ശബരിമല യുവതീപ്രവേശനം: പുനഃപരിശോധനാ ഹരജി നൽകാനാവില്ലെന്ന് തോമസ് ഐസക്

കൽപ്പറ്റ: ശബരിമല യുവതീപ്രവേശന വിഷയത്തിൽ സർക്കാറിന്​ പുനഃപരിശോധനാ ഹരജി നൽകാനാവില്ലെന്ന് ധനമന്ത്രി തോമസ് ഐസക്. ഭരണഘടനാ വിരുദ്ധമായ കാര്യത്തിനെതിരെ നിയമം ഉണ്ടാക്കാനാവില്ല. തന്ത്രിയും ദേവസ്വവും വിധി നടപ്പിലാക്കാൻ ബാധ്യസ്ഥരാണ്. കോടതി വിധി എല്ലാവർക്കും ബാധകമാണ്. വിശ്വാസം പറഞ്ഞ് രാഷ്ട്രീയം കളിക്കരുത്.12 വർഷമുണ്ടായിട്ടും എന്തുകൊണ്ട്​ ബി.ജെ.പി കക്ഷി ചേർന്നി​െല്ലന്ന​ും മന്ത്രി​ ആരാഞ്ഞു.

ശബരിമല വിഷയം പൊലീസിനെ കൊണ്ടല്ല നേരിടാൻ പോവുന്നത്. മനുഷ്യ​​​െൻറ മനസുകളിലാണ് യുദ്ധം നടക്കാൻ പോവുന്നത്. സംസ്ഥാനത്ത് വർഗ്ഗീയ ചേരിതിരിവുണ്ടാക്കാനുള്ള ആർ.എസ്​.എസ്​- ബി.ജെ.പി നീക്കത്തിനെതിരെ വിശ്വസികൾക്കിടയിൽ പ്രചരണം നടത്തും. വിശ്വാസികൾക്കിടയിൽ പ്രചരണം നടത്തി അവരെ ശരി മനസ്സിലാക്കാനാണ് സർക്കാറും സി.പി.എമ്മും ശ്രമിക്കുന്നതെന്നും തോമസ് ഐസക് പറഞ്ഞു.