ജിഫ്രി തങ്ങളെ വീട്ടിലെത്തി കണ്ട് സന്ദീപ് വാര്യർ; ‘സമസ്ത സൂര്യതേജസ്സായി നിലകൊള്ളുന്ന പ്രസ്ഥാനം, ജിഫ്രി തങ്ങളോട് ആദരവ്’

മലപ്പുറം: സമസ്ത ​കേരള ജംഇയ്യത്തുൽ ഉലമ പ്രസിഡന്റ് ജിഫ്രി മുത്തുക്കോയ തങ്ങളെ അദ്ദേഹത്തിന്റെ വസതിയിലെത്തി സന്ദർശിച്ച് ബി.ജെ.പി വിട്ട് കോൺഗ്രസിൽ ചേർന്ന സന്ദീപ് വാര്യർ. മലപ്പുറം കിഴിശ്ശേരിയിലെ വസതിയിലെത്തിയാണ് പാ​ല​ക്കാ​ട്ടെ​ ഉ​പ​തെ​ര​ഞ്ഞെ​ടു​പ്പ്​ ദിനം കൂടിയായ ഇന്ന് രാവിലെ ഏഴുമണിയോടെ സന്ദീപ് സന്ദർശിച്ചത്. ഇന്നലെ സമസ്തയുടെ മുഖപത്രമായ സുപ്രഭാതത്തിൽ സന്ദീപിനെതിരെ സി.പി.എം നൽകിയ മുഴുപ്പേജ് പരസ്യം വിവാദമായി കത്തുന്നതിനിടെയാണ് സന്ദർശനം.

തങ്ങളുടെ ആരോഗ്യവിവരങ്ങളും മറ്റും അന്വേഷിച്ച സന്ദീപുമായി തങ്ങൾ അൽപനേരം സൗഹൃദസംഭാഷണം നടത്തി. ഏ​റെക്കാലമായി കാണണമെന്ന് ആഗ്രഹിച്ചിരുന്നുവെന്ന് സന്ദീപ് പറഞ്ഞു. ഇന്ത്യൻ ഭരണഘടനയുടെ പകർപ്പപ് കൈമാറിയാണ് അദ്ദേഹം മടങ്ങിയത്. കെ.പി.സി.സി പ്രസിഡന്റ് കെ.പി. ഷൗക്കത്തലിയും ഒപ്പമുണ്ടായിരുന്നു.

മതപരവും ആത്മീയവും സാമുദായിക വിദ്യാഭ്യാസപരവുമായ രംഗങ്ങളിൽ സൂര്യതേജസ്സായി നിലകൊള്ളുന്ന പ്രസ്ഥാനമാണ് സമസ്തയെന്നും അതിന് നേതൃത്വം നൽകുന്ന പണ്ഡിതശ്രേഷ്ടരാണ് ജിഫ്രി തങ്ങളെന്നും സന്ദീപ് വാര്യർ പറഞ്ഞു. അദ്ദേഹത്തോട് അങ്ങേയ​റ്റത്തെ ആദരവാണുള്ളതെന്നും കാണാൻ സാധിച്ചതിലും അനുഗ്രഹം തേടാൻ സാധിച്ചതിലും സന്തോഷമുണ്ടെന്നും അ​ദ്ദേഹം കൂട്ടിച്ചേർത്തു.

സമസ്തയുടെ സംഭാവനകൾ കേരള ചരിത്രത്തിൽ സുവർണലിപികളാൽ രേഖപ്പെടുത്തും. കേരളത്തിലെ വിവിധ സമൂഹികവിഭാഗങ്ങളെ നയിക്കുന്ന പ്രകാശഗോപുരങ്ങളാണ് പാണക്കാട് തങ്ങളും ജിഫ്രി തങ്ങളും അടക്കമുള്ള നേതാക്കളെന്നും അവരെ കാണുന്നതിൽ മുഖ്യമന്ത്രിയടക്കമുള്ളവർ സന്തോഷിക്കുകയാണ് വേണ്ടതെന്നും അദ്ദേഹം പറഞ്ഞു.

പാ​ല​ക്കാ​ട്ട്​ ഉ​പ​തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ന്‍റെ അ​വ​സാ​ന​ലാ​പ്പി​ലാണ് സി.​പി.​എ​ം സന്ദീപിനെതിരെ പ​ത്ര​പ​ര​സ്യം നൽകിയത്. പ​ര​സ്യ​ത്തി​ന്‍റെ ഉ​ള്ള​ട​ക്കം വ്യാ​പ​ക​മാ​യി വി​മ​ർ​ശി​ക്ക​​പ്പെ​ട്ട​തി​ന്​ പി​ന്നാ​ലെ, സ​മ​സ്ത നേ​തൃ​ത്വം ത​ള്ളി​പ്പ​റ​യു​ക​യും ചെ​യ്തിരുന്നു. ഇതോടെ പാ​ർ​ട്ടി ആ​ഗ്ര​ഹി​ച്ച​തി​ന്​ വി​പ​രീ​ത​ഫ​ല​മാ​ണ്​ പ​ത്ര​പ​ര​സ്യം ഉ​ണ്ടാ​ക്കി​യ​ത്.

സ​മ​സ്​​ത എ.​പി വി​ഭാ​ഗ​ത്തി​ന്‍റെ ‘സി​റാ​ജ്’, സ​മ​സ്ത ഇ.​കെ വി​ഭാ​ഗ​ത്തി​ന്‍റെ ‘സു​പ്ര​ഭാ​തം’ പ​ത്ര​ങ്ങ​ളു​ടെ മു​ൻ​പേ​ജി​ലാ​ണ്​ ഇ​ട​തു​മു​ന്ന​ണി തെ​ര​ഞ്ഞെ​ടു​പ്പ്​ ക​മ്മി​റ്റി​യു​ടെ പ​ര​സ്യം ​ചൊ​വ്വാ​ഴ്ച ​പ്ര​ത്യ​ക്ഷ​പ്പെ​ട്ട​ത്. ഒ​റ്റ​നോ​ട്ട​ത്തി​ൽ വാ​ർ​ത്ത​യെ​ന്ന്​ തോ​ന്നും​വി​ധം വി​ന്യ​സി​ച്ച പ​ര​സ്യ​ത്തി​ലെ ഉ​ള്ള​ട​ക്ക​വും അ​ത്​ പ്ര​സി​ദ്ധീ​ക​രി​ക്കാ​ൻ തെ​ര​ഞ്ഞെ​ടു​ത്ത പ​ത്ര​ങ്ങ​ൾ ഏ​തൊ​ക്കെ​യെ​ന്ന​തും സി.​പി.​എ​മ്മി​ന്‍റെ ഉ​ള്ളി​ലി​രു​പ്പ്​ വി​ളി​ച്ചു​പ​റ​യു​ന്നതായിരുന്നു.

കോ​ൺ​ഗ്ര​സി​ലെ​ത്തി​യ സ​ന്ദീ​പ്​ വാ​ര്യ​രു​ടെ സം​ഘ്​​പ​രി​വാ​ർ കാ​ല​ത്തെ തീ​വ്ര ഹി​ന്ദു​ത്വ നി​ല​പാ​ടു​ക​ളും ചി​ത്ര​വും ചേ​ർ​ത്തു​ള്ള​താ​ണ്​ പ​ര​സ്യം. വോ​ട്ടെ​ടു​പ്പി​ന്‍റെ ത​ലേ​ന്ന്​ സി.​പി.​എം ഇ​ത്ത​ര​മൊ​ന്ന്​ ത​യാ​റാ​ക്കി​യ​ത്​ സ​ന്ദീ​പി​നെ സ്വീ​ക​രി​ച്ച കോ​ൺ​​ഗ്ര​സി​നെ​തി​രെ മു​സ്​​ലിം വോ​ട്ട​ർ​മാ​രു​ടെ വി​കാ​രം ഇ​ള​ക്കി​വി​ടാ​നാ​ണ്.

പ​ര​സ്യം അ​ച്ച​ടി​ച്ചു​വ​ന്ന​പ്പോ​ൾ സം​ഭ​വി​ച്ച​ത്​ മ​റി​ച്ചാ​ണ്. മു​സ്​​ലിം വോ​ട്ടി​ൽ ഭി​ന്ന​ത​യു​ണ്ടാ​ക്കാ​നു​ള്ള നീ​ക്ക​മാ​ണി​തെ​ന്നാ​ണ്​ പൊ​തു​വി​ൽ വി​ല​യി​രു​ത്ത​പ്പെ​ട്ട​ത്. ഒ​റ്റ​നോ​ട്ട​ത്തി​ൽ ത​ന്നെ പ്ര​കോ​പ​നം സൃ​ഷ്ടി​ക്കു​ന്ന സി.​പി.​എം പ​ര​സ്യം മു​സ്​​ലിം വോ​ട്ടു​ക​ൾ ചി​ത​റി​പ്പോ​കാ​നി​ട​യാ​ക്കി​യേ​ക്കു​മെ​ന്നും വി​ല​യി​രു​ത്ത​പ്പെ​ട്ടു. മു​സ്​​ലിം വോ​ട്ടു​ക​ൾ ഭി​ന്നി​ച്ചാ​ൽ ബി.​ജെ.​പി​ക്കാ​ണ്​ നേ​ട്ട​മെ​ന്നി​രി​ക്കെ, സി.​പി.​എ​മ്മി​ന്‍റെ യ​ഥാ​ർ​ഥ ല​ക്ഷ്യ​മെ​ന്ന ചോ​ദ്യ​വും പൊ​തു ച​ർ​ച്ച​ക​ളി​ൽ നി​റ​ഞ്ഞു.

സ​ന്ദീ​പി​ന്‍റെ സം​ഘ്​​പ​രി​വാ​ർ ബ​ന്ധ​ത്തേ​ക്കാ​ൾ, അ​തി​​ന്‍റെ പേ​രി​ൽ പ്ര​കോ​പ​ന​മു​ണ്ടാ​ക്കി മു​സ്​​ലിം വോ​ട്ട്​ ഭി​ന്നി​പ്പി​ക്കാ​നു​ള്ള നീ​ക്ക​​ത്തോ​ടു​ള്ള അ​മ​ർ​ഷ​മാ​ണു​യ​ർ​ന്ന​ത്. ‘സു​പ്ര​ഭാ​തം’ പ​ര​സ്യം ത​ള്ളി സ​മ​സ്ത നേ​തൃ​ത്വം രം​ഗ​ത്തു​വ​ന്ന​ത്​ അ​​തു​കൊ​ണ്ടാ​ണ്.

അതേസമയം, സ​ന്ദീ​പി​നെ പോ​ലു​ള്ള​വ​രെ ചേ​ർ​ത്തു​പി​ടി​ക്കു​ന്ന കോ​ൺ​ഗ്ര​സി​ന്‍റെ ഹി​ന്ദു​ത്വ ആ​ഭി​മു​ഖ്യം ഉ​യ​ർ​ത്തി​ക്കാ​നാ​ണ്​ ശ്ര​മി​ച്ച​തെ​ന്ന്​ സി.​പി.​എം വി​ശ​ദീ​ക​രി​ക്കു​ന്നു. എ​ന്നാ​ൽ, അ​ങ്ങ​നെ​യെ​ങ്കി​ൽ എ​ന്തു​കൊ​ണ്ട്​ പ​ര​സ്യം മ​റ്റ്​ മു​ഖ്യ​ധാ​രാ പ​ത്ര​ങ്ങ​ളി​ൽ ന​ൽ​കി​യി​ല്ല, സ്വ​ന്തം പാ​ർ​ട്ടി പ​ത്ര​ത്തി​ൽ പോ​ലും വ​ന്നി​ല്ല എ​ന്നി​ങ്ങ​നെ​യു​ള്ള ചോ​ദ്യ​ങ്ങ​ൾ​ക്ക്​ സി.​പി.​എ​മ്മി​ന്​ തൃ​പ്തി​ക​ര​മാ​യ മ​റു​പ​ടി​യി​ല്ല. ഇ​വ​യെ​ല്ലാം ഉ​യ​ർ​ത്തി​ക്കാ​ട്ടി​യാ​ണ്​ കോ​ൺ​ഗ്ര​സും മു​സ്​​ലിം ലീ​ഗും ​സി.​പി.​എ​മ്മി​നെ ചൊ​വ്വാ​ഴ്ച ക​ട​ന്നാ​ക്ര​മി​ച്ച​ത്. ഷാ​ഫി പ​റ​മ്പി​ലെ​തി​രെ വ​ട​ക​ര​യി​ൽ ബൂ​മ​റാം​ഗാ​യ മാ​റി​യ കാ​ഫി​ർ സ്ക്രീ​ൻ ഷോ​ട്ട്​ വി​വാ​ദം പ​ത്ര​പ​ര​സ്യ വി​വാ​ദ​വും ചേ​ർ​ത്തു​പ​റ​യാ​നും പ്ര​തി​പ​ക്ഷ​ത്തി​ന്​ അ​വ​സ​ര​മാ​യി.