അപകടക്കളമായി റോഡുകൾ; പൊലിയുന്നത് അനവധി ജീവനുകൾ

കൊ​ച്ചി: അ​ശ്ര​ദ്ധ​യോ​ടെ ചീ​റി​പ്പാ​യു​ന്ന വാ​ഹ​ന​ങ്ങ​ളും അ​ല​ക്ഷ്യ​മാ​യ ഡ്രൈ​വി​ങ്ങും മ​റ്റ​ന​വ​ധി കാ​ര​ണ​ങ്ങ​ളും ജി​ല്ല​യി​ൽ അ​ഞ്ചു​വ​ർ​ഷ​ത്തി​നി​ടെ ഇ​ല്ലാ​താ​ക്കി​യ​ത് വി​ല​പ്പെ​ട്ട 2000ത്തി​ലേ​റെ ജീ​വ​ൻ. 2019 മു​ത​ൽ 2023 വ​രെ​യു​ള്ള ജി​ല്ല​യി​ലെ വാ​ഹ​നാ​പ​ക​ട​ങ്ങ​ളി​ൽ മ​രി​ച്ച​ത് 2198 പേ​രാ​ണ്. കൊ​ച്ചി സി​റ്റി, റൂ​റ​ൽ പ​രി​ധി​ക​ളി​ലാ​യാ​ണ് ഇ​ത്ര​യ​ധി​കം വാ​ഹ​നാ​പ​ക​ട​ങ്ങ​ളും അ​പ​ക​ട മ​ര​ണ​ങ്ങ​ളും അ​ര​ങ്ങേ​റു​ന്ന​ത്.

ഇ​തി​ൽ​ത​ന്നെ സി​റ്റി​യി​ലെ റോ​ഡു​ക​ളി​ലെ​ക്കാ​ൾ എ​റ​ണാ​കു​ളം റൂ​റ​ലി​ൽ അ​പ​ക​ട​ങ്ങ​ളും മ​ര​ണ​ങ്ങ​ളും റി​പ്പോ​ർ​ട്ട് ചെ​യ്യു​ന്നു​ണ്ട്. പ​ല​പ്പോ​ഴും ന​ഗ​ര​പ​രി​ധി​യി​ലും ഇ​ര​ട്ടി മ​ര​ണ​ങ്ങ​ളും റൂ​റ​ൽ പ​രി​ധി​യി​ൽ സം​ഭ​വി​ക്കു​ന്നു​ണ്ടെ​ന്ന് പൊ​ലീ​സ് ക​ണ​ക്കു​ക​ൾ വ്യ​ക്ത​മാ​ക്കു​ന്നു.

റൂ​റ​ലി​ൽ ഇ​ര​ട്ടി അ​പ​ക​ട​ങ്ങ​ൾ

കൊ​ച്ചി സി​റ്റി പൊ​ലീ​സി​നെ​ക്കാ​ൾ വി​ശാ​ല​മാ​ണ് കൊ​ച്ചി റൂ​റ​ൽ പ​രി​ധി. സി​റ്റി​യി​ൽ സൈ​ബ​ർ സ്റ്റേ​ഷ​നു​ൾ​പ്പെ​ടെ 28 പൊ​ലീ​സ് സ്റ്റേ​ഷ​നു​ക​ളാ​ണെ​ങ്കി​ൽ റൂ​റ​ലി​ൽ സൈ​ബ​ർ ഉ​ൾ​പ്പെ​ടെ 35 സ്റ്റേ​ഷ​നു​ണ്ട്. അ​ഞ്ചു​വ​ർ​ഷ​ത്തെ അ​പ​ക​ട​ങ്ങ​ളു​ടെ ക​ണ​ക്കെ​ടു​ത്താ​ൽ സി​റ്റി പ​രി​ധി​യി​ൽ ന​ട​ക്കു​ന്ന​തി​ലും ഇ​ര​ട്ടി മ​ര​ണ​ങ്ങ​ൾ റൂ​റ​ലി​ൽ ഉ​ണ്ടാ​വു​ന്നു. ഇ​ക്കാ​ല​യ​ള​വി​ൽ ന​ഗ​ര​ത്തി​ലെ സ്റ്റേ​ഷ​ൻ പ​രി​ധി​ക​ളി​ൽ 730 അ​പ​ക​ട​മ​ര​ണ​ങ്ങ​ളും റൂ​റ​ൽ സ്റ്റേ​ഷ​നു​ക​ളി​ലാ​യി 1468 മ​ര​ണ​ങ്ങ​ളു​മു​ണ്ടാ​യി.

ഗുരുതര പരിക്കേറ്റവർ 5360

അ​പ​ക​ട​ത്തി​ൽ ജീ​വ​ൻ ന​ഷ്ട​പ്പെ​ടു​ന്ന​വ​രെ​ക്കാ​ൾ എ​ത്ര​യോ ഇ​ര​ട്ടി​യാ​ണ് പ​രി​ക്കേ​ൽ​ക്കു​ന്ന​വ​ർ. ചി​ല​ർ നി​സ്സാ​ര പ​രി​ക്കു​ക​ളോ​ടെ ര​ക്ഷ​പ്പെ​ടു​മെ​ങ്കി​ലും പ​ല​രും ഗു​രു​ത​ര പ​രി​ക്കു​ക​ളോ​ടെ ആ​ജീ​വ​നാ​ന്തം ദു​രി​ത​ത്തി​ൽ ക​ഴി​യു​ന്ന​വ​രാ​ണ്. 2023ൽ ​ജി​ല്ല​യി​ൽ 7128 അ​പ​ക​ട​ങ്ങ​ൾ അ​ര​ങ്ങേ​റി​യ​പ്പോ​ൾ സാ​ര​വും നി​സ്സാ​ര​വു​മാ​യ പ​രി​ക്കു​ക​ൾ പ​റ്റി​യ​ത് 8118 പേ​ർ​ക്കാ​ണ്. ഇ​തി​ൽ 5360 പേ​ർ​ക്ക് ഗു​രു​ത​ര പ​രി​ക്കു​ക​ളാ​ണ്.

ക​രു​ത​ൽ വേ​ണം...

ല​ളി​ത​മാ​യ ഗ​താ​ഗ​ത നി​യ​മ​ങ്ങ​ൾ പാ​ലി​ച്ചും വേ​ണ്ട​ത്ര ക​രു​ത​ലോ​ടും വാ​ഹ​ന​മോ​ടി​ച്ചാ​ൽ ഒ​ഴി​വാ​ക്കാ​വു​ന്ന​തേ​യു​ള്ളൂ ന​മ്മു​ടെ റോ​ഡു​ക​ളി​ലെ അ​പ​ക​ട​ങ്ങ​ളെ​ല്ലാം. ശ്ര​ദ്ധി​ക്കാം ഇ​വ​യെ​ല്ലാം:

• അ​ശ്ര​ദ്ധ​മാ​യും അ​മി​ത​വേ​ഗ​ത്തി​ലും ഓ​ടി​ക്ക​രു​ത്.
• ഉ​റ​ക്കം വ​രു​മ്പോ​ൾ വ​ണ്ടി​യോ​ടി​ക്ക​രു​ത്, ആ​വ​ശ്യ​ത്തി​ന് ഉ​റ​ങ്ങി​യ​ശേ​ഷം വ​ണ്ടി​യോ​ടി​ക്കു​ക.
• ത​ക​ർ​ന്നു​കി​ട​ക്കു​ന്ന റോ​ഡു​ക​ളി​ലൂ​ടെ ഓ​ടി​ക്കു​മ്പോ​ൾ പ്ര​ത്യേ​കം ശ്ര​ദ്ധി​ക്കു​ക.
• വെ​ളി​ച്ച​ക്കു​റ​വു​ള്ള റോ​ഡി​ലും ക​രു​ത​ൽ വേ​ണം
• മ​ത്സ​ര​യോ​ട്ടം അ​പ​ക​ട​ത്തി​നി​ട​യാ​ക്കും.
• വ​ണ്ടി​യോ​ടി​ക്കു​മ്പോ​ൾ മൊ​ബൈ​ൽ​ഫോ​ൺ ഉ​പ​യോ​ഗി​ക്ക​രു​ത്.
• മ​ദ്യ​പി​ച്ചു​ള്ള ഡ്രൈ​വി​ങ് വേ​ണ്ടേ വേ​ണ്ടാ.
• ഹെ​ൽ​മ​റ്റ്, സീ​റ്റ്ബെ​ൽ​റ്റ് തു​ട​ങ്ങി​യ​വ കൃ​ത്യ​മാ​യി ധ​രി​ക്കു​ക.
• പാ​ത​യോ​ര​ങ്ങ​ളി​ലെ ഗ​താ​ഗ​ത സൂ​ച​ന​ക​ൾ ശ്ര​ദ്ധി​ച്ച്, അ​നു​സ​രി​ച്ച് ഡ്രൈ​വ് ചെ​യ്യു​ക.
• ഓ​വ​ർ​ടേ​ക്കി​ങ് ശ്ര​ദ്ധ​യോ​ടെ മാ​ത്രം ചെ​യ്യാം.
• റോ​ഡി​ലെ തി​ര​ക്കി​നും കു​രു​ക്കി​നും കാ​ലാ​വ​സ്ഥ​ക്കു​മ​നു​സ​രി​ച്ച് ഡ്രൈ​വി​ങ്ങി​ൽ സൂ​ക്ഷ്മ​ത പാ​ലി​ക്കു​ക.