സനാതനധർമം ചാതുർവർണ്യമോ; ശിവഗിരിയിൽ ചൂടേറിയ ചർച്ച

തി​രു​വ​ന​ന്ത​പു​രം: സ​നാ​ത​ന​ധ​ർ​മ​ത്തെ വി​മ​ർ​ശി​ച്ച മു​ഖ്യ​മ​​ന്ത്രി പി​ണ​റാ​യി വി​ജ​യ​ന്‍റെ ശി​വ​ഗി​രി ​​പ്ര​സം​ഗ​ത്തെ ​ചൊ​ല്ലി ചൂ​ടേ​റി​യ ച​ർ​ച്ച. മു​ഖ്യ​മ​ന്ത്രി​യെ ശി​വ​ഗി​രി​യി​ൽ തി​രു​ത്തി പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ രം​ഗ​ത്തു​വ​ന്ന​പ്പോ​ൾ ​കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​ന്‍റെ പ്ര​തി​ക​ര​ണം മു​ഖ്യ​മ​ന്ത്രി​യോ​ട്​ ചേ​ർ​ന്നു​നി​ൽ​ക്കു​ന്ന​താ​ണ്. അ​തേ​സ​മ​യം, മു​ഖ്യ​മ​ന്ത്രി​യു​ടെ വി​മ​ർ​ശ​നം ദേ​ശീ​യ​വി​ഷ​യ​മാ​യി ഉ​യ​ർ​ത്താ​ൻ ബി.​ജെ.​പി ശ്ര​മം തു​ട​ങ്ങി. പ​റ​ഞ്ഞ​തി​ൽ ഉ​റ​ച്ചു​നി​ൽ​ക്കു​ന്നു​വെ​ന്ന്​​ പി​ണ​റാ​യി വി​ജ​യ​നും വ്യ​ക്ത​മാ​ക്കി.

ശി​വ​ഗി​രി തീ​ർ​ഥാ​ട​ന മ​ഹാ​സ​മ്മേ​ള​നം ഉ​ദ്​​ഘാ​ട​നം ചെ​യ്യ​വെ​യാ​ണ്​ സ​നാ​ത​ന ധ​ർ​​മ​ത്തി​നെ​തി​രെ മു​ഖ്യ​മ​ന്ത്രി തു​റ​ന്ന​ടി​ച്ച​ത്. സ​നാ​ത​ന​ധ​ർ​മം ഉ​യ​ർ​ത്തി​പ്പി​ടി​ക്കു​ന്ന​ത്​ ചാ​തു​ർ​വ​ർ​ണ്യ വ്യ​വ​സ്ഥ​യും വ​ർ​ണാ​ശ്ര​മ ധ​ർ​മ​വു​മാ​ണെ​ന്നും ശ്രീ​നാ​രാ​യ​ണ ഗു​രു​വി​നെ സ​നാ​ത​ന ധ​ർ​മ​ത്തി​ന്റെ വ​ക്താ​വാ​യി സ്ഥാ​പി​ക്കു​ന്ന​ത്​ ഗു​രു​നി​ന്ദ​യാ​ണെ​ന്നു​മാ​ണ്​ മു​ഖ്യ​മ​ന്ത്രി പ​റ​ഞ്ഞ​ത്. മു​ഖ്യ​മ​ന്ത്രി​യു​ടെ വാ​ദം തെ​റ്റാ​ണെ​ന്നാ​ണ്​ പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ന്‍റെ നി​ല​പാ​ട്. ന​മ്മു​ടെ സാം​സ്കാ​രി​ക പൈ​തൃ​ക​ത്തി​ന്‍റെ ഭാ​ഗ​മാ​യ സ​നാ​ത​ന ധ​ർ​മം എ​ങ്ങ​നെ​യാ​ണ്​ വ​ർ​ണാ​ശ്ര​മ​ത്തി​ന്‍റെ​യും ചാ​തു​ർ​വ​ർ​ണ്യ​ത്തി​ന്‍റെ​യും ഭാ​ഗ​മാ​കു​ന്ന​തെ​ന്ന്​ മ​ന​സ്സി​ലാ​കു​ന്നി​ല്ലെ​ന്ന്​ ശി​വ​ഗി​രി തീ​ർ​ഥാ​ട​ന സ​മാ​പ​ന സ​മ്മേ​ള​ന​ത്തി​ൽ സ​തീ​ശ​ൻ പ​റ​ഞ്ഞു.

ലോ​ക​ത്ത്​ എ​ല്ലാ മ​ത​ങ്ങ​ളെ​യും പി​ന്നീ​ട്​ വ​ന്ന പൗ​രോ​ഹി​ത്യ​വും ഭ​ര​ണ​കൂ​ട​ങ്ങ​ളും ചേ​ർ​ന്നു​നി​ന്ന്​ തെ​റ്റാ​യി വ്യാ​ഖ്യാ​നി​ച്ചി​ട്ടു​ണ്ട്. വ​ർ​ണാ​ശ്ര​മ​വും ചാ​തു​ർ​വ​ർ​ണ്യ​വും കു​ല​ത്തൊ​ഴി​ലു​മൊ​ക്കെ അ​ങ്ങ​നെ വ​ന്ന​താ​ണെ​ന്ന്​ തി​രി​ച്ച​റി​യ​ണ​മെ​ന്നും വി.​ഡി. സ​തീ​ശ​ൻ പ​റ​ഞ്ഞു.

ശി​വ​ഗി​രി​യി​ൽ സം​സാ​രി​ച്ച കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​ന്‍റെ വാ​ക്കു​ക​ൾ ​ഇ​പ്ര​കാ​ര​മാ​ണ്​: ‘സ​നാ​ത​ന​ധ​ര്‍മ​ത്തി​ന്റെ പേ​രു പ​റ​ഞ്ഞ് ശ്രീ​നാ​രാ​യ​ണ ഗു​രു​വി​നെ ചാ​തു​ര്‍വ​ര്‍ണ്യ​ത്തി​ലും വ​ര്‍ണാ​ശ്ര​മ​ത്തി​ലും ത​ള​യ്ക്കാ​ൻ ശ്ര​മം ന​ട​ക്കു​ന്നു.

ഗു​രു​വി​ന്റെ ആ​ദ​ര്‍ശ​ങ്ങ​ളെ​യും ഗു​രു​വി​നെ ത​ന്നെ​യും റാ​ഞ്ചി​യെ​ടു​ക്കാ​നും ശ്ര​മം ന​ട​ക്കു​ന്നു. എ​ന്നാ​ൽ ഗു​രു​വി​നെ അ​ങ്ങ​നെ ആ​ര്‍ക്കും വി​ട്ടു​കൊ​ടു​ക്കാ​നാ​വി​ല്ലെ​ന്ന് നാം ​ഉ​റ​പ്പി​ച്ചു​പ​റ​യ​ണം’.

മു​ഖ്യ​മ​ന്ത്രി​യു​ടെ സ​നാ​ത​ന​ധ​ർ​മ വി​മ​ർ​ശം ചി​ല പ്ര​ത്യേ​ക വി​ഭാ​ഗ​ങ്ങ​ളെ തൃ​പ്തി​പ്പെ​ടു​ത്താ​നാ​ണെ​ന്ന്​ ബി.​ജെ.​പി ദേ​ശീ​യ വ​ക്താ​വ് ഷ​ഹ്സാ​ദ് പു​നെ​വാ​ലെ പ​റ​ഞ്ഞു. മ​റ്റ് മ​ത​ങ്ങ​ളെ ഇ​തു​പോ​ലെ അ​വ​ഹേ​ളി​ക്കാ​ൻ മു​ഖ്യ​മ​ന്ത്രി​ക്ക് ധൈ​ര്യ​മു​ണ്ടോ​യെ​ന്നും ബി.​ജെ.​പി ചോ​ദി​ക്കു​ന്നു. മു​ഖ്യ​മ​ന്ത്രി പ്ര​സം​ഗി​ച്ച അ​തേ​വേ​ദി​യി​ൽ എ​സ്.​എ​ൻ.​ഡി.​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​ടേ​ശ​ൻ പി​ണ​റാ​യി വി​ജ​യ​നെ പ​രോ​ക്ഷ​മാ​യി ത​ള്ളി മ​റു​പ​ടി ന​ൽ​കി​യി​രു​ന്നു.

ഈ​ഴ​വ വോ​ട്ട്​ ബാ​ങ്ക്​ ല​ക്ഷ്യ​മി​ട്ട്​ ശ്രീ​നാ​രാ​യ​ണ ഗു​രു​വി​നെ സം​ഘ്​​പ​രി​വാ​ർ ആ​ശ​യ​ങ്ങ​ളോ​ട്​ ചേ​ർ​ത്തു​​നി​ർ​ത്താ​നു​ള്ള നീ​ക്ക​ത്തി​നെ​തി​രാ​യ മു​ന്ന​റി​യി​പ്പാ​ണ്​ മു​ഖ്യ​മ​ന്ത്രി ശി​വ​ഗി​രി​യി​ൽ ന​ൽ​കി​യ​ത്. അ​തി​ൽ പി​ടി​ച്ച്​ പി​ണ​റാ​യി പ​റ​ഞ്ഞ​ത്​ ഹി​ന്ദു​ക്ക​ൾ​ക്കെ​തി​രെ​ന്ന്​ ആ​ളി​ക്ക​ത്തി​ക്കാ​നാ​ണ്​ ബി.​ജെ.​പി ശ്ര​മി​ച്ച​ത്. ഈ​ഴ​വ വോ​ട്ടി​ൽ സം​ഘ്​​പ​രി​വാ​ർ സ്വാ​ധീ​നി​ക്കു​ന്ന​തി​ലെ ആ​ശ​ങ്ക കെ. ​സു​ധാ​ക​ര​ന്‍റെ കു​റ​ഞ്ഞ വാ​ക്കു​ക​ളി​ലെ പ്ര​തി​ക​ര​ണ​ത്തി​ലു​ണ്ട്. എ​ന്നാ​ൽ, മു​ഖ്യ​മ​ന്ത്രി​യെ തി​രു​ത്തി​യ പ്ര​തി​പ​ക്ഷ​നേ​താ​വി​ന്‍റെ പ​രാ​മ​ർ​ശ​ങ്ങ​ൾ ആ​ഴ​ത്തി​ലു​ള്ള ച​ർ​ച്ച​ക​ളി​ലേ​ക്കാ​ണ്​ ന​യി​ക്കു​ന്ന​ത്. അ​താ​ക​ട്ടെ, ഗു​രു​വി​നെ റാ​ഞ്ചാ​നു​ള്ള സം​ഘ്​​പ​രി​വാ​ർ നീ​ക്ക​ങ്ങ​ളോ​ട്​ വി​യോ​ജി​ക്കു​ന്നു​ണ്ടെ​ങ്കി​ലും അ​വ​സ​രം ഉ​പ​യോ​ഗ​പ്പെ​ടു​ത്താ​നു​ള്ള അ​വ​രു​ടെ ശ്ര​മ​ങ്ങ​ൾ​ക്ക്​ ബ​ലം പ​ക​രു​ന്നു​വെ​ന്ന വി​മ​ർ​ശ​ന​മു​ണ്ട്.