സജൻ എവിടെയുണ്ട്​? മൂന്ന്​ പതിറ്റാണ്ടായി അമ്മ കാത്തിരിക്കുന്നു

തൊ​ടു​പു​ഴ: ‘‘അ​വ​നെ​യൊ​ന്ന്​ കാ​ണാ​ൻ ഞാ​ൻ ഇ​നി​യും എ​ത്ര​നാ​ൾ കാ​ത്തി​രി​ക്ക​ണം. അ​ല​യാ​ത്ത വ​ഴി​ക​ളി​ല്ല, ചോ​ദി​ക്കാ​ത്ത ആ​ളു​ക​ളി​ല്ല. ഒ​രി​ക്ക​ൽ​ക്കൂ​ടി അ​വ​നെ​യൊ​ന്ന്​ ക​ണ്ടാ​ൽ മാ​ത്രം മ​തി...’’ പ​റ​ഞ്ഞു​തീ​രു​മ്പോ​ൾ 70കാ​രി ഗി​രി​ജ​യു​ടെ ക​ണ്ണു​ക​ൾ നി​റ​യും. 30 വ​ർ​ഷ​ത്തി​നി​ടെ മ​ക​നെ​യോ​ർ​ത്ത്​ ആ ​ക​ണ്ണു​ക​ൾ നി​റ​യാ​ത്ത ദി​വ​സ​ങ്ങ​ളി​ല്ല. ഡ​ൽ​ഹി​യി​ൽ​നി​ന്ന്​​ കാ​ണാ​താ​യ മ​ക​ൻ സ​ജ​ൻ​കു​മാ​റി​ന്​ വേ​ണ്ടി തൊ​ടു​പു​ഴ മ​ണ​ക്കാ​ട് ചാ​ലി​ൽ ഗി​രി​ജ​യു​ടെ കാ​ത്തി​രി​പ്പ്​ മൂ​ന്ന്​ പ​തി​റ്റാ​ണ്ടോ​ടു​ക്കു​ക​യാ​ണ്.

ഗി​രി​ജ​യു​ടെ ഭ​ര്‍ത്താ​വ് ച​ന്ദ്ര​ശേ​ഖ​ര​ൻ നാ​യ​ർ​ക്ക്​ പ്ര​തി​രോ​ധ മ​ന്ത്രാ​ല​യ​ത്തി​ലാ​യി​രു​ന്നു ജോ​ലി. ഭ​ർ​ത്താ​വി​നൊ​പ്പം താ​മ​സി​ക്കാ​ന്‍ മ​ക​ന്‍ സ​ജ​നെ​യും മ​ക​ള്‍ സ്നേ​ഹ​യെ​യും കൂ​ട്ടി ഗി​രി​ജ 90ക​ളി​ൽ ഡ​ല്‍ഹി​യി​ലെ ആ​ര്‍.​കെ പു​ര​ത്തെ​ത്തി. പ​ത്താം ക്ലാ​സ് പ​രീ​ക്ഷ​യി​ൽ അ​വ​ന്​ മാ​ർ​ക്ക്​ വ​ള​രെ കു​റ​വാ​യി​രു​ന്നു.

ഇ​തേ​ച്ചൊ​ല്ലി പി​താ​വ് ശ​കാ​രി​ച്ച​തി​ല്‍ മ​നം​നൊ​ന്ത്​ സ​ജ​ന്‍ രാ​ത്രി വീ​ട്ടി​ൽ​നി​ന്ന്​ ഇ​റ​ങ്ങി​യ​താ​ണ്. 1994 ആ​ഗ​സ്റ്റ്​ 17നാ​ണ്​ സം​ഭ​വം. ആ​ര്‍.​കെ പു​രം പൊ​ലീ​സി​ല്‍ പ​രാ​തി ന​ല്‍കി​യെ​ങ്കി​ലും സ​ജ​നെ ക​ണ്ടെ​ത്താ​നാ​യി​ല്ല.