എം.​സി.​എ​ഫു​ക​ൾ​ക്ക് കു​റ​ഞ്ഞ​ത് 1500-2000 ച​തു​ര​ശ്ര അ​ടി വി​സ്തീ​ർ​ണ​വും വാ​ർ​ഡു​ത​ല മി​നി എം.​സി.​എ​ഫി​ന് ച​തു​ര​ശ്ര അ​ടി വി​സ്തീ​ർ​ണ​വും വേ​ണം. ഇ​വി​ട​ങ്ങ​ളി​ൽ ബെ​യി​ലി​ങ് മെ​ഷീ​ൻ, ക​ൺ​വെ​യ​ർ ബെ​ൽ​റ്റ്, വെ​യി​ങ് മെ​ഷീ​ൻ എ​ന്നി​വ അ​നി​വാ​ര്യ​മാ​ണ്. അ​തി​നേ​ക്കാ​ളു​പ​രി സ്ത്രീ ​സൗ​ഹൃ​ദ​മാ​വ​ണ​മെ​ന്ന് നി​ർ​ദേ​ശി​ക്കു​ന്നു. വെ​ള്ളം, വൈ​ദ്യു​തി, ഫാ​ൻ, ടോ​യ്​​ല​റ്റ്, ഡ്ര​സി​ങ് റൂം, ​ഓ​ഫി​സ് കോ​ർ​ണ​ർ എ​ന്നി​വ സ​ജ്ജീ​ക​രി​ക്ക​ണം.

ന​ഗ​ര​സ​ഭ​ക​ൾ​ക്ക് മേ​ഖ​ല തി​രി​ച്ച് ഒ​ന്നി​ല​ധി​കം എം.​സി.​എ​ഫ് വേ​ണം. കോ​ർ​പ​റേ​ഷ​നു​ക​ളി​ൽ സോ​ണ​ൽ അ​ടി​സ്ഥാ​ന​ത്തി​ലും സ​ജ്ജ​മാ​ക്ക​ണം. ശേ​ഖ​രി​ക്കു​ന്ന പ്ലാ​സ്റ്റി​ക് ഉ​ള്‍പ്പെ​ടെ​യു​ള്ള അ​ജൈ​വ മാ​ലി​ന്യ​ങ്ങ​ള്‍ റി​സോ​ഴ്സ് റി​ക്ക​വ​റി ഫെ​സി​ലി​റ്റി (ആ​ര്‍.​ആ​ര്‍.​എ​ഫ്) സെ​ന്റു​ക​ള്‍ വ​ഴി സം​സ്‌​ക​രി​ക്കു​ക​യാ​ണ് ചെ​യ്യു​ന്ന​ത്.

എം.​സി.​എ​ഫു​ക​ളി​ൽ ത​രം​തി​രി​ക്കു​ന്ന പു​നഃ​ചം​ക്ര​മ​ണ യോ​ഗ്യ​മാ​യ പാ​ഴ്വ​സ്തു​ക്ക​ൾ കൃ​ത്യ​മാ​യ ഇ​ട​വേ​ള​ക​ളി​ൽ ക്ലീ​ൻ കേ​ര​ള ക​മ്പ​നി മു​ഖേ​ന/​അം​ഗീ​കൃ​ത ഏ​ജ​ൻ​സി​ക​ൾ വ​ഴി കൈ​യൊ​ഴി​യാ​നു​ള്ള ഉ​ത്ത​ര​വാ​ദി​ത്തം ത​ദ്ദേ​ശ​സ്ഥാ​പ​ന​ങ്ങ​ൾ​ക്കാ​ണ്. പാ​ഴ്വ​സ്തു ശേ​ഖ​ര​ണ വി​വ​രം മാ​സ​തോ​റും ജി​ല്ല​ത​ല ഏ​കോ​പ​ന സ​മി​തി വി​ല​യി​രു​ത്ത​ണ​മെ​ന്നും ഉ​ത്ത​ര​വി​ൽ പ​റ​യു​ന്നു.