സന്ദീപ് കടുത്ത മദ്യപാനി; ഭാര്യയും മക്കളും വിട്ടുപോയി

കൊട്ടാരക്കര: താലൂക്ക് ആശുപത്രിയിൽ യുവ ഡോക്ടർ വന്ദനദാസിനെ കുത്തി കൊലപ്പെടുത്തിയ ചെറുകരക്കോണം ശ്രീനിലയത്തിൽ സന്ദീപ് (42) മദ്യത്തിനടിമ. നിലവിൽ നെടുമ്പന യു.പി സ്കൂളിലെ അധ്യാപകനാണ്. മദ്യപാനവും വഴക്കും പതിവായതോടെ ഇയാളുടെ ഭാര്യ രണ്ടുമക്കൾക്കൊപ്പം കുറച്ചുകാലമായി പിരിഞ്ഞുകഴിയുകയാണ്.

ആദ്യം ജോലി ചെയ്തിരുന്ന വിലങ്ങറ യു.പി സ്കൂളിൽ തസ്തിക റദ്ദായതിനെ തുടർന്ന് 2021 ഡിസംബർ മുതൽ നെടുമ്പന യു.പി സ്കൂളിൽ സംരക്ഷിത അധ്യാപകനായി ജോലി നോക്കി വരുകയായിരുന്നു. മാർച്ച് 31 വരെ ജോലിക്ക് എത്തിയിരുന്നതായും സ്കൂൾ അധികൃതർ വ്യക്തമാക്കുന്നു. ഡീ അഡിക്‌ഷൻ സെന്ററിൽ നിന്ന് അടുത്തിടെയാണ് ചികിത്സ കഴിഞ്ഞ് ഇറങ്ങിയത്.

ഡി.ജി.പിയുടെ വിശദീകരണം തേടി

കൊ​ച്ചി: ഡോ. ​വ​ന്ദ​ന ദാ​സ് കു​ത്തേ​റ്റ്​ മ​രി​ച്ച സം​ഭ​വ​ത്തി​ൽ സം​സ്ഥാ​ന പൊ​ലീ​സ്​ മേ​ധാ​വി​യി​ൽ​നി​ന്ന്​ ഹൈ​കോ​ട​തി റി​പ്പോ​ർ​ട്ട്​ തേ​ടി. വ്യാ​ഴാ​ഴ്ച രാ​വി​ലെ 10ന്​ ​ഹ​ര​ജി പ​രി​ഗ​ണി​ക്കു​മ്പോ​ൾ ഓ​ൺ​ലൈ​ൻ മു​ഖേ​ന ഡി.​ജി.​പി നേ​രി​ട്ട്​ ഹാ​ജ​രാ​ക​ണ​മെ​ന്നും ഡി​വി​ഷ​ൻ ബെ​ഞ്ച് ഉ​ത്ത​ര​വി​ട്ടു. ആ​ശു​പ​ത്രി​മു​റി​യി​ലെ​യും സം​ഭ​വ​സ്ഥ​ല​ത്തെ​യും സി.​സി.​ടി.​വി ദൃ​ശ്യ​ങ്ങ​ൾ സം​ര​ക്ഷി​ക്ക​ണ​മെ​ന്നും ഇ​ക്കാ​ര്യം ആ​ശു​പ​ത്രി സൂ​പ്ര​ണ്ട് നേ​രി​ട്ട് ഉ​റ​പ്പാ​ക്ക​ണ​മെ​ന്നും നി​ർ​ദേ​ശി​ച്ചു. കൊ​ട്ടാ​ര​ക്ക​ര ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ്​ (ഒ​ന്ന്) ആ​ശു​പ​ത്രി​യി​ലെ​ത്തി പ​രി​ശോ​ധി​ച്ച് റി​പ്പോ​ർ​ട്ട്​ ന​ൽ​ക​ണം. പ്ര​തി ആ​ക്ര​മി​ക്കു​മ്പോ​ൾ പൊ​ലീ​സ് ഗ്രി​ല്ലി​ന്​ പു​റ​ത്തു​നോ​ക്കി നി​ൽ​ക്കു​ക​യാ​യി​രു​ന്നെ​ന്ന് ഐ.​എം.​എ​യു​ടെ അ​ഭി​ഭാ​ഷ​ക​ൻ വാ​ദി​ച്ചു. വൈ​ദ്യ​പ​രി​ശോ​ധ​ന​ക്ക്​ ഹാ​ജ​രാ​ക്കു​മ്പോ​ൾ പൊ​ലീ​സ് മാ​റി​നി​ൽ​ക്ക​ണ​മെ​ന്ന ഉ​ത്ത​ര​വു​ണ്ടെ​ന്ന് സ​ർ​ക്കാ​ർ അ​ഭി​ഭാ​ഷ​ക​ൻ വി​ശ​ദീ​ക​രി​ച്ചു. എ​ന്നാ​ൽ, അ​ക്ര​മാ​സ​ക്ത​നാ​യ ഒ​രു പ്ര​തി​യെ ഹാ​ജ​രാ​ക്കു​മ്പോ​ൾ ഇ​ത്ത​ര​ത്തി​ൽ പെ​രു​മാ​റു​ന്ന​ത് ഉ​ചി​ത​മാ​ണോ​യെ​ന്ന് കോ​ട​തി ചോ​ദി​ച്ചു. ഉ​ത്ത​ര​വി​ന്‍റെ പേ​രി​ൽ കോ​ട​തി​യെ പ​ഴി​ചാ​ര​രു​ത്. ഭ​യാ​ന​ക​മാ​യ പേ​ക്കി​നാ​വാ​ണ് സം​ഭ​വി​ച്ച​ത്.

സന്ദീപിന്​ സസ്​പെൻഷൻ

തി​രു​വ​ന​ന്ത​പു​രം: ഡോ​ക്ട​ർ വ​ന്ദ​നാ ദാ​സി​നെ കു​ത്തി​ക്കൊ​ല​പ്പെ​ടു​ത്തി​യ ജി. ​സ​ന്ദീ​പി​നെ പൊ​തു​വി​ദ്യാ​ഭ്യാ​സ വ​കു​പ്പ് സ​സ്പെ​ൻ​ഡ് ചെ​യ്തു. പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​യു​ടെ നി​ർ​ദേ​ശ​പ്ര​കാ​രം വ​കു​പ്പു​ത​ല അ​ന്വേ​ഷ​ണം ന​ട​ത്തി കൊ​ല്ലം ജി​ല്ല വി​ദ്യാ​ഭ്യാ​സ ഡെ​പ്യൂ​ട്ടി ഡ​യ​റ​ക്ട​ർ ഡി. ​ഷാ​ജി​മോ​​നാ​ണ്​ സ​സ്​​പെ​ന്‍ഡ്​ ചെ​യ്ത​ത്. നെ​ടു​മ്പ​ന യു.​പി സ്കൂ​ളി​ലെ അ​ധ്യാ​പ​ക​നാ​ണ് ജി.​സ​ന്ദീ​പ്. കൂ​ടു​ത​ൽ ക​ർ​ശ​ന​മാ​യ തു​ട​ർ​ന​ട​പ​ടി​ക​ൾ ഉ​ണ്ടാ​കു​മെ​ന്ന് മ​ന്ത്രി അ​റി​യി​ച്ചു.