വടകരയിൽ വിജയം ആവർത്തിക്കും; ആർ.എം.പിയുടെ പിന്തുണയുണ്ടെന്ന്​ മുരളീധരൻ

തിരുവനന്തപുരം: വടകരയില്‍ യു.ഡി.എഫിന് പുറമേ തനിക്ക്​ ആർ.എം.പി പിന്തുണയുണ്ടെന്ന് കെ. മുരളീധരന്‍. സ്ഥാനാർഥി പ്രഖ് യാപനത്തിലെ അനിശ്ചിതത്വം അണികളെ നിരാശരാക്കിയെന്ന പി. ജയരാജ​​െൻറ പ്രചാരണത്തെ മറികടക്കാൻ കഴിയുമെന്നും മുരളീധരന്‍ പറഞ്ഞു.

വട്ടിയൂർകാവിൽ ഉപതെരഞ്ഞെടുപ്പ് ലക്ഷ്യമിട്ട് വടകരയിൽ ബി.ജെ.പിയുടെ പിന്തുണ കോൺഗ്രസിന്​ ലഭിക്കുമെന്ന്​ സി.പി.എം പ്രചരിപ്പിക്കുന്നത്​ തോൽവിയെ മുന്നിൽ കണ്ടുകൊണ്ടാണ്​. വട്ടിയൂർകാവിൽ ഉപതെരഞ്ഞെടുപ്പ് വന്നാലും കോൺഗ്രസിന്​ ജയിക്കാനാകുമെന്നും മുരളീധരൻ കൂട്ടിച്ചേര്‍ത്തു.

മുല്ലപ്പള്ളി രാമചന്ദ്രനേക്കാൾ മെച്ചപ്പെട്ട സ്ഥാനാർഥിയല്ല താൻ. എന്നാലും ആദ്യവട്ടം മുല്ലപ്പള്ളി നേടിയ വലിയ വിജയം ആവർത്തിക്കുമെന്ന പ്രതീക്ഷയും അദ്ദേഹം പ്രകടിപ്പിച്ചു.