മണലിനു പിന്നാലെ കേ​ര​ള​ത്തി​ലേ​ക്ക്​ വിദേശ കരിങ്കല്ലും 

തി​രു​വ​ന​ന്ത​പു​രം: മ​ണ​ലി​നു പി​ന്നാ​ലെ വി​ദേ​ശ​ത്തു​നി​ന്ന്​ ക​രി​ങ്ക​ല്ലും കേ​ര​ള​ത്തി​ലേ​ക്ക്​ വ​രു​ന്നു. ക​രി​ങ്ക​ല്ല്​ ഇ​റ​ക്കു​മ​തി ചെ​യ്യാ​നു​ള്ള സ​ന്ന​ദ്ധ​ത അ​റി​യി​ച്ച്​ മ​ലേ​ഷ്യ​ൻ ക​മ്പ​നി സ​ർ​ക്കാ​റി​നെ സ​മീ​പി​ച്ചു. ക​പ്പ​ൽ വ​ഴി തു​റ​മു​ഖ​ങ്ങ​ളി​ൽ ക​രി​ങ്ക​ല്ല്​ എ​ത്തി​ക്കു​ന്ന പ​ദ്ധ​തി​യാ​ണ്​ മ​ല​യാ​ളി ബ​ന്ധ​മു​ള്ള ക​മ്പ​നി വ്യ​വ​സാ​യ വ​കു​പ്പ്​ മു​മ്പാ​കെ മു​ന്നോ​ട്ടു​വെ​ച്ച​ത്.  സം​സ്ഥാ​ന​ത്തി​നു അ​നു​യോ​ജ്യ​മെ​ന്നു ക​ണ്ടാ​ൽ അ​നു​മ​തി ന​ൽ​കു​ന്ന​തി​ന്​ പ്ര​യാ​സ​മി​ല്ലെ​ന്നാ​ണ്​ സ​ർ​ക്കാ​ർ ക​ണ​ക്കു​കൂ​ട്ട​ൽ. ക​രി​ങ്ക​ല്ലി​​​െൻറ ഗു​ണ​നി​ല​വാ​രം, വി​പ​ണി സാ​ധ്യ​ത, വി​ല തു​ട​ങ്ങി​യ കാ​ര്യ​ങ്ങ​ളെ​ല്ലാം ഇ​തി​നു മു​മ്പ്​ പ​ഠി​ക്കേ​ണ്ട​തു​ണ്ട്. അ​തി​നാ​ൽ വി​ശ​ദ​മാ​യി പ​ഠി​ക്കു​ന്ന​തി​ന്​ മാ​റ്റി​വെ​ച്ചി​രി​ക്ക​യാ​ണ്​ വ്യ​വ​സാ​യ വ​കു​പ്പ്. ലോ​ക​ത്ത്​ വി​വി​ധ രാ​ജ്യ​ങ്ങ​ളി​ലേ​ക്ക്​ ക​രി​ങ്ക​ൽ ഇ​റ​ക്കു​മ​തി ചെ​യ്യു​ന്ന ക​മ്പ​നി​യാ​ണി​ത്. സം​സ്ഥാ​ന​ത്ത്​ മ​ണ​ൽ​ക്ഷാ​മം പ​രി​ഹ​രി​ക്കാ​ൻ വി​വി​ധ തു​റ​മു​ഖ​ങ്ങ​ൾ വ​ഴി വി​ദേ​ശ മ​ണ​ൽ എ​ത്തി​ച്ചി​രു​ന്നു. മ​ലേ​ഷ്യ​ൻ ക​മ്പ​നി​യി​ൽ​നി​ന്നു​ത​ന്നെ​യാ​ണ്​ മ​ണ​ലും സം​സ്ഥാ​ന​ത്ത്​ എ​ത്തി​ച്ച​ത്. സ്വ​കാ​ര്യ ക​മ്പ​നി കൊ​ച്ചി തു​റ​മു​ഖ​ത്ത്​ മ​ലേ​ഷ്യ​ൻ മ​ണ​ൽ എ​ത്തി​ച്ച​ത്​ വ​ലി​യ വാ​ർ​ത്ത​പ്ര​ധാ​ന്യം നേ​ടി​യി​രു​ന്നു. 

കൊ​ച്ചി​ക്കു പി​ന്നാ​ലെ ബേ​പ്പൂ​ർ, അ​ഴീ​ക്ക​ൽ, കൊ​ല്ലം തു​റ​മു​ഖം, കൊ​ച്ചി, വി​ഴി​ഞ്ഞം തു​റ​മു​ഖ​ങ്ങ​ളി​ലും മ​ണ​ൽ എ​ത്തി​ക്കു​ന്ന​താ​ണ്​ പ​ദ്ധ​തി. സ​ർ​ക്കാ​റി​​​െൻറ അ​നു​മ​തി ല​ഭി​ച്ചാ​ൽ സ​മാ​ന രീ​തി​യി​ൽ മ​ണ​ൽ എ​ത്തി​ക്കു​ക​യാ​ണ്​ ക​മ്പ​നി ല​ക്ഷ്യ​മി​ടു​ന്ന​ത്. ദൗ​ർ​ല​ഭ്യ​വും പ​രി​സ്ഥി​തി പ്ര​ശ്ന​ങ്ങ​ളും ക​ണ​ക്കി​ലെ​ടു​ത്താ​ണ്​ മ​ണ​ൽ ഇ​റ​ക്കു​മ​തി​ക്ക്​ സ​ർ​ക്കാ​ർ പ​ച്ച​ക്കൊ​ടി ന​ൽ​കി​യ​ത്. ക​രി​ങ്ക​ല്ലി​​​െൻറ കാ​ര്യ​ത്തി​ലും സ​മാ​ന പ്ര​ശ്​​ന​മാ​ണ്​ സം​സ്ഥാ​നം​ നേ​രി​ടു​ന്ന​ത്. മ​ണ​ലി​​നെ പോ​ലെ ക​രി​ങ്ക​ൽ ഇ​റ​ക്കു​മ​തി​ക്കും നി​യ​മ​ത​ട​സ്സ​മൊ​ന്നു​മി​ല്ല. മൈ​നി​ങ് ആ​ൻ‍ഡ് ജി​യോ​ള​ജി വ​കു​പ്പി​​​െൻറ അ​നു​മ​തി വേ​ണ​മെ​ന്ന നി​ബ​ന്ധ​ന​യേ​യു​ള്ളൂ. നി​ർ​മാ​ണ മേ​ഖ​ല​യി​ൽ വ​ർ​ധി​ച്ച ആ​വ​ശ്യ​മാ​ണ്​ ക​രി​ങ്ക​ല്ലി​നു​മു​ള്ള​ത്. ല​ഭ്യ​ത കു​റ​ഞ്ഞ​തി​നൊ​പ്പം പ​രി​സ്ഥി​തി പ്ര​ശ്​​ന​വും ജ​ന​ങ്ങ​ളു​ടെ എ​തി​ർ​പ്പും കൂ​ടു​ത​ലാ​ണ്. ക്വാ​റി​ക​ളി​ൽ​നി​ന്നും ജ​ന​വാ​സ കേ​ന്ദ്ര​ങ്ങ​ളി​ലേ​ക്കു​ള്ള ദൂ​രം നൂ​റി​ൽ​നി​ന്ന്​ അ​മ്പ​ത് മീ​റ്റ​റാ​യി കു​റ​ച്ച​തോ​ടെ പ്ര​തി​ഷേ​ധം ശ​ക്ത​മാ​ണ്. 

ക​രി​ങ്ക​ൽ ഇ​റ​ക്കു​മ​തി ചെ​യ്യാ​ൻ അ​നു​മ​തി തേ​ടി വി​ദേ​ശ ക​മ്പ​നി ക​ത്ത്​ ന​ൽ​കി​യി​ട്ടു​ണ്ടെ​ന്നും വി​ശ​ദ പ​രി​ശോ​ധ​ന​ക്കാ​യി മാ​റ്റി​വെ​ച്ച​താ​യും മ​ന്ത്രി എ.​സി. മൊ​യ്​​തീ​ൻ ‘മാ​ധ്യ​മ’​ത്തോ​ട്​ പ​റ​ഞ്ഞു. മ​ണ​ൽ​ക്ഷാ​മം പ​രി​ഹ​രി​ക്കാ​നാ​യി വി​ദേ​ശ​ത്തു​നി​ന്ന് മ​ണ​ലെ​ത്തി​ക്കാ​ൻ ച​ട്ട​ങ്ങ​ളി​ൽ ഭേ​ദ​ഗ​തി വ​രു​ത്തി​യി​രു​ന്ന​താ​യും മ​ന്ത്രി വ്യ​ക്ത​മാ​ക്കി.