ശബരിമല: ളാഹ - നിലയ്ക്കൽ ഭാഗത്ത് കാട്ടാനക്കൂട്ടം ഇറങ്ങി -VIDEO

ശബരിമല: ശബരിമല പാതയിലെ ളാഹ - നിലയ്ക്കൽ ഭാഗത്ത് കാട്ടാനക്കൂട്ടം ഇറങ്ങിയത് മൂലം വാഹന ഗതാഗതം ഭാഗികമായി തടസ്സപ്പെട്ടു. ളാഹയ്ക്കും നിലയ്ക്കലിനും ഇടയിലായി മൂന്നിടങ്ങളിലായാണ് ആനക്കൂട്ടം ഇറങ്ങിയത്. ഇന്നലെ രാത്രി 11 മണിയോടെയായിരുന്നു സംഭവം.

ആനക്കൂട്ടം നടുറോഡിൽ നിലയുറപ്പിച്ചതോടെ ഇരുഭാഗത്തുനിന്നും എത്തിയ വാഹനങ്ങൾ ഏറെ നേരം നിർത്തിയിടേണ്ടതായി വന്നു. തുടർന്ന് ആനക്കൂട്ടം കാടു കയറിയതോടെയാണ് ഗതാഗതം പുനരാരംഭിച്ചത്.