ശ്രീലങ്കന്‍ യുവതി ശബരിമല ദർശനം നടത്തി

ശബരിമല: ശ്രീലങ്കന്‍ സ്വദേശിനി ശശികല സന്നിധാനത്ത് ദര്‍ശനം നടത്തിയതായി സ്ഥിരീകരണം. ഇവർ ഭർത്താവുമൊന്നിച്ച് ദർ ശനം നടത്തി മടങ്ങുന്നതി​​​െൻറ സി.സി ടി.വി ദൃശ്യങ്ങൾ പ​ുറത്തായി. വ്യാഴാഴ്​ച രാത്രിതന്നെ ഇതുസംബന്ധിച്ച്​ മുഖ്യമ ന്ത്രിയുടെ ഒാഫിസിൽനിന്ന്​ സ്ഥിരീകരണം ഉണ്ടായിരുന്നു​. എന്നാൽ, ശശികല ദർശനം നടത്തിയില്ലെന്നാണ്​ ഭർത്താവ്​ ആദ്യ ം വെളിപ്പെടുത്തിയത്​. ദര്‍ശനം സാധ്യമാകാതെയാണ് മടങ്ങിയതെന്ന് പിന്നീട്​ ശശികലയും ഭര്‍ത്താവും വ്യക്തമാക്കുകയു ം ചെയ്​തു. പൊലീസ് നിര്‍ബന്ധിച്ച് തിരിച്ചിറക്കിയെന്നാണ് മാധ്യമങ്ങളോട് പറഞ്ഞത്. പ്രതിഷേധം ഭയന്നായിരുന്നു ഇത്​.

വ്യാഴാഴ്ച രാത്രിയാണ്​ രാമേശ്വരം സ്വദേശിയായ ശരവണമാരനും ശ്രീലങ്കന്‍ സ്വദേശിനിയായ ഭാര്യ ശശികലയും കുട്ടിയും ഉള്‍പ്പെട്ട സംഘം പമ്പയില്‍ എത്തിയത്. 47 വയസ്സായ ത​​​െൻറ ഗര്‍ഭപാത്രം നീക്കംചെയ്തതാണെന്ന്​ അറിയിക്കുകയും ഇത്​ വ്യക്തമാക്കുന്ന രേഖകൾ കാണിക്കുയും ചെയ്​തതോടെയാണ് മലചവിട്ടാന്‍ പൊലീസ് ​അനുവദിച്ചത്. സുരക്ഷക്കായി മഫ്തിയില്‍ പൊലീസി​െനയും ഒപ്പം അയച്ചു. യുവതി മലചവിട്ടുന്നുവെന്ന വാര്‍ത്ത പരന്നതോടെ നടപ്പന്തലിലും മറ്റും പ്രതിഷേധക്കാർ സംഘടിച്ചു. എന്നാൽ, ശരംകുത്തിയില്‍നിന്ന് യുവതി മടങ്ങിയെന്ന് പൊലീസും ദർശനം നടത്തിയില്ലെന്ന്​ ശശികലയും വ്യക്തമാക്കുകയായിരുന്നു. ശശികല സന്നിധാനത്ത് നില്‍ക്കുന്നതി​​​െൻറ ദൃശ്യങ്ങള്‍ പുറത്തുവന്നതോടെ അവര്‍ ദര്‍ശനം കഴിഞ്ഞാണ് മടങ്ങിയതെന്ന കാര്യം പൊലീസ് സ്ഥിരീകരിക്കുകയായിരുന്നു. സുരക്ഷ മുന്‍നിര്‍ത്തിയാണ് ദര്‍ശനം സാധ്യമാകാതെയാണ് മടങ്ങിയതെന്ന് നേര​േത്ത പറഞ്ഞതെന്നും പൊലീസ് വിശദീകരിച്ചു.

ശ്രീലങ്കന്‍ സ്വദേശി ശശികല ദര്‍ശനത്തിന് വരുന്നതിനെക്കുറിച്ച് പൊലീസിന് കൃത്യമായ വിവരമുണ്ടായിരുന്നു എന്നാണ് സൂചന. ശശികല മരക്കൂട്ടത്ത് എത്തിയപ്പോള്‍ പ്രതിഷേധമുണ്ടായെന്നും തുടര്‍ന്ന് തിരിച്ചിറക്കിയെന്നുമാണ് പൊലീസ് സന്നിധാനത്തേക്ക് നല്‍കിയ വിവരം. തുടര്‍ന്ന് പ്രതിഷേധക്കാരില്‍നിന്ന്​ ശ്രദ്ധതിരിച്ച് ഭര്‍ത്താവിനെയും മകനെയും ആദ്യവും തുടര്‍ന്ന് 20 മിനിറ്റ്​ വ്യത്യാസത്തില്‍ ശശികല​െയയും സന്നിധാനത്തെത്തിച്ച് ദര്‍ശനം സാധ്യമാക്കുകയുമായിരുന്നുവെന്നാണ്​ വിവരം.

ഊഹാപോഹങ്ങളുടെ അടിസ്ഥാനത്തിൽ നട അടക്കാനാവില്ല -തന്ത്രി കണ്ഠരര് രാജീവര്
ശബരിമല: യുവതി ദർശനം നടത്തിയെന്ന ഊഹാപോഹങ്ങളുടെ അടിസ്ഥാനത്തിൽ നട അടക്കാനാവില്ലെന്ന് തന്ത്രി കണ്ഠരര് രാജീവര്. ശ്രീലങ്കൻ സ്വദേശിനിയായ യുവതി ദർശനം നടത്തിയെന്ന വാർത്തകളോട് പ്രതികരിക്കുകയായിരുന്നു അദ്ദേഹം. ആചാരലംഘനം നടന്നെന്ന അഭ്യൂഹത്തിൽ പരിഹാരക്രിയകൾ നടത്തേണ്ടതില്ല. യുവതി ദർശനം നടത്തിയെന്നതിന് വ്യക്തമായ തെളിവില്ലെന്നും മകരസംക്രമ പൂജക്ക്​ മുന്നോടിയായി 12, 13 തീയതികളിൽ ശുദ്ധിക്രിയകൾ നടക്കുന്നുണ്ടെന്നും തന്ത്രി പറഞ്ഞു.

ഷാഡോ പൊലീസ് അംഗങ്ങളുടെ ചിത്രങ്ങൾ കൈമാറിയ പൊലീസുകാരുടെ മൊബൈൽ ഫോണുകൾ പരിശോധിച്ചു
ശബരിമല: ദർശനത്തിനെത്തിയ ശ്രീലങ്കൻ യുവതിക്ക് സുരക്ഷയൊരുക്കാൻ തീർഥാടക വേഷത്തിൻ പുറപ്പെടുന്ന ഷാഡോ പൊലീസ് അംഗങ്ങളുടെ ചിത്രങ്ങൾ മാധ്യമങ്ങൾക്ക് കൈമാറിയെന്ന സംശയത്തെ തുടർന്ന് സന്നിധാനം സ്​റ്റേഷനിലെ പൊലീസുകാരുടെ മൊബൈൽ ഫോണുകൾ ഉദ്യോഗസ്ഥർ പരിശോധിച്ചു. സന്നിധാനത്ത് വ്യാഴാഴ്ച ദർശനം നടത്തിയ യുവതിക്ക് സുരക്ഷയൊരുക്കാൻ സന്നിധാനം സ്​റ്റേഷനിൽനിന്ന്​ പുറപ്പെടുന്നതി​​​െൻറ ദൃശ്യങ്ങൾ സമൂഹമാധ്യമങ്ങളിലടക്കം പ്രചരിച്ചതോടെ വ്യാഴാഴ്ച രാത്രി 12ഒാടെയായിരുന്നു പരിശോധന. യുവതിക്ക് സുരക്ഷയൊരുക്കാൻ പോയ ഷാഡോ പൊലീസ് അംഗങ്ങളുടെ ചിത്രവും ദൃശ്യമാധ്യമ പ്രവർത്തകരെ കണ്ട് ഇരുമുടിയും തോൾസഞ്ചിയും വലിച്ചെറിഞ്ഞ് കൈകൊണ്ട് മുഖം മറച്ച് ഇവർ പിന്തിരിയുന്നതുമായ ദൃശ്യങ്ങൾ സമൂഹമാധ്യമത്തിലടക്കം പ്രചരിക്കുകയാണ്.