ശബരിമല: പൊലീസ് ഗാലറിക്ക്​ വേണ്ടി കളിക്കരുത്​ -ഹൈകോടതി

കൊച്ചി: സ്​ത്രീപ്രവേശനവുമായി ബന്ധപ്പെട്ട്​ ശബരിമലയിലു​ണ്ടായ അക്രമസംഭവങ്ങളിൽ പങ്കാളിത്തമുള്ളവരെ മാത്രം അറസ്​റ്റ്​ ചെയ്യണമെന്നും ഗാലറിക്കുവേണ്ടി പൊലീസ് കളിക്കരുതെന്നും ഹൈകോടതി. ഭക്​തരല്ലാത്ത മറ്റാരെങ്കിലും സംഘര്‍ഷ പ്രദേശത്തുണ്ടായിരുന്നോ എന്ന് അറിയേണ്ടതുണ്ട്. കുറ്റവാളികളെയെല്ലാം പിടികൂടണം. എന്നാൽ, ഇതി​​​െൻറ പേരിൽ സര്‍ക്കാര്‍ തെറ്റായ നടപടി സ്വീകരിച്ചാല്‍ വലിയ വില നല്‍കേണ്ടിവരുമെന്നും കോടതി വാക്കാൽ വ്യക്​തമാക്കി.

ശബരിമലയിലെ യുവതീ പ്രവേശനത്തോടുള്ള പ്രതിഷേധം പ്രകടിപ്പിച്ച് നിലക്കലിൽ നടത്തിയ നാമജപയജ്ഞത്തിൽ പങ്കെടുത്ത ഭക്തരുൾപ്പെടെയുള്ളവരെ പൊലീസ് ഭീഷണിപ്പെടുത്തുന്നെന്നും ജാമ്യമില്ലാവകുപ്പ്​ ചുമത്തി അറസ്​റ്റ്​ ചെയ്യുന്നെന്നും ആരോപിച്ച് ശബരിമല ആചാരസംരക്ഷണ സമിതി ചെയർമാൻ അനോജ്കുമാർ, പമ്പ സ്വദേശി സുരേഷ്കുമാർ എന്നിവർ നൽകിയ ഹരജിയാണ്​ ഡിവിഷൻ ബെഞ്ച്​ പരിഗണിച്ചത്​​.

ഏഴുമുതൽ 18 വരെ നിലയ്ക്കലിൽ നാമജപയജ്ഞവും സമാധാനപരമായി പ്രതിഷേധവും സംഘടിപ്പിച്ചതായി ഹരജിയിൽ പറയുന്നു. കലക്ടർ നിരോധനാജ്ഞ പ്രഖ്യാപിച്ചതോടെ ഇതവസാനിപ്പിക്കുകയും ചെയ്തു. നാമജപയജ്ഞത്തി​​​െൻറ പേരിൽ നടപടിക്രമങ്ങൾ പാലിക്കാതെ പൊലീസ് ആളുകളെ കസ്​റ്റഡിയിലെടുക്കുകയാണ്​. ഭക്തരുടെയും കാഴ്ചക്കാരുടെയും പൊലീസുകാരുടെയുംപോലും ചിത്രങ്ങൾ വ്യാപകമായി പ്രചരിപ്പിച്ച് ഇവരെ കണ്ടെത്തി കസ്​റ്റഡിയിലെടുത്ത ശേഷമാണ് കേസെടുക്കുന്നതെന്നും ഹരജിയിൽ ആരോപിക്കുന്നു. മതിയായ തെളിവോ കാരണമോ ഇല്ലാതെ ഭക്തരെ അറസ്​റ്റ്​ ചെയ്യരുത്, സുപ്രീംകോടതി നിഷ്കർഷിച്ചിട്ടുള്ള നടപടിക്രമങ്ങൾ പാലിച്ച് അറസ്​റ്റ്​ ചെയ്യാൻ നിർദേശിക്കണം, നാമജപ യജ്ഞങ്ങൾ തടയരുത് തുടങ്ങിയ ആവശ്യങ്ങളാണ്​ ഹരജിയിൽ ഉന്നയിച്ചിട്ടുള്ളത്​.

അതേസമയം, കുറ്റവാളികളെ കണ്ടെത്താൻ ദൃശ്യങ്ങൾ പരിശോധിച്ച് ​െപാലീസ്​ നടപടിയെടുക്കുകയാണെന്ന്​ സർക്കാറിനുവേണ്ടി ഹാജരായ സ്​റ്റേറ്റ് അറ്റോണി കോടതിയെ അറിയിച്ചു. സ​ാ​േങ്കതികവിദ്യകളുടെ പുതിയകാലത്ത് അക്രമികൾക്ക് രക്ഷപ്പെടാൻ കഴിയില്ലെന്നും സർക്കാർ വ്യക്​തമാക്കി. തുടർന്ന് സർക്കാറിനോട്​ വിശദീകരണം തേടിയ കോടതി, ഹരജി വീണ്ടും തിങ്കളാഴ്​ച പരിഗണിക്കാൻ മാറ്റി.