സി.പി.എമ്മാണ് ജാതി പറഞ്ഞത്; എം.എൽ.എ സ്ഥാനം കണ്ടല്ല പാർട്ടിയിൽ വന്നതെന്ന് ​എസ്​. രാജേന്ദ്രൻ

തൊടുപുഴ: എം.എൽ.എ സ്ഥാനം മോഹിച്ച്​ പാർട്ടിയിൽ വന്നയാളല്ല താനെന്നും പുറത്താക്കണമെങ്കിൽ പുറത്താക്ക​െട്ടയെന്നും ദേവികുളം മുൻ എം.എൽ.എ എസ്​. രാജേന്ദ്രൻ. സി.പി.എം മറയൂർ ഏരിയ സമ്മേളനത്തിൽ എം.എം. മണി നടത്തിയ പരാമർശങ്ങളോട്​ പ്രതികരിക്കുകയായിരുന്നു അദ്ദേഹം.

40 വർഷമായി പ്രവർത്തിക്കുന്ന തന്നെ ഒരു ജാതിയുടെ ആളായി ചിത്രീകരിച്ച്​ അന്വേഷണ കമീഷനെ വെച്ചത്​ പാർട്ടിയാണ്​. പാർട്ടിക്ക്​ തന്നിൽ വിശ്വാസം നഷ്​ടപ്പെട്ടാൽ പിന്നെ സംതൃപ്​തിയോടെ മുന്നോട്ടു പോകാനാവില്ല. സമ്മേളനത്തിന്​ മു​േമ്പ പാർട്ടി ജില്ല കമ്മിറ്റിക്ക്​ ഇക്കാര്യങ്ങളെല്ലാം ചൂണ്ടിക്കാട്ടി കത്ത്​ നൽകിയിരുന്നു. ത​െൻറ ജാതിയിൽപെട്ട ആളുകളുടെ വോട്ട്​ താൻ കുറച്ചു എന്നാണ്​ ആക്ഷേപം. താനല്ല, പാർട്ടിയാണ്​ ജാതി പറഞ്ഞത്​. മരണം വരെ പാർട്ടിയോടൊപ്പം നിൽക്കാനാണ് ​ആഗ്രഹം.

എം.എൽ.എ ബോർഡു​വെച്ച വണ്ടിയിൽ പോയി ഒരാളോടും താൻ പണം വാങ്ങിയിട്ടില്ല. അധ്വാനവും സ്ഥാനമാനങ്ങളും പാർട്ടിക്ക്​ വേണ്ടി മാത്രമാണ്​ വിനിയോഗിച്ചത്​. പാർട്ടി ഏൽപിച്ച ഉത്തരവാദിത്തമെല്ലാം ആത്മാർഥതയോടെ നിർവഹിച്ചിട്ടുണ്ട്​. തന്നെ വിശ്വാസമില്ലാത്തവർക്കൊപ്പം ഒരു വാഹനത്തിൽ സഞ്ചരിക്കുന്നതും ഒരേ വേദിയിൽ ഇരിക്കുന്നതുമെല്ലാം ബുദ്ധിമുട്ടായതു കൊണ്ടാണ്​ സമ്മേളനത്തിന്​ പോകാത്തത്​.

എം.എം. മണിയെപ്പോലെ സംഘടനാപരമായ വിഷയങ്ങൾ മാധ്യമങ്ങളുമായി പങ്കുവെക്കുക എന്നത്​ ത​െൻറ നയമല്ല. നടപടി എടുക്കണമെങ്കിൽ എടുക്കാം. താൻ ജാതിയുടെ ഭാഗമാണെന്ന്​ പറഞ്ഞപ്പോൾ ഉണ്ടായതിനെക്കാൾ വലുതല്ല ഇൗ വേദനയൊന്നും. തന്നെ പുറത്താക്കിയാലും മാർക്​സിസ്​റ്റ്​ ചിന്താഗതി പാടില്ലെന്ന്​ ഒരാൾക്കും പറയാനാവില്ല. തന്നെ പാർട്ടിയിൽ നിന്ന്​ പുറത്താക്കണമെന്ന്​ ഒരു സമ്മേളനത്തിലും ആരും ആവശ്യപ്പെട്ടിട്ടില്ലെന്നും എസ്​. രാജേന്ദ്രൻ പറഞ്ഞു.