ശബരിമല സന്ദർശനം: വാർത്താസമ്മേളനം വിളിച്ച അപർണയുടെ വീടിനു നേരെ ആക്രമണം

തേ​ഞ്ഞി​പ്പ​ലം: ശ​ബ​രി​മ​ല യു​വ​തി പ്ര​വേ​ശ​ന​വു​മാ​യി ബ​ന്ധ​പ്പെ​ട്ട് വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്ത അ​പ​ർ​ണ ശി​വ​കാ​മി​യു​ടെ വീ​ടി​ന് നേ​രെ ക​ല്ലേ​റ്. കാ​ക്ക​ഞ്ചേ​രി​ക്ക് സ​മീ​പം പ​ള്ളി​ക്ക​ൽ കോ​ഴി​പ്പു​റ​ത്തെ വീ​ടി​ന് നേ​രെ​യാ​ണ്​ വ്യാ​ഴാ​ഴ്ച പു​ല​ർ​ച്ച ആ​ക്ര​മ​ണ​മു​ണ്ടാ​യ​ത്.

ജ​ന​ൽ​ചി​ല്ലു​ക​ൾ ത​ക​ർ​ന്നു. മ​ക​ൾ കി​ട​ന്നി​രു​ന്ന മു​റി​യു​ടെ ജ​ന​ലി​ന്​ നേ​രെ​യാ​ണ് ബൈ​ക്കി​ലെ​ത്തി​യ സം​ഘം ക​ല്ലെ​റി​ഞ്ഞ​ത്. ബൈ​ക്ക് സ്​​റ്റാ​ര്‍ട്ടാ​ക്കി പോ​കു​ന്ന ശ​ബ്​​ദം കേ​ട്ടി​രു​ന്നെ​ന്ന് അ​പ​ര്‍ണ ശി​വ​കാ​മി ഫേ​സ്ബു​ക്​ പോ​സ്​​റ്റി​ൽ അ​റി​യി​ച്ചു. ക​രി​പ്പൂ​ർ എ​യ​ർ​പോ​ർ​ട്ട് സ്കൂ​ളി​ലെ അ​ധ്യാ​പി​ക​യാ​ണി​വ​ർ. തേ​ഞ്ഞി​പ്പ​ലം പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.

സം​ര​ക്ഷ​ണം ഉ​റ​പ്പാ​ക്കി​യാ​ൽ ശ​ബ​രി​മ​ല ദ​ർ​ശ​ന​ത്തി​ന് ത​യാ​റാ​ണെ​ന്ന​റി​യി​ച്ച്​ നാ​ല്​ വ​നി​ത​ക​ൾ കൊ​ച്ചി​യി​ൽ വാ​ര്‍ത്ത​സ​മ്മേ​ള​നം ന​ട​ത്തി​യ​ത് അ​പ​ര്‍ണ ശി​വ​കാ​മി​യു​ടെ നേ​തൃ​ത്വ​ത്തി​ലാ​യി​രു​ന്നു. നേ​ര​ത്തെ പ്ര​തി​ഷേ​ധ​ത്തെ​ത്തു​ട​ർ​ന്ന് ദ​ർ​ശ​ന​ത്തി​ൽ​നി​ന്ന് പി​ന്മാ​റി​യ കോ​ഴി​ക്കോ​ട് സ്വ​ദേ​ശി​നി രേ​ഷ്മ നി​ശാ​ന്ത്, ക​ണ്ണൂ​ർ സ്വ​ദേ​ശി​നി ഷ​നി​ജ സ​തീ​ഷ്, കൊ​ല്ലം സ്വ​ദേ​ശി​നി വി.​എ​സ്. ധ​ന്യ എ​ന്നി​വ​രാ​യി​രു​ന്നു മ​റ്റു​ള്ള​വ​ർ. നാ​ല​ു​പേ​രെ​യും അ​ന്ന്​ കൊ​ച്ചി​യി​ൽ പ്ര​തി​ഷേ​ധ​ക്കാ​ർ ഉ​പ​രോ​ധി​ച്ച​തി​നെ​ത്തു​ട​ർ​ന്ന്​ പൊ​ലീ​സ് സം​ര​ക്ഷ​ണ​ത്തി​ലാ​ണ് പു​റ​ത്തെ​ത്തി​ച്ച​ത്.