സാലറി ചലഞ്ച്​: വിസമ്മതപത്ര വ്യവസ്​ഥ ആശാസ്യമല്ല​ -ഹൈകോടതി

കൊച്ചി: മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു മാസത്തെ ശമ്പളം നൽകാത്തവർ വിസമ്മതപത്രം നൽകണമെന്ന വ്യവസ്​ഥ ആശാസ്യമല്ലെന്ന്​ ഹൈകോടതി. പുനഃപരിശോധിക്കേണ്ട വ്യവസ്​ഥയാണിതെന്നും പുനഃപരിശോധിക്കുന്നുണ്ടോയെന്ന കാര്യം കോടതിയെ അറിയിക്കണമെന്നും ഡിവിഷൻ ​െബഞ്ച്​ സർക്കാറിനോട്​ നിർദേശിച്ചു. സർക്കാറുമായി കൂടിയാലോചിച്ച്​ തീരുമാനം അറിയിക്കാമെന്ന്​ അഡ്വക്കറ്റ്​ ജനറൽ പറഞ്ഞതി​െനത്തുടർന്ന്​ ഇത്​ സംബന്ധിച്ച ഹരജി ഒക്​ടോബർ മൂന്നിലേക്ക്​ മാറ്റി. ജീവനക്കാരിൽ നിന്ന്​ നിർബന്ധപൂർവം ശമ്പളം പിടിക്കാനുള്ള സർക്കാർ നടപടി സ്​റ്റേ ചെയ്യണമെന്ന ആവശ്യം നിരസിച്ച കേരള അഡ്​മിനിസ്​​േ​ട്രറ്റിവ്​ ട്രൈബ്യൂണലി​​​െൻറ ഇടക്കാല ഉത്തരവിനെതിരെ കേരള എൻ.ജി.ഒ സംഘ്​ നൽകിയ ഹരജിയിലാണ്​ കോടതിയുടെ വാക്കാൽ പരാമർശം​. അതേസമയം, സർക്കാർ ഉത്തരവ്​ സ്​റ്റേ ചെയ്യണമെന്ന ആവശ്യം കോടതി അനുവദിച്ചില്ല.

സംഭാവന നല്‍കിയവരും നൽകാത്തവരുമായ ജീവനക്കാരുടെ പേരുവിവരം പ്രസിദ്ധീകരിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോയെന്ന് ​േകാടതി ആരാഞ്ഞു. ഇല്ലെന്ന മറുപടിയാണ്​ സർക്കാർ നൽകിയത്​. സംഭാവന നല്‍കാന്‍ താല്‍പര്യമുള്ളവരുടെ അനുമതി വാങ്ങുന്നതിന്​ പകരം സമ്മതമല്ലാത്തവ​േരാട്​ വിസമ്മതപത്രം നല്‍കാൻ ആവശ്യപ്പെടുന്നതെന്തിനെന്ന്​ കോടതി ചോദിച്ചു. വിസമ്മതപത്രം നൽകാൻ ആവശ്യപ്പെടുന്നത്​ ഒരു മാസത്തെ ശമ്പളം സംഭാവന നൽകാൻ​ അവരെ നിര്‍ബന്ധിക്കുന്നതിന് തുല്യമാണ്​. ശമ്പളം സംഭാവനയായി നല്‍കാന്‍ ആരെയും നിര്‍ബന്ധിക്കില്ലെന്നും താൽപര്യമുള്ളവർ നൽകിയാൽ മതിയെന്നുമാണ് മുഖ്യമന്ത്രി പറഞ്ഞത്.

എന്നാൽ, സര്‍ക്കാര്‍ ഉത്തരവ് മുഖ്യമന്ത്രിയുടെ ഉറപ്പിന് എതിരായാണ്. വിസമ്മതപത്രം നൽകണമെന്ന തരത്തിലുള്ള വ്യവസ്​ഥ മഹത്തായ ലക്ഷ്യത്തെ പ്രതികൂലമായി ബാധിക്കാനേ ഉപകരിക്കൂ. താൽപര്യമുള്ളവർ മാത്രമല്ലേ സംഭാവന നൽകേണ്ടതുള്ളൂവെന്നും കോടതി ചോദിച്ചു. എന്നാൽ, സംഭാവന നല്‍കാന്‍ ഉദ്യോഗസ്ഥരെ നിര്‍ബന്ധിച്ചിട്ടില്ലെന്നും ശമ്പളം ദുരിതാശ്വാസ നിധിയിലേക്ക്​ നൽകുന്നവർക്ക്​ പലതരം ഇളവുകള്‍ അനുവദിച്ചിട്ടുണ്ടെന്നും അഡ്വക്കറ്റ്​ ജനറൽ ബോധിപ്പിച്ചു. അസാധാരണ സംഭവങ്ങളാണ് കേരളത്തില്‍ ഉണ്ടായത്​. അതിനെ മറികടക്കാന്‍ അസാധാരണ നടപടികള്‍ വേണ്ടതുണ്ടെന്നും എ.ജി വ്യക്​തമാക്കി. തുടർന്നാണ്​ സംഭാവന നല്‍കാന്‍ സര്‍ക്കാര്‍ ഉദ്യോഗസ്ഥരെ നിര്‍ബന്ധിക്കുന്ന വ്യവസ്​ഥ പുനഃപരിശോധിക്കേണ്ടതാണെന്ന്​ കോടതി അഭിപ്രായപ്പെട്ടത്​.

എല്ലാവരെയും വിശ്വാസത്തിലെടുത്ത് വേണം സര്‍ക്കാര്‍ മുന്നോട്ടുപോകാൻ. സംഭാവനക്കാര്യത്തിൽ നിര്‍ബന്ധിച്ച് ഒന്നും ചെയ്യരുത്​. വിസമ്മതപത്രത്തി​​​െൻറ കാര്യത്തിലുള്ള പുനഃപരിശോധന സംബന്ധിച്ച്​ സർക്കാർ നിലപാടറിയിക്കണമെന്നും കോടതി വ്യക്​തമാക്കി. തുടര്‍ന്നാണ്​ സർക്കാറുമായി ആലോചിച്ച്​ ഇക്കാര്യം അറിയിക്കാമെന്ന് അഡ്വക്കറ്റ് ജനറല്‍ അറിയിച്ചത്​.

ഇതിനിടെ, സഹകരണ സംഘങ്ങളിലെ ജീവനക്കാര്‍ ഒരു മാസത്തെ ശമ്പളം നല്‍കണമെന്ന സഹകരണ റജിസ്​ട്രാറുടെ ഉത്തരവ്​ ചോദ്യം ചെയ്യുന്ന ഹരജി ബുധനാഴ്​ച മറ്റൊരു ബെഞ്ചി​​​െൻറ പരിഗണനക്കെത്തി. കേരള കോ ഒാപറേറ്റിവ് എംപ്ലോയീസ് ഫ്രണ്ട് കോതമംഗലം താലൂക്ക് കമ്മിറ്റി പ്രസിഡൻറ്​ പി.എ. യൂസഫ്​, അംഗം സിബി ചാക്കോ എന്നിവർ നൽകിയ ഹരജി വ്യാഴാഴ്​ച വിശദമായ വാദത്തിനായി മാറ്റി.