ശബരിമല സ്ത്രീ പ്രവേശനം: പുനഃപരിശോധന ഹരജി നൽകും -എൻ.എസ്​.എസ്​

ചങ്ങനാശ്ശേരി: ശബരിമല സ്ത്രീ പ്രവേശനവിധിക്കെതിരെ സുപ്രീംകോടതിയിൽ പുനഃപരിശോധന ഹരജി നൽകുമെന്ന്​ എന്‍.എസ്.എസ്. വിഷയത്തിൽ സംസ്ഥാന സര്‍ക്കാറി​​​െൻറയും തിരുവിതാംകൂര്‍ ദേവസ്വം ബോര്‍ഡി​‍​​െൻറയും നിലപാട് നിരാശാജനകമാണെന്നും ജനറല്‍ സെക്രട്ടറി ജി. സുകുമാരന്‍ നായര്‍ വാര്‍ത്തക്കുറിപ്പില്‍ പറഞ്ഞു. കേസി​​​െൻറ ആരംഭം മുതല്‍ കക്ഷിചേര്‍ന്ന് നിലപാട് എടുത്തിട്ടുള്ള എന്‍.എസ്.എസ് ഇതി​​​െൻറ തുടർച്ചയായാണ്​ പുനഃപരിശോധന ഹരജി നൽകുന്നത്​.

വിശ്വാസികളെ ബാധിക്കുന്ന തരത്തിലുള്ള സുപ്രീംകോടതി വിധി നടപ്പാക്കുന്ന കാര്യത്തില്‍ മറ്റൊന്നിലുമില്ലാത്ത വ്യഗ്രതയും തിടുക്കവും സര്‍ക്കാർ കാട്ടുന്നതി​​​െൻറ കാരണം മനസ്സിലാകുന്നില്ല. റിവ്യൂ ഹരജി നൽകില്ലെന്ന് നയത്തി​​​െൻറ ഭാഗമായി സംസ്ഥാന സര്‍ക്കാറിന് നിലപാടെടുക്കാം. എന്നാല്‍, ക്ഷേത്രങ്ങളും ആചാരങ്ങളും അനുഷ്ഠാനങ്ങളും വിശ്വാസങ്ങളും സംരക്ഷിച്ചുകൊള്ളാമെന്ന് പ്രതിജ്ഞയെടുത്ത് അധികാരത്തിലേറിയ ദേവസ്വം ബോര്‍ഡിനെ​പ്പോലെയുള്ള ഒരു സ്വതന്ത്രസ്ഥാപനത്തിന് എങ്ങനെ ഇത്തരത്തിലൊരു തീരുമാനത്തിലെത്താൻ കഴിയും.

വിശ്വാസികള്‍ കാണിക്കയായി നൽകുന്ന പണംകൊണ്ടാണ് ദേവസ്വങ്ങളുടെയും ബോര്‍ഡി​​​െൻറയും ഭരണം നടത്തിവരുന്നത്​. ഭരണഘടനയാണ് എല്ലാത്തിലും വലുത്. അനാചാരങ്ങളും ദുരാചാരങ്ങളും മാറ്റേണ്ടത് ആവശ്യവുമാണ്. എന്നാല്‍, മനുഷ്യന് അവ​​​െൻറ വിശ്വാസം സംരക്ഷിക്കാന്‍ ആവശ്യമായ ഭേദഗതികള്‍ കാലാകാലങ്ങളില്‍ വരുത്തേണ്ടത് സര്‍ക്കാറുകളുടെ ചുമതലയാണ്. എങ്കില്‍ മാത്രമേ രാജ്യത്ത് സമാധാനവും അഖണ്ഡതയും ഐശ്വര്യവും നിലനിര്‍ത്താനാവൂ. സംസ്ഥാന സര്‍ക്കാറും തിരുവിതാംകൂര്‍ ദേവസ്വം ബോര്‍ഡും ഈ പ്രശ്‌നം കുറച്ചുകൂടി അവധാനതയോടെ കൈകാര്യം ചെയ്യാനും പരിഹരിക്കാനും ശ്രമിക്കുകയാണ് വേണ്ടതെന്നും അദ്ദേഹം പറഞ്ഞു.