സുധീർ കുമാർ വധം: ആർ.എസ്.എസ് പ്രവർത്തകരെ വെറുതെ വിട്ടു

കണ്ണൂർ: തലശ്ശേരിയിലെ സി.പി.എം പ്രവർത്തകൻ സുധീർ കുമാറിനെ കൊലപ്പെടുത്തിയ കേസിൽ പ്രതികളായ ആർ.എസ്.എസ് പ്രവർത്തകരെ വെറുതെ വിട്ടു. ഒന്ന് മുതൽ ഏഴുവരെയുള്ള പ്രതികളെയാണ് വെറുതെ വിട്ടത്.

തെളിവുകളുടെ അഭാവത്തിൽ തലശ്ശേരി അഡീഷണൽ സെഷൻസ് കോടതിയുടേതാണ് ഉത്തരവ്. മതിയായ തെളിവുകൾ ഹാജരാക്കുന്നതിൽ പ്രോസിക്യൂഷൻ പരാജയപ്പെട്ടു എന്ന നിഗമനത്തിലാണ് പ്രതികളെ വെറുതെവിട്ടത്.

2007 നവംബർ അഞ്ചിനാണ് സി.പി.എം പ്രവർത്തകനായ സുധീർ കുമാർ കൊല്ലപ്പെട്ടത്. കേസിൽ 35 സാക്ഷികളും 67 രേഖകളും പ്രോസിക്യൂഷൻ ഹാജരാക്കിയിരുന്നു.