ശബരിമല ആർക്കെങ്കിലും അമ്മാനമാടാനുള്ളതല്ല -മുഖ്യമന്ത്രി

ആലപ്പുഴ: ശബരിമല ആർക്കെങ്കിലും എടുത്ത്​ അമ്മാനമാടാനുള്ളതല്ലെന്ന്​ മുഖ്യമന്ത്രി പിണറായി വിജയൻ. ഇ.എം.എസ്​ സ്​റ്റേഡിയത്തിൽ എൽ.ഡി.എഫി​​​​​െൻറ മഹാ ബഹുജന സംഗമം ഉദ്​ഘാടനം ചെയ്യുകയായിരുന്നു അദ്ദേഹം. ഹനുമാൻ പർവതം എടുത്ത്​ അമ്മാനമാടും കണക്കെ ശബരിമല എടുത്ത്​ അങ്ങ്​ അമ്മാനമാടിക്കളയാം എന്നാണ്​ ചിലർ കരുതുന്നത്​. അവർക്ക്​ അതിനുള്ള ശേഷിയി​െല്ലന്ന് ഞങ്ങൾ നേരത്തേ പറഞ്ഞതാണെന്നും മുഖ്യമന്ത്രി കൂട്ടിച്ചേർത്തു.

നാട്ടിൽ കുഴപ്പമുണ്ടാക്കാനാണ്​ ഇക്കൂട്ടരുടെ ശ്രമം. സംഘ്​പരിവാർ ആദ്യം അവരിൽ ആരാണ്​ മൂപ്പൻ എന്ന തർക്കം പരിഹരിക്ക​െട്ട. അത്​ മറച്ചുവെക്കാൻ നാട്ടുകാര​ുടെ മെക്കിട്ട്​ കേറാനാണ്​ ശ്രമം. തെറ്റായ നീക്കം ചെറുക്കാനുള്ള ശേഷി ​കേരളീയ സമൂഹത്തിനുണ്ട്​.

ശബരിമല വിഷയത്തിൽ അമിതതാൽപര്യം കാണിച്ചു എന്നാണ്​ ചിലർ പറഞ്ഞു പരത്തുന്നത്​. സർക്കാർ മിതമായെങ്കിലും താൽപര്യം കാണിച്ചിരുന്നെങ്കിൽ കുറച്ചു പെണ്ണുങ്ങളെ അവിടെ ​െകാണ്ടുപോകുന്നതിൽ വലിയ ബുദ്ധിമു​െട്ടാന്നുമുണ്ടാകില്ലായിരുന്നു. നവോത്ഥാന മൂല്യസംരക്ഷണത്തിന്​ 190 സംഘടനകളെ ക്ഷണിച്ചു. 170 സംഘടനകൾ പ​െങ്കടുത്തു. ഇത്​ വലിയ ഉൗർജം തരുന്നു. സ്​ത്രീകളെ 18ാം നൂറ്റാണ്ടിലെ ഇരുളിലേക്ക്​ തള്ളിയിട്ടുകളയാം എന്ന്​ കരുതുന്നവർക്കെതിരായ ശക്​തമായ താക്കീത്​ തന്നെയാണിത്​. ഒരു വിധിയിലും സർക്കാർ ധിറുതി കാണിച്ചിട്ടില്ലെന്നും പിണറായി പറഞ്ഞു.

തന്ത്രിമാർ ക്ഷേത്ര കാര്യങ്ങളിൽ ഇടപെടുന്നതിൽ ഒരു പ്രശ്നവും ഇല്ല. ശബരിമല ദേവസ്വം ബോർഡ്‌ ഭരിക്കും. ശബരിമല വിഷയവുമായി ഇപ്പോൾ തെരുവിലിറങ്ങുന്നവർ ശബരിമലയിൽ നേരിട്ടതിനെക്കാൾ വലിയ ക്ഷീണം നേരിടേണ്ടി വരുമെന്നും​ മുഖ്യമന്ത്രി വ്യക്തമാക്കി.