'കിങ്‌സ്‌മീഡിലെ ആ ഭീകരരാത്രി ബ്രോഡിനെ പിന്നെയും വേട്ടയാടിയിരുന്നിരിക്കണം'

അപമാനിതനാകുന്നതി​െൻറ അങ്ങേയറ്റം അനുഭവിച്ചവനാണ് സ്​റ്റുവർട്ട്​ ബ്രോഡ്. 2007 ട്വൻറി 20 ​ലോകകപ്പിൽ യുവരാജ്​ സിങ്ങി​​​െൻറ ഹെർക്കുലിയൻ പ്രകടനത്തിനു മുമ്പിൽ വിളറിവെളുത്ത മുഖവുമായി തലതാഴ്​ത്തി നടന്ന സ്​റ്റുവർട്ട്​ ബ്രോഡിനെ എനിക്കിപ്പോഴും ഓർമയുണ്ട്. മറ്റൊരു പേസ് ബൗളറും അതിനുമുമ്പും അതിനുശേഷവും ഇത്രയുമധികം ശിക്ഷിക്കപ്പെട്ടിട്ടില്ല. ആറാമത്തെ പന്തും ഗാലറിയിലേക്ക്​ പറത്തി യുവരാജ്​ കരഘോഷം മുഴക്കു​മ്പോൾ ഭൂമി നെടുകെപ്പിളര്‍ന്ന് തന്നെയങ്ങ്​ വിഴുങ്ങിയിരുന്നെങ്കിൽ എന്ന്​ ബ്രോഡ്​ ആശിച്ചിരിക്കണം.

21 വയസ്സ്​ പ്രായം മാത്രമേ ഉണ്ടായിരുന്നുള്ളൂ അന്ന്​ ബ്രോഡിന്​. അന്താരാഷ്​ട്ര ക്രിക്കറ്റിൽ അരങ്ങേറ്റം കുറിച്ചിട്ട്​ കഷ്​ടിച്ച്​ ഒരുവർഷം. ടെസ്​റ്റിൽ കളിച്ചുതുടങ്ങിയിട്ടില്ല. യുവരാജിനുനേരെ അന്ന്​ ബ്രോഡ്​ എറിഞ്ഞ പന്തുകളൊക്കെയും മോശമായിരുന്നെന്ന് ഞാൻ കരുതുന്നില്ല. ആൻഡ്രൂ ഫ്ലി​​േൻറാഫ്​ പ്രകോപിതനാക്കിയതി​​​െൻറ അരിശം യുവരാജ്​ പ്രഹരിച്ചുതീർത്തപ്പോൾ അസാധാരണമായത് സംഭവിച്ചു. ഇരയാക്കപ്പെട്ടത്​ ബ്രോഡായിരുന്നെന്ന്​ മാത്രം.

കരിയറി​​ന് മുളപൊട്ടുമ്പോഴേ ചവിട്ടിയരക്കപ്പെട്ട ഇവൻ ആത്മവിശ്വാസത്തോടെ ഇനി എങ്ങനെ പന്തെറിയുമെന്ന്​ പലരും ചോദിച്ചു?. ​ത​​​െൻറ മകനെ ക്രൂരമായി തല്ലിച്ചതച്ച യുവരാജിനെ കാണാനായി മാച്ച്​ റഫറി കൂടിയായ ക്രിസ്​ ബോർഡ്​ പിറ്റേന്നെത്തി. സങ്കടവും ആദരവും കലർത്തിയുവരാജിനോട്​ അന്ന്​ ക്രിസ്​ ബ്രോഡ്​ പറഞ്ഞു: 'നിങ്ങളെ​​ന്റെ മക​​ന്റെ കരിയർ ഏതാണ്ട്​ അവസാനിപ്പിച്ചു കളഞ്ഞു. നിങ്ങൾ ഒപ്പു വെച്ച ഒരു ഷർട്ട്​ അവന്​ കൊടുത്തെക്കുക.

ബ്രോഡിന്​ കൊടുത്ത ഇന്ത്യൻ ജഴ്​സിയിൽ യുവരാജ് ഇങ്ങനെ എഴുതി '' ഒരോവറിൽ അഞ്ചുസിക്​സറുകൾ വഴങ്ങിയവനാണ്​ ഞാൻ. നിങ്ങ​ളനുഭവിക്കുന്ന വേദന എനിക്കറിയാം. ഇംഗ്ലണ്ട്​ ക്രിക്കറ്റി​​ന്റെ നല്ല ഭാവിക്കായി നിങ്ങൾക്ക്​ നന്മകൾ നേരുന്നു''

കിങ്‌സ്‌മീഡിലെ ആ ഭീകരരാത്രി ബ്രോഡിനെ പിന്നെയും വേട്ടയാടിയിരുന്നിരിക്കണം.2011 ലോകകപ്പിനെത്തു​മ്പോൾ സേവാഗിനും യുവരാജിനും പന്തെറിയുന്നതിലുള്ള ഭയം ബ്രോഡ്​ വാർത്ത സമ്മേളനത്തിൽ തുറന്നുപറഞ്ഞിരുന്നു. പ​ക്ഷേ വലിയ വീഴ്​ചയിൽ നിന്നും ഫീനിക്​സ്​ പക്ഷിയെപ്പോലെ ബ്രോഡ്​ പതിയെ പറന്നുയർന്നു. ഇംഗ്ലണ്ടി​െൻറ വെള്ളക്കുപ്പായത്തിൽ മാടപ്രാവിനെപ്പോലെയെത്തി വിക്കറ്റുകൾ കൊത്തിയെടുത്തു പറന്നു.വെളുത്ത പന്തിനേക്കാളും ബ്രോഡ്​ ഇഷ്​ടപ്പെട്ടതും ​ബ്രോഡിനെ ഇഷ്​ടപ്പെട്ടതും​ ചുവന്ന പന്തായിരുന്നു.

ലണ്ടനിലെ തെംസ്​ നദി പിന്നെയും ഒഴുകി. 13 വർഷത്തിനുശേഷം ഓൾഡ്​​ ട്രോഫോഡിൽ ടെസ്​റ്റ്​ ക്രിക്കറ്റിലെ അഞ്ഞൂറാം വിക്കറ്റും സ്വന്തമാക്കി വിഖ്യാത ബൗളർമാരുടെ നിരയിലേക്ക്​ സ്വന്തം പേര്​ എഴുതിച്ചേർക്കു​മ്പോൾ കൈയടിക്കാൻ ഗാലറിയിൽ ആരുമുണ്ടായിരുന്നില്ല. എങ്കിലും ത​​​െൻറ എല്ലാമായ അച്ഛൻ ക്രിസ്​​ ബ്രോഡ്​ മാച്ച്​ റഫറിയുടെ ഹോട്ട്​ സീറ്റിൽ അഭിമാനത്തോടെയുണ്ടായിരുന്നു. കളിയുടെ ഔദ്യോഗിക ഉത്തരവാദിത്വത്തിലിരിക്കു​മ്പോഴും ക്രിസ്​ ബ്രോഡ്​ മക​​​െൻറ അതുല്യ നേട്ടത്തിന്​ കൈയടിക്കാൻ മറന്നില്ല.

പേസ്​ ബൗളർമാരിൽ ജെയിംസ്​ ആൻഡേഴ്​സൺ, ​ഗ്ലെൻ മഗ്രാത്ത്​, കോട്​നി​ വാൽഷ്​ എന്നീ അതികായൻമാർക്ക്​ മാത്രമേ 500 വിക്കറ്റുകളെന്ന നാഴികക്കല്ലിൽ ഓടിയെത്താനായിട്ടുള്ളൂ.

തടുത്തിട്ട നൂറുകണക്കിന് സേവുകളേക്കാൾ കൈവിട്ട ഒരു ഗോളിന്റെ പേരിൽ ഓർമിക്കപ്പെടുക, നേടിയ 500 വിക്കറ്റുകളേക്കാൾ മോശം ഓരോവറിന്റെ പേരിൽ അറിയപ്പെടുക. കളിയുടെ വിധിയെഴുത്തുകൾ എത്ര ക്രൂരമാണ്.