ശബരിമല സ്​ത്രീ പ്രവേശനം അഭിപ്രായ സമന്വയത്തിലൂടെ നടപ്പാക്കും - ദേവസ്വം മന്ത്രി

പത്തനംതിട്ട: ശബരിമലയിൽ എല്ലാ പ്രായത്തിലുമുള്ള സ്​ത്രീകൾക്ക്​ പ്രവേശനമാകാ​െമന്ന സൂപ്രീംകോടതിവിധി അഭിപ്രായ സമന്വയത്തിലൂടെ നടപ്പാക്കുമെന്ന്​ ദേവസ്വം മന്ത്രി കടകംപള്ളി സുരേന്ദ്രൻ. എല്ലാവരുമായി ചർച്ചകൾ നടത്തിയും വിയോജിക്കുന്നവരെ വസ്​തുതകൾ ബോധ്യപ്പെടുത്തിയും വിധി നടപ്പാക്കും. ഇതിനു മുമ്പും ആചാരപരമായ വിധികൾ വന്നപ്പോൾ ചർച്ചകളിലൂടെ നടപ്പാക്കിയിട്ടണ്ടൈന്നും മന്ത്രി പറഞ്ഞു.

സർക്കാറിന്​ ഒരു നിലപാടേയുള്ളൂ. വിധിക്കെതിരെ റിവ്യൂഹരജി പോയാലും സർക്കാർ നിലപാടിൽ മാറ്റമുണ്ടാകില്ല. സ്​ത്രീ പ്രവേശനത്തിന്​ സൗകര്യമൊരുക്കേണ്ടത്​ ദേവസ്വം ബോർഡാ​ണെന്നും അതിന്​ അടിയന്തരമായി എന്തെല്ലാം നടപടികൾ സ്വീകരിക്കണമെന്ന്​ ചർച്ച ചെയ്യുമെന്നും മന്ത്രി കൂട്ടിച്ചേർത്തു.

സ്​ത്രീ പ്രവേശനം കോടതി അനുവദിച്ചിട്ടുണ്ടെങ്കിലും എന്നു മുതൽ നടപ്പാകുമെന്നതിനെ കുറിച്ച്​ വ്യക്​തതയില്ല. ഒക്​ടോബർ 17നാണ്​ ശബരിമല വീണ്ടും പൂജകൾക്കായി തുറക്കുക.