രഹസ്യ ചർച്ചകൾ, നേതൃത്വം നൽകിയത് ബെന്നി ബെഹനാൻ

പാ​ല​ക്കാ​ട്: ഇ​ട​ഞ്ഞു​നി​ന്നി​രു​ന്ന ബി.​ജെ.​പി നേ​താ​വ് സ​ന്ദീ​പ് വാ​ര്യ​രെ കോ​ണ്‍ഗ്ര​സി​ലെ​ത്തി​ക്കാ​നു​ള്ള ച​ര്‍ച്ച​ക​ള്‍ക്ക് നേ​തൃ​ത്വം ന​ൽ​കി​യ​ത് മു​തി​ര്‍ന്ന നേ​താ​വ് ബെ​ന്നി ബെ​ഹ​നാ​ൻ. സ​ന്ദീ​പു​മാ​യു​ള്ള ച​ര്‍ച്ച​ക​ള്‍ക്ക് പാ​ല​മാ​യ​ത് അധ്യാപക സംഘടനയായ കെ.​പി.​എ​സ്.​ടി.​എ മു​ൻ അ​ധ്യ​ക്ഷ​ൻ ഹ​രി​ഗോ​വി​ന്ദനാ​ണെ​ന്നും പാ​ര്‍ട്ടി​വൃ​ത്ത​ങ്ങ​ള്‍ വ്യ​ക്ത​മാ​ക്കു​ന്നു. മ​റ്റു മു​തി​ര്‍ന്ന കോ​ണ്‍ഗ്ര​സ് നേ​താ​ക്ക​ളും സ​ന്ദീ​പു​മാ​യി ര​ഹ​സ്യ​ച​ര്‍ച്ച ന​ട​ത്തി​യാ​ണ് അ​ന്തി​മ തീ​രു​മാ​ന​മെ​ടു​ത്ത​ത്. ദി​വ​സ​ങ്ങ​ള്‍ക്ക് മു​മ്പു​ത​ന്നെ ബെ​ന്നി ബെ​ഹ​നാ​ൻ പ്രാ​ഥ​മി​ക ച​ര്‍ച്ച ന​ട​ത്തി​യെ​ന്നാ​ണ് വി​വ​രം. വി​ഷ​യം പു​റ​ത്തു​പോ​ക​രു​തെ​ന്ന് നേ​താ​ക്ക​ള്‍ സ​ന്ദീ​പി​നെ അ​റി​യി​ച്ചി​രു​ന്നു. തെ​ര​ഞ്ഞെ​ടു​പ്പ് അ​വ​സാ​ന ലാ​പ്പി​ലെ​ത്തി​യ​പ്പോ​ഴു​ണ്ടാ​യ ഈ കൂ​ടു​മാ​റ്റം അ​ക്ഷ​രാ​ർ​ഥ​ത്തി​ൽ മ​റ്റു മു​ന്ന​ണി​ക​ൾ​ക്ക് ഷോ​ക്കാ​യി.

ഹ​രി​ഗോ​വി​ന്ദനാ​ണ് സ​ന്ദീ​പു​മാ​യി ആ​ദ്യം സം​സാ​രി​ച്ച് കോ​ണ്‍ഗ്ര​സി​ലേ​ക്കു വ​രാ​ൻ താ​ൽ​പ​ര്യ​മു​ണ്ടെ​ന്ന വി​വ​രം നേ​തൃ​ത്വ​ത്തെ അ​റി​യി​ച്ച​ത്. തു​ട​ര്‍ന്ന് ബെ​ന്നി ബെ​ഹ​നാ​ൻ പ്രാ​ഥ​മി​ക ച​ര്‍ച്ച​ക​ള്‍ക്ക് നേ​തൃ​ത്വം ന​ൽ​കി. കോ​ണ്‍ഗ്ര​സ് പ്ര​വേ​ശ​ന​ത്തി​നു​ള്ള സ​ന്ന​ദ്ധ​ത സ​ന്ദീ​പ് അ​റി​യി​ച്ച​തോ​ടെ പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​നും ച​ര്‍ച്ച ന​ട​ത്തി​യ​താ​യാ​ണ് സൂ​ച​ന. ശേ​ഷം കെ.​സി. വേ​ണു​ഗോ​പാ​ല്‍ സ​ന്ദീ​പു​മാ​യി ഫോ​ണി​ൽ സം​സാ​രി​ച്ചു. പ്ര​തി​പ​ക്ഷ​നേ​താ​വ് ച​ര്‍ച്ച ന​ട​ത്തി​യ​പ്പോ​ള്‍ ഒ​പ്പം എ.​ഐ.​സി.​സി സെ​ക്ര​ട്ട​റി ദീ​പാ​ദാ​സ് മു​ൻ​ഷി​യും ഉ​ണ്ടാ​യി​രു​ന്നു​വെ​ന്നാ​ണ് വി​വ​രം. കെ.​സി. വേ​ണു​ഗോ​പാ​ല്‍ ഉ​ള്‍പ്പെ​ടെ​യു​ള്ള നേ​താ​ക്ക​ള്‍ ച​ര്‍ച്ച​യു​ടെ ഭാ​ഗ​മാ​യ​ശേ​ഷം സ​ന്ദീ​പി​നെ കോ​ണ്‍ഗ്ര​സി​ലേ​ക്ക് സ്വീ​ക​രി​ക്കാ​ൻ നേ​തൃ​ത്വം തീ​രു​മാ​നി​ക്കു​ക​യാ​യി​രു​ന്നു. ക​ൽ​പാ​ത്തി ര​ഥോ​ത്സ​വം ക​ഴി​ഞ്ഞു മ​തി പ്ര​ഖ്യാ​പ​നം എ​ന്നാ​യി​രു​ന്നു തീ​രു​മാ​നം.

ശ​നി​യാ​ഴ്ച രാ​വി​ലെ 11ന് ​മേ​പ്പ​റ​മ്പി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ പൊ​തു​യോ​ഗ സ​മ​യ​ത്ത് സ​ന്ദീ​പി​ന്‍റെ കോ​ൺ​ഗ്ര​സ് പ്ര​വേ​ശ​നം ഉ​ണ്ടാ​കു​മെ​ന്ന ശ്രു​തി പ​ര​ന്ന​തോ​ടെ മാ​ധ്യ​മ​ങ്ങ​ളു​ടെ​യു​ൾ​പ്പെ​ടെ ശ്ര​ദ്ധ യു.​ഡി.​എ​ഫി​ന്‍റെ തെ​ര​ഞ്ഞെ​ടു​പ്പ് ക​മ്മി​റ്റി ഓ​ഫി​സി​ലേ​ക്കാ​യി. മു​ഖ്യ​മ​ന്ത്രി​യു​ടെ പ​രി​പാ​ടി​യി​ൽ​നി​ന്ന് മാ​ധ്യ​മ​ങ്ങ​ൾ തെ​ര​ഞ്ഞെ​ടു​പ്പ് ക​മ്മി​റ്റി ഓ​ഫി​സി​ലെ​ത്തി. കോ​ൺ​ഗ്ര​സ് നേ​താ​ക്ക​ളു​ടെ വാ​ർ​ത്ത​സ​മ്മേ​ള​ന​ത്തി​ൽ ഗം​ഭീ​ര സ്വീ​ക​ര​ണ​മാ​ണ് സ​ന്ദീ​പി​ന് ല​ഭി​ച്ച​ത്.

സ​ന്ദീ​പു​മാ​യി സം​സാ​രി​ച്ചി​രു​ന്നു​വെ​ന്നും കോ​ണ്‍ഗ്ര​സ് ആ​ശ​യ​ങ്ങ​ള്‍ ഉ​യ​ര്‍ത്തി​പ്പി​ടി​ച്ച് അം​ഗ​ത്വ​മെ​ടു​ക്കാ​ൻ അ​ദ്ദേ​ഹം ആ​ഗ്ര​ഹം പ്ര​ക​ടി​പ്പി​ക്കു​ക​യാ​യി​രു​ന്നു​വെ​ന്നും ബെ​ന്നി ബെ​ഹ​നാ​ൻ പ​റ​ഞ്ഞു. ന​ട​ത്തി​യ ച​ര്‍ച്ച​ക​ളെ​ക്കു​റി​ച്ചും നീ​ക്ക​ങ്ങ​ളെ​ക്കു​റി​ച്ചും പ​റ​യാ​നാ​കി​ല്ലെ​ന്നും കോ​ണ്‍ഗ്ര​സി​ലേ​ക്ക് ഇ​നി​യും ആ​ളു​ക​ള്‍ വ​രു​മെ​ന്നും ബെ​ന്നി ബെ​ഹ​നാ​ൻ കൂ​ട്ടി​ച്ചേ​ർ​ത്തു. ജി​ല്ല​യി​ലെ പ​ല നേ​താ​ക്ക​ളും പാ​ര്‍ട്ടി വി​ട്ടു​പോ​കു​ന്ന​തി​നി​ടെ​യാ​ണ് സ​ന്ദീ​പി​നെ കോ​ണ്‍ഗ്ര​സി​ലേ​ക്ക് എ​ത്തി​ച്ചു​ള്ള കോ​ണ്‍ഗ്ര​സി​ന്റെ മി​ന്ന​ല്‍ നീ​ക്കം.