ശാന്തപുരം അൽജാമിഅ ബിരുദദാന സമ്മേളനത്തിന് തുടക്കം

ശാ​ന്ത​പു​രം: ഫ​ല​സ്തീ​നി​ൽ ഇ​സ്രാ​യേ​ൽ വം​ശ​ഹ​ത്യ​ക്കെ​തി​രെ ന​ട​ക്കു​ന്ന തു​ല്യ​ത​യി​ല്ലാ​ത്ത ചെ​റു​ത്തു​നി​ൽ​പ് പു​തി​യ ലോ​ക​ക്ര​മ​ത്തി​ന് വ​ഴി​വെ​ക്കു​മെ​ന്ന് ശാ​ന്ത​പു​രം അ​ൽ​ജാ​മി​അ അ​ൽ​ഇ​സ്‍ലാ​മി​യ​യി​ൽ ബി​രു​ദ​ദാ​ന സ​മ്മേ​ള​ന​ത്തോ​ട​നു​ബ​ന്ധി​ച്ച് ന​ട​ന്ന ഇ​ന്റ​ല​ക്ച്വ​ൽ സ​മ്മി​റ്റ് വി​ല​യി​രു​ത്തി.

ഫ​ല​സ്തീ​നി​ക​ളു​ടെ ചെ​റു​ത്തു​നി​ൽ​പി​ൽ​നി​ന്ന് സാ​മ്രാ​ജ്യ​ത്വ ശ​ക്തി​ക​ൾ​ക്ക് പ​ഠി​ക്കാ​നു​ള്ള അ​തേ പാ​ഠ​മാ​ണ് ഫാ​ഷി​സ്റ്റു​ക​ൾ​ക്കു​മു​ള്ള​തെ​ന്ന് ഉ​ദ്ഘാ​ട​നം ചെ​യ്ത ജ​മാ​അ​ത്തെ ഇ​സ്‍ലാ​മി ഹി​ന്ദ് സെ​ക്ര​ട്ട​റി ജ​ന​റ​ൽ ടി. ​ആ​രി​ഫ​ലി പ​റ​ഞ്ഞു. യ​ഥാ​ർ​ഥ പ്ര​ശ്നം മ​റ​ച്ചു​പി​ടി​ക്കാ​നാ​ണ് അ​മേ​രി​ക്ക​യ​ട​ക്കം ശ്ര​മി​ക്കു​ന്ന​ത്. അ​റ​ബി​ക​ളും ഇ​സ്രാ​യേ​ലും ത​മ്മി​ലെ ത​ർ​ക്കം തീ​ർ​ക്ക​ലാ​ണ് പ​രി​ഹാ​ര​മെ​ന്ന് വ​രു​ത്താ​നാ​ണ് ശ്ര​മം.

ഇ​റാ​ന്റെ വ​ര​വ് ത​ട​യാ​നാ​ണെ​ന്ന് വ​രു​ത്താ​നും ശ്ര​മി​ക്കു​ന്നെ​ന്നും അ​ദ്ദേ​ഹം പ​റ​ഞ്ഞു. എ​ല്ലാ​വി​ധ ചാ​ര​ക്ക​ണ്ണു​ക​ളു​മു​ണ്ടാ​യി​ട്ടും തു​ര​ങ്ക​ങ്ങ​ൾ വ​ഴി ജീ​വി​ക്കാ​നും നി​ല​നി​ൽ​ക്കാ​നും ഫ​ല​സ്തീ​നി​ക​ൾ​ക്ക് ക​ഴി​യു​ന്ന​ത് ദൈ​വി​ക സ​ഹാ​യം​കൊ​ണ്ടാ​വാ​മെ​ന്ന് ‘ഗ​സ്സ: ലോ​ക രാ​ഷ്ട്രീ​യ​ത്തെ പു​ന​രാ​വി​ഷ്ക​രി​ക്കു​മോ’ എ​ന്ന വി​ഷ​യ​മ​വ​ത​രി​പ്പി​ച്ച മാ​ധ്യ​മ പ്ര​വ​ർ​ത്ത​ക​നും കോ​ള​മി​സ്റ്റു​മാ​യ പി.​കെ. നി​യാ​സ് പ​റ​ഞ്ഞു. സ്വ​ത​ന്ത്ര ഫ​ല​സ്തീ​ൻ വ​ര​ണ​മെ​ന്ന് അ​മേ​രി​ക്ക പ​റ​യു​മ്പോ​ഴും അ​വ​ർ​ക്ക​തി​ൽ താ​ൽ​പ​ര്യ​മി​ല്ല.

ലോ​ക​ത്ത് ഏ​റ്റ​വും വെ​റു​ക്ക​പ്പെ​ട്ട​വ​രാ​യി ഫ​ല​സ്തീ​ൻ ന​ര​ഹ​ത്യ​യി​ലൂ​ടെ ബൈ​ഡ​നും നെ​ത​ന്യാ​ഹു​വും മാ​റി. യു​ദ്ധം നീ​ണ്ടാ​ൽ ഗ​സ്സ പാ​ടേ ത​ക​ർ​ന്ന് ആ​യി​ര​ങ്ങ​ൾ ഇ​നി​യും മ​രി​ച്ചേ​ക്കാം. എ​ന്നാ​ലും ഹ​മാ​സ് എ​ന്ന സം​ഘ​ട​ന​യെ ഇ​ല്ലാ​താ​ക്കാ​നാ​വി​ല്ലെ​ന്നാ​ണ് അ​വി​ടെ​യു​ള്ള​വ​ർ​ത​ന്നെ പ​റ​യു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

അ​മേ​രി​ക്ക അ​ഫ്ഗാ​നി​ൽ ന​ട​ത്തി​യ യു​ദ്ധ​ത്തി​ന്റെ ചെ​ല​വ് ഒ​രു ദി​വ​സം ഏ​ക​ദേ​ശം 300 മി​ല്യ​ൺ ഡോ​ള​റാ​ണെ​ന്നും 20 വ​ർ​ഷ​മാ​ണ് ഇ​ത്ത​ര​ത്തി​ൽ നി​ര​ന്ത​ര​യു​ദ്ധം ന​ട​ത്തി​യ​തെ​ന്നും ‘ന​വ​ലോ​ക​സാ​മ്പ​ത്തി​ക ക്ര​മം’ വി​ഷ​യ​ത്തി​ൽ എ​ഴു​ത്തു​കാ​ര​നും കോ​ള​മി​സ്റ്റു​മാ​യ ഡോ. ​താ​ജ് ആ​ലു​വ പ​റ​ഞ്ഞു. ആ ​അ​ധ്വാ​നം പാ​ഴാ​വു​ക​യാ​യി​രു​ന്നെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ലോ​ക​ത്ത് ന​ശി​പ്പി​ക്ക​പ്പെ​ട്ട ഒ​രു നാ​ഗ​രി​ക​ത​യും തി​രി​ച്ചു​വ​ന്നി​ട്ടി​ല്ലെ​ന്നും ലോ​ക​ത്തെ അ​ധി​നി​വേ​ശ ശ​ക്തി​ക​ൾ​ക്കും അ​ത് ബാ​ധ​ക​മാ​ണെ​ന്നും ‘ഇ​സ്‍ലാ​മി​ന്റെ ലോ​കം പ്ര​മാ​ണ​ങ്ങ​ളു​ടെ പ്ര​വ​ച​ന​ങ്ങ​ൾ’ വി​ഷ​യ​മ​വ​ത​രി​പ്പി​ച്ച് അ​ൽ​ജാ​മി​അ അ​ൽ​ഇ​സ്‍ലാ​മി​യ ഡെ​പ്യൂ​ട്ടി റെ​ക്ട​ർ കെ.​എം. അ​ഷ്റ​ഫ് പ​റ​ഞ്ഞു. ഇ​ത്തി​ഹാ​ദു​ൽ ഉ​ല​മ കേ​ര​ള വൈ​സ് പ്ര​സി​ഡ​ന്റ് ഡോ. ​കെ. ഇ​ല്യാ​സ് മൗ​ല​വി അ​ധ്യ​ക്ഷ​ത വ​ഹി​ച്ചു.

മാ​ധ്യ​മം-​മീ​ഡി​യ​വ​ൺ ഗ്രൂ​പ് എ​ഡി​റ്റ​ർ ഒ. ​അ​ബ്ദു​റ​ഹ്മാ​ൻ, ഐ.​പി.​എ​ച്ച് ചീ​ഫ് എ​ഡി​റ്റ​ർ വി.​എ. ക​ബീ​ർ, മീ​ഡി​യ​വ​ൺ മാ​നേ​ജി​ങ് എ​ഡി​റ്റ​ർ സി. ​ദാ​വൂ​ദ്, ഡോ. ​ആ​ർ. യൂ​സു​ഫ് തു​ട​ങ്ങി​യ​വ​ർ സം​സാ​രി​ച്ചു.