ശബരിമല: നിയന്ത്രണങ്ങൾ കെ.എസ്.ആർ.ടി.സിയെ ബാധിച്ചു -തച്ചങ്കരി

തിരുവനന്തപുരം: ശബരിമലയിലെ പൊലീസ് നിയന്ത്രണങ്ങൾ കെ.എസ്.ആർ.ടി.സിയെ ബാധിച്ചുവെന്ന് കെ.എസ്.ആർ.ടി.സി എം.ഡി ടോമിൻ ജെ. തച്ചങ്കരി. നിലയ്ക്കലിൽനിന്നു പമ്പയിലേക്കുള്ള 50 ബസുകൾ സർവീസ് അവസാനിപ്പിച്ചുവെന്നും അദ്ദേഹം പറഞ്ഞു.

പത്ത് ഇലക്ട്രോണിക് ബസുകൾ നിലക്കൽ- പമ്പ റൂട്ടിൽ സർവീസ് നടത്തിയെങ്കിലും നഷ്ട്ടം കണക്കിലെടുത്തു ഇപ്പോൾ മൂന്നു ബസുകൾ ആണ് ഓടുന്നുള്ളു. കെ എസ്.ആർ.ടി.സി ജീവനക്കാർക്ക് പമ്പയിലും നിലക്കലും വിശ്രമിക്കാനോ ഭക്ഷണത്തിനോ സൗകര്യങ്ങളില്ലെന്നും തച്ചങ്കരി വിലയിരുത്തി. അടിസ്ഥാന സൗകര്യങ്ങൾ മെച്ചപ്പെടുത്തണമെന്നു കാണിച്ചു ദേവസ്വം ബോർഡിന് കെ.എസ്.ആർ.ടി.സി കത്തുനൽകി.