റിയാസ് മൗലവി വധം: മൂന്നാം പ്രതിയുടെ ജാമ്യഹരജി തള്ളി

കൊച്ചി: കാസർകോട്​ പഴയ ചൂരിയിലെ മദ്​റസ അധ്യാപകന്‍ റിയാസ് മൗലവിയെ കൊലപ്പെടുത്തിയ കേസിലെ മൂന്നാം പ്രതിയുടെ ജാമ്യഹരജി ഹൈകോടതി തള്ളി. വിചാരണ നടപടികള്‍ അതിവേഗം പൂര്‍ത്തിയാക്ക​ണമെന്ന്​ കീഴ്​കോടതിക്ക്​ നിർദേശം നൽകിയാണ്​ കേസിലെ മൂന്നാം പ്രതിയും ആർ.എസ്​.എസ്​ പ്രവർത്തകനുമായ അഖിലേഷി​​​െൻറ ജാമ്യഹരജി സിംഗിൾ ബെഞ്ച്​ തള്ളിയത്​.

2017 മാര്‍ച്ച് 20ന്​ പള്ളിയില്‍ അതിക്രമിച്ചുകയറി റിയാസ് മൗലവിയെ കൊലപ്പെടുത്തിയ കേസില്‍ അറസ്​റ്റിലായ ഹരജിക്കാരൻ മാര്‍ച്ച് 22 മുതല്‍ റിമാൻഡിലാണ്. കേസില്‍ യു.എ.പി.എ ചുമത്തണമെന്ന റിയാസ് മൗലവിയുടെ മാതാവി​​​െൻറ ഹരജിയിൽ വിചാരണ നടപടികൾ സ്​റ്റേ ചെയ്​തിരിക്കുകയാണ്​. ഈ പശ്ചാത്തലത്തില്‍ ഉടൻ വിചാരണ തുടങ്ങാനുള്ള സാധ്യതയില്ലെന്നും ജാമ്യം അനുവദിക്കണമെന്നുമായിരുന്നു ഹരജിക്കാര​​​െൻറ ആവശ്യം.

എന്നാൽ, റിയാസ് മൗലവി കൊല്ലപ്പെട്ട പ്രദേശം വര്‍ഗീയ സംഘര്‍ഷസാധ്യത കൂടിയ മേഖലയാണെന്നും ഇരുമതവിഭാഗവും തമ്മില്‍ നിരന്തരം സംഘർഷങ്ങൾ ഉണ്ടാകാറുണ്ടെന്നും പ്രോസിക്യൂഷൻ ചൂണ്ടിക്കാട്ടി. പ്രതിക്ക്​ ജാമ്യം ലഭിച്ചാല്‍ ദൃക്‌സാക്ഷികളെ ഭീഷണിപ്പെടുത്താനും തെളിവ് നശിപ്പിക്കാനും സാധ്യതയുണ്ട്. പ്രതികള്‍ പുറത്തിറങ്ങുന്നത് സംഘര്‍ഷത്തിനും കാരണമാകും. കേസില്‍ യു.എ.പി.എ ഉള്‍പ്പെടുത്തണമെന്നാവശ്യപ്പെട്ട് സമര്‍പ്പിച്ച ഹരജി സിംഗിൾ ബെഞ്ച് വിധി പറയാന്‍ മാറ്റിയിരിക്കുകയാണ്. ഈ മാസം രണ്ടാം വാരം കേസില്‍ വിചാരണ തുടങ്ങുമെന്നാണ്​ കരുതുന്നത്​. ഈ പശ്ചാത്തലത്തില്‍ ജാമ്യം അനുവദിക്കരുതെന്ന്​ ​േ​പ്രാസിക്യൂഷൻ വാദമുന്നയിച്ചു.

റിയാസ് മൗലവിയുടെ ഭാര്യ എം.ഇ. സൈദ കേസില്‍ കക്ഷിചേര്‍ന്ന് ജാമ്യാപേക്ഷയെ എതിര്‍ത്തു. കേസിലെ പ്രതികളെ ഇപ്പോൾ ജാമ്യത്തില്‍ വിടുന്നത് ഗുരുതര പ്രശ്​നത്തിന്​ ഇടയാക്കുമെന്ന സൈദയുടെ വാദം കോടതി പരിഗണിച്ചു. സർക്കാറി​​​െൻറയും സൈദയുടെയും വാദങ്ങളില്‍ ഗൗരവമുള്ള ​ഒ​േട്ടറെ കാര്യങ്ങളുള്ളതായി കേസ് ഡയറി പരിശോധിച്ച്​ കോടതി ചൂണ്ടിക്കാട്ടി. ഏറെ കാലം ജയിലില്‍ കിടന്നതിനാൽ ജാമ്യത്തിന് അര്‍ഹതയുണ്ടെന്ന ഹരജിക്കാര​​​െൻറ വാദം അംഗീകരിക്കാനാവില്ലെന്നും​ കോടതി വ്യക്​​തമാക്കി.