ശബരിമലയിൽ വൻ സ്‌ഫോടക ശേഖരവേട്ട

മാലിന്യങ്ങൾ കത്തിക്കുന്ന ഇൻസിനറേറ്ററിന് സമീപത്തെ വെടിമരുന്ന് ശാലയിൽ നിന്നാണ് സ്ഫോടക ശേഖരം പിടികൂടിയത്. 35 കിലോയോളം വെടി മരുന്നടങ്ങിയ 11 ക്യാനുകൾ പ്രദേശത്ത് കുഴിച്ചിട്ട നിലയിലായിരുന്നു കണ്ടെത്തിയത്.

പത്തനംതിട്ട എസ്പിയുടെ ഷാഡോ ടീമിന് ലഭിച്ച രഹസ്യവിവരത്തെ തുടർന്ന് സന്നിധാനം എസ് ഐ നടത്തിയ പരിശോധനയിലാണ് സ്ഫോടകശേഖരം കണ്ടെത്തിയത്.

സംഭവത്തെ കുറിച്ച് വിശദമായ അന്വേഷണം നടന്ന് വരികയാണെന്ന് പോലീസ് അറിയിച്ചു.