വാരിയൻകുന്നൻ വർഗീയ വാദി: മലബാർ കലാപം കുപ്രസിദ്ധ സംഭവം -ആർ.എസ്​.എസ്​ നേതാവ്​

മലപ്പുറം: വാരിയൻകുന്നത്ത്​ കുഞ്ഞഹമ്മദ്​ ഹാജി സ്​മാരകത്തിൽ വെച്ച്​ അദ്ദേഹം വർഗീയവാദിയാണെന്നാക്ഷേപിച്ച്​ ആർ.എസ്​.എസ്​ നേതാവ്. സംഘ്​പരിവാർ അധ്യാപക സംഘടന ദേശീയ അധ്യാപക പരിഷത്തി​​​​െൻറ സംസ്​ഥാന സമ്മേളന ഉദ്​ഘാടനവേദിയായ മലപ്പുറത്തെ​ വാരിയൻകുന്നത്ത്​ കുഞ്ഞഹമ്മദ്​ ഹാജി സ്​മാരക ടൗൺഹാളിൽ മുഖ്യപ്രഭാഷണത്തിനിടെ​ ആർ.എസ്​.എസ്​ മാന്യ പ്രാന്തകാര്യവാഹക്​ പി.​ ഗോപാലൻകുട്ടി മാസ്​റ്ററാണ്​ വാരിയൻകുന്നത്തി​​​​െൻറ പേരുപറയാതെ വിവാദ പരാമർശം നടത്തിയത്​. 

മഹത്തായ പോരാട്ടം എന്ന പേരിൽ രേഖപ്പെടുത്തിയിരിക്കുന്നത്​ നിരവധിയാളുകളുടെ ജീവൻ ഇല്ലാതാക്കിയ കലാപത്തെ കുറിച്ചാണ്​. അതിന്​ നേതൃത്വം നൽകിയ ഒരാളുടെ പേരിലുള്ള സ്​മാരകത്തിലാണ്​ സമ്മേളനം നടക്കുന്നത്​. അവർക്ക്​ വേണ്ടി സ്​മാരകമുണ്ടാക്കാൻ ആളുണ്ടായപ്പോൾ ജീവൻ ഇല്ലാതായ വിഭാഗത്തിനുവേണ്ടി സംസാരിക്കാൻ ആരുമില്ലാതെ പോയി. ചരിത്രത്തെ വികലമാക്കിയതി​​​​െൻറ മികച്ച ഉദാഹരണമാണിത്​. ഇത്തരം സംഭവങ്ങളുടെ യാഥാർഥ്യം സമൂഹത്തിൽ പ്രചരിപ്പിക്കാൻ രംഗത്തിറങ്ങണമെന്ന്​ മാസ്​റ്റർ അധ്യാപകരോട്​ ആഹ്വാനം ചെയ്​തു. 

കേരളത്തി​​​​െൻറ വളർച്ചയുടെ പിന്നിലെല്ലാം ഒരു വിഭാഗമാണെന്ന അവകാശവാദത്തെ ചെറുക്കാൻ ബൗദ്ധിക തലത്തിൽ സജ്ജമാകണം. ആസൂത്രിത മതപരിവർത്തനം നടക്കുന്ന സംസ്​ഥാനത്ത്​ അതിന്​ നേതൃത്വം നൽകാനും നിയമസഹായം ലഭ്യമാക്കാനും പ്രവർത്തിക്കുന്ന സംഘടനകൾ വരെയുണ്ട്​. പെൺകുട്ടികളെ മതംമാറ്റി രാഷ്​ട്രവിരുദ്ധ പ്രവർത്തനങ്ങൾക്ക്​ ഉപയോഗിക്കുന്നുണ്ടെന്ന്​ പൊതുസമൂഹത്തെ ബോധ്യപ്പെടുത്തണം. ഇത്തരം സംഭവങ്ങളെ ചെറുക്കാൻ അധ്യാപകസമൂഹം പ്രവർത്തിക്കണമെന്നും ആവശ്യപ്പെട്ടാണ്​ ആർ.എസ്​.എസ്​ നേതാവ് സംസാരം അവസാനിപ്പിച്ചത്​.