ആർ.എസ്​.എസ്​ തലവനാണ് ഗവർണറുടെ റിമോർട്ട്​ കൺട്രോളറെന്ന് മന്ത്രി എം.ബി. രാജേഷ്​

കണ്ണൂർ: സംസ്ഥാന സർക്കാറിനെതിരെ ആർ.എസ്​.എസ്​ ഭരണഘടന തലവനെ ആയുധമാക്കുകയാണെന്ന്​ മന്ത്രി എം.ബി. രാജേഷ്​ കണ്ണൂരിൽ മാധ്യമ​ങ്ങളോട്​ പറഞ്ഞു. ഗവർണർ മുൻവിധിയോടെയാണ് പ്രവർത്തിക്കുന്നത്​. അദ്ദേഹം ആർക്ക്​ വേണ്ടിയാണ്​ പ്രവർത്തിക്കുന്നതെന്ന് ഇതിനകം​ വ്യക്തമായിരിക്കുകയാണ്​.

ആർ.എസ്​.എസ്​ തലവനുമായുള്ള കൂടിക്കാഴ്ചയിലൂടെ ഗവർണറുടെ റിമോർട്ട്​ കൺട്രോൾ എവിടെ നിന്നാണെന്ന്​ മനിസ്സിലായിരിക്കുകയാണ്​. ഗവർണറെ ഉപയോഗിച്ച്​ ആർ.എസ്​.എസ്​ ഭരണഘടന പ്രതിസന്ധി സൃഷ്​ട്ടിക്കുകയാണ്​. എൽ.ഡി.എഫ്​ സർക്കാറിനെ ലക്ഷ്യംവെച്ച്​ വലിയ ഉപജാപം അരങ്ങേറുകയാണ്​ എന്നതാണ്​ ഇതിലൂടെയെല്ലാം മനസ്സിലാക്കാൻ സാധിക്കുന്നതെന്നും ​അ​ദ്ദേഹം പറഞ്ഞു.