വെയ് രാജാ വെയ്! ആ​ട്, തേ​ക്ക്, മാ​ഞ്ചി​യം നി​ക്ഷേ​പ​ത​ട്ടി​പ്പി​ന് സ​മാ​ന​മാ​യി വയനാട്ടിൽ ചന്ദനകൃഷി തട്ടിപ്പ്

ക​ൽ​പ​റ്റ: 30 വ​ർ​ഷം​മു​മ്പ് സം​സ്ഥാ​ന​ത്ത് കോ​ടി​ക​ൾ ത​ട്ടി​യ ആ​ട്, തേ​ക്ക്, മാ​ഞ്ചി​യം നി​ക്ഷേ​പ​ത​ട്ടി​പ്പി​ന് സ​മാ​ന​മാ​യി മ​റ്റൊ​രു ത​ട്ടി​പ്പി​നു​കൂ​ടി ക​ള​മൊ​രു​ങ്ങു​ന്നു. 15 ല​ക്ഷം മു​ട​ക്കി​യാ​ൽ ച​ന്ദ​നം കൃ​ഷി ചെ​യ്ത് 15 വ​ർ​ഷം​കൊ​ണ്ട് കോ​ടി​ക​ൾ സ​മ്പാ​ദി​ക്കാ​മെ​ന്ന മോ​ഹ​ന വാ​ഗ്ദാ​നം ന​ൽ​കി​യാ​ണ് നി​ര​വ​ധി നി​ക്ഷേ​പ​ക​രി​ൽ​നി​ന്ന് കോ​ടി​ക്ക​ണ​ക്കി​ന് രൂ​പ പി​രി​ച്ചെ​ടു​ക്കു​ന്ന​ത്. വി​ദേ​ശ മ​ല​യാ​ളി​ക​ള​ട​ക്കം നി​ര​വ​ധി​പേ​ർ ഇ​ത്ത​ര​ത്തി​ൽ ല​ക്ഷ​ങ്ങ​ൾ ന​ൽ​കി ച​ന്ദ​നം കൃ​ഷി ചെ​യ്യാ​നു​ള്ള തോ​ട്ടം പത്തിര​ട്ടി​യോ​ളം അ​ധി​ക​തു​ക ന​ൽ​കി കൈ​വ​ശ​മാ​ക്കി​യ​താ​യാ​ണ് വി​വ​രം.

എ​റ​ണാ​കു​ളം ആ​സ്ഥാ​ന​മാ​യ സ്ഥാ​പ​ന​മാ​ണ് ച​ന്ദ​ന കൃ​ഷി​ക്ക് ചു​ക്കാ​ൻ പി​ടി​ക്കു​ന്ന​ത്. വ​യ​നാ​ട്ടി​ലെ ചി​ല ഭാ​ഗ​ങ്ങ​ളി​ൽ ഇ​തി​നാ​യി തു​ച്ഛ​വി​ല​ക്ക് ഹെ​ക്ട​ർ ക​ണ​ക്കി​ന് തോ​ട്ട​ങ്ങ​ൾ വാ​ങ്ങി​യി​ട്ടു​ണ്ട്. 30,000 മു​ത​ൽ 40,000 വ​രെ രൂ​പ വി​ല​കൊ​ടു​ത്തു വാ​ങ്ങി​യ ഭൂ​മി​യി​ൽ ച​ന്ദ​ന​കൃ​ഷി വാ​ഗ്ദാ​നം ചെ​യ്ത് ര​ണ്ട​ര മു​ത​ൽ മൂ​ന്നു വ​രെ ല​ക്ഷം സെ​ന്റി​ന് ഈ​ടാ​ക്കി​യാ​ണ് നി​ക്ഷേ​പ​ക​ർ​ക്ക് കൈ​മാ​റു​ന്ന​ത്. ഇ​ത്ത​ര​ത്തി​ൽ 15 ല​ക്ഷം വ​രെ ഈ​ടാ​ക്കി അ​ഞ്ച് സെ​ന്റ് വീ​ത​മു​ള്ള പ്ലോ​ട്ടു​ക​ളാ​ണ് ക​മ്പ​നി കൈ​മാ​റു​ന്ന​ത്. ഒ​രു പ്ലോ​ട്ടി​ൽ 20 ച​ന്ദ​ന​ത്തൈ​ക​ൾ ക​മ്പ​നി ന​ട്ടു​പ​രി​പാ​ലി​ച്ച് 15 വ​ർ​ഷം​കൊ​ണ്ട് കോ​ടി​ക​ൾ ഉ​ണ്ടാ​ക്കി​ക്കൊ​ടു​ക്കു​മെ​ന്നാ​ണ് വാ​ഗ്ദാ​നം.

ച​ന്ദ​ന​ത്തോ​ട്ട​ത്തി​നി​ട​യി​ൽ വി​വി​ധ​ത​രം കോ​ട്ടേ​ജു​ക​ൾ നി​ർ​മി​ച്ചു​ന​ൽ​കു​ന്ന പ​ദ്ധ​തി​യു​മു​ണ്ട്. അ​ഞ്ചു സെ​ന്റ് സ്ഥ​ല​ത്ത് കോ​ട്ടേ​ജി​നൊ​പ്പം 16 ച​ന്ദ​ന​ത്തൈ​ക​ൾ 15 വ​ർ​ഷം വ​ള​ർ​ത്തി​യെ​ടു​ക്കു​ന്ന​തി​ന് 40-50 ല​ക്ഷം രൂ​പ​വ​രെ​യാ​ണ് ഈ​ടാ​ക്കു​ന്ന​ത്. ച​ന്ദ​നം കൃ​ഷി പ്രോ​ത്സാ​ഹി​പ്പി​ക്കാ​നു​ള്ള വ​നം​വ​കു​പ്പി​ന്റെ പ​ദ്ധ​തി മ​റ​യാ​ക്കി​യാ​ണ് ഇ​ത്ത​ര​ത്തി​ൽ കോ​ടി​ക​ളു​ടെ ത​ട്ടി​പ്പി​ന് ക​ള​മൊ​രു​ങ്ങു​ന്ന​ത്. ച​ന്ദ​ന​മ​ര​ങ്ങ​ൾ മു​റി​ക്കാ​നും വി​ൽ​പ​ന ന​ട​ത്താ​നു​മു​ള്ള അ​വ​കാ​ശം വ​നം​വ​കു​പ്പി​ന് മാ​ത്ര​മാ​ണെ​ന്ന് അ​റി​യാ​തെ മോ​ഹ​ന വാ​ഗ്ദാ​ന​ങ്ങ​ളി​ൽ​പെ​ട്ട് നി​ര​വ​ധി​പേ​ർ ഇ​തി​ന​കം ഇ​ത്ത​ര​ത്തി​ൽ ല​ക്ഷ​ങ്ങ​ൾ മു​ട​ക്കി ഭൂ​മി സ്വ​ന്ത​മാ​ക്കി​യി​ട്ടു​ണ്ട്.

ച​ന്ദ​നം ന​ട്ട് 15 വ​ർ​ഷം പ​രി​പാ​ലി​ച്ച് പാ​ക​മാ​ക്കി കോ​ടി​ക​ൾ​ക്ക് വി​ൽ​ക്കാ​ൻ ക​ഴി​യു​മെ​ന്നും ഇ​തി​ൽ അ​ഞ്ചു​ശ​ത​മാ​നം മാ​ത്രം ക​മ്പ​നി​ക്ക് ന​ൽ​കി ബാ​ക്കി സ്ഥ​ല​മു​ട​മ​ക്ക് സ്വ​ന്ത​മാ​ക്കാ​മെ​ന്നു​മാ​ണ് വാ​ഗ്ദാ​നം. എ​ന്നാ​ൽ, ച​ന്ദ​നം വ​ള​രു​ന്ന​തി​ന് പ്ര​ത്യേ​ക കാ​ലാ​വ​സ്ഥ​യും പരിചരണവും ആ​വ​ശ്യ​മാ​ണെ​ന്നി​രി​ക്കെ 15 വ​ർ​ഷം​കൊ​ണ്ട് എ​ത്ര മ​ര​ങ്ങ​ൾ ബാ​ക്കി​യാ​കു​മെ​ന്നു​പോ​ലും അ​റി​യാ​തെ​യാ​ണ് 30,000 രൂ​പ മാ​ത്രം വി​ല​യു​ള്ള ഭൂ​മി മൂ​ന്ന് ല​ക്ഷം രൂ​പ മു​ട​ക്കി നി​ക്ഷേ​പ​ക​ർ വാ​ങ്ങുന്ന​ത്.

നി​ക്ഷേ​പ​ക​രെ മു​ഴു​വ​ൻ ആ​ക​ർ​ഷി​ച്ച ശേ​ഷം കോ​ടി​ക​ളു​മാ​യി ക​മ്പ​നി മു​ങ്ങി​യാ​ൽ എ​ന്തു ചെ​യ്യു​മെ​ന്ന കാ​ര്യ​ത്തി​ൽ സ്ഥ​ലം വാ​ങ്ങി​യ​വ​ർ​ക്കു പോ​ലും ഉ​ത്ത​ര​മി​ല്ല. നി​ക്ഷേ​പ​ക​രെ വി​ശ്വ​സി​പ്പി​ക്കാ​ൻ ഓ​രോ സ്ഥ​ല​ത്തും ഭൂ​മി വാ​ങ്ങി​യ​വ​രു​ടെ കൂ​ട്ടാ​യ്മ ഉ​ണ്ടാ​ക്കി​യി​ട്ടു​ണ്ട്. പു​ൽ​പ​ള്ളി ഭാ​ഗ​ത്ത് മാ​സ​ങ്ങ​ൾ​ക്കു​മു​മ്പ് ന​ട്ട വ​ലി​യ തൈ​ക​ൾ കാ​ണി​ച്ചാ​ണ് നി​ക്ഷേ​പ​ക​രെ വി​ശ്വ​സി​പ്പി​ക്കു​ന്ന​ത്. ടൂ​റി​സ്റ്റ് ബ​സി​ൽ കൂ​ട്ട​മാ​യി വ​യ​നാ​ട്ടി​ലെ തോ​ട്ട​ത്തി​ലേ​ക്ക് എ​ത്തി​ച്ചും വെ​ബി​നാ​ർ സം​ഘ​ടി​പ്പി​ച്ചു​മാ​ണ് നി​ക്ഷേ​പ​ക​രെ വ​ല​യി​ലാ​ക്കു​ന്ന​ത്.