വനിതാമതിലിൽ പങ്കെടുത്ത്‌ മടങ്ങിയവർക്ക് നേരെയും ആർ.എസ‌്.എസ‌് ആക്രമണം

കാസർകോട്‌: വനിതാമതിലിൽ പങ്കെടുത്ത്‌ മടങ്ങുകയായിരുന്ന സ‌്ത്രീകൾ സഞ്ചരിച്ച ബസിനുനേരെ കുതിരപ്പാടിയിലും ബി.ജെ.പി-ആർ.എസ്‌.എസ്‌ ആക്രമണം. സംഭവത്തിൽ നാലുപേർക്ക്‌ പരിക്കേറ്റു.

ഗുരുതര പരിക്കേറ്റ കന്തലിലെ ഇസ്‌മയിലി​​​െൻറ ഭാര്യ അവ്വാബി (35), പുത്തിഗെയിലെ സരസ്വതി എന്നിവരെ മംഗളൂരുവിലും പുത്തിഗെയിലെ അമ്പുവി​​​െൻറ മകൾ ബിന്ദു (36), പെർളാടത്തെ മായിൻകുഞ്ഞിയുടെ മകൻ പി.എം. അബ്ബാസ്‌ (45) എന്നിവരെ കാസർകോട്​ ജനറൽ ആശുപത്രിയിലും പ്രവേശിപ്പിച്ചു.

അവ്വാബിയുടെയും സരസ്വതിയുടെയും തലക്കാണ്‌ പരിക്കേറ്റത്‌. ഇരുവരെയും തീവ്രപരിചരണ വിഭാഗത്തിൽ പ്രവേശിപ്പിച്ചു. സീതാംഗോളിക്കടുത്ത കുതിരപ്പാടിയിലാണ്​ ആക്രമണമുണ്ടായത്‌.