ദർശനം ആവശ്യപ്പെട്ട്​ ഇന്ന്​ യുവതികളാരും സമീപിച്ചിട്ടില്ലെന്ന്​ കലക്​ടർ

പത്തനംതിട്ട: ശബരിമല ദർശനം ആവശ്യപ്പെട്ട്​ ഇന്ന്​ യുവതികളാരും സമീപിച്ചിട്ടില്ലെന്ന്​ പത്തനംതിട്ട ജില്ലാ കലക്​ടർ പി.ബി.നൂഹ്​. യുവതികൾ ആരെങ്കിലും സമീപിച്ചാൽ അക്കാര്യം അപ്പോൾ പരിശോധിക്കുമെന്നും ജില്ലാ കല്​​കടർ അറിയിച്ചു. അതേ സമയം, യുവതികൾ ഇന്നും ശബരിമലയിൽ എത്താനുള്ള സാധ്യതയുണ്ടെന്നെ റിപ്പോർട്ടുകളും പുറത്ത്​ വരുന്നുണ്ട്​.

13 യുവതികളടങ്ങിയ സംഘം ഇന്ന്​ പമ്പയിലെത്തുമെന്നാണ്​ അഭ്യൂഹങ്ങൾ. എന്നാൽ, ഇത്തരം വാർത്തകൾ ​െപാലീസ്​ നിഷേധിച്ചു. നിരോധഞാജ്ഞ നില നിൽക്കുന്ന ശബരിമലയിൽ പൊലീസ്​ സുരക്ഷ കൂടുതൽ ശക്​തമാക്കി. ഏകദേശം 2500 പൊലീസുകാരെയാണ്​ പ്രദേശത്ത്​ വിന്യസിച്ചിരിക്കുന്നത്​. സന്നിധാനത്തേക്കുള്ള കാനന പാതയിലും സുരക്ഷ ശക്​തമാക്കിയിട്ടുണ്ട്​. നിലക്കലിൽ നിന്ന്​ വാഹനങ്ങൾ കർശനമായ പരിശോധനക്ക്​ ശേഷമാണ്​ പമ്പയിലേക്ക്​ കടത്തി വിടുന്നത്​.