സ്​നേഹവീടി​െൻറ തണലിൽ ഇനി ശരണ്യയില്ല

തി​രു​വ​ന​ന്ത​പു​രം: വേ​ദ​ന​ക​ളെ അ​തി​ജീ​വ​ന​ത്തി​െൻറ ക​രു​ത്തി​ൽ തോ​ൽ​പി​ച്ച ശ​ര​ണ്യ ബാ​ക്കി​യാ​ക്കി​യ​ത്​ ഒ​രു​പാ​ട്​ പ്ര​തീ​ക്ഷ​യും സ്വ​പ്‌​ന​ങ്ങ​ളും. പ്രി​യ​സൗ​ഹൃ​ദ​ങ്ങ​ളു​ടെ കൈ​യൊ​പ്പി​ൽ പ​ണി​തു​യ​ർ​ത്തി​യ 'സ്​​നേ​ഹ​സീ​മ' എ​ന്ന വീ​ട്ടി​ൽ ഏ​താ​ണ്ട്​ 10 മാ​സ​ത്തോ​ളം മാ​ത്ര​മാ​ണ്​ ശ​ര​ണ്യ താ​മ​സി​ച്ച​ത്. സി​നി​മ-​സീ​രി​യ​ല്‍ താ​രം ശ​ര​ണ്യ വി​ട​പ​റ​യു​മ്പോ​ള്‍ ഇൗ ​സ്‌​നേ​ഹ​സൗ​ഹൃ​ദ​ങ്ങ​ളു​ടെ വീ​ടും ബാ​ക്കി​യാ​കു​ക​യാ​ണ്. 2012ലാ​ണ്​ ഒ​രു സീ​രി​യ​ല്‍ സെ​റ്റി​ല്‍ ത​ല​ക​റ​ങ്ങി വീ​ണ ശ​ര​ണ്യ​ക്ക്​ ബ്രെ​യി​ന്‍ ട്യൂ​മ​ര്‍ തി​രി​ച്ച​റി​യു​ന്ന​ത്. തു​ട​ര്‍ന്ന്, ചി​കി​ത്സ​യു​ടെ നാ​ളു​ക​ളാ​യി​രു​ന്നു.

മാ​താ​വും അ​നു​ജ​നും അ​നു​ജ​ത്തി​യും ഉ​ള്‍പ്പെ​ടു​ന്ന കു​ടും​ബ​ത്തി​െൻറ ഏ​ക ആ​ശ്ര​യം ശ​ര​ണ്യ​യു​ടെ വ​രു​മാ​ന​മാ​യി​രു​ന്നു. അ​ഭി​ന​യം നി​ല​ച്ച​തോ​ടെ വീ​ട്ടു​വാ​ട​ക കൊ​ടു​ക്കാ​ന്‍ പോ​ലും ക​ഴി​യാ​തെ​യാ​യി. 10 വ​ര്‍ഷ​ത്തി​നി​ടെ 11 ശ​സ്ത്ര​ക്രി​യ​ക​ള്‍ക്കാ​ണ് ശ​ര​ണ്യ വി​ധേ​യ​യാ​യ​ത്. ഇൗ ​ക​ഷ്​​ട​പ്പാ​ടു​ക​ൾ​ക്കി​ട​യി​ലും ചി​കി​ത്സ​ക്കാ​യി മു​ഖ്യ​മ​ന്ത്രി​യു​ടെ സ​ഹാ​യ​നി​ധി​യി​ൽ​നി​ന്ന് ല​ഭി​ച്ച തു​ക​യി​ൽ​നി​ന്ന് 10,000 രൂ​പ​യാ​ണ് ശ​ര​ണ്യ മ​ട​ക്കി​ന​ൽ​കി​യ​ത്. സ്വാ​ത​ന്ത്ര്യ​ദി​ന​ത്തി​ൽ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് ചെ​റി​യൊ​രു പ​ങ്ക് ന​ൽ​കാ​ൻ ക​ഴി​ഞ്ഞ​തി​ൽ സ​ന്തോ​ഷ​മു​ണ്ടെ​ന്ന് അ​ന്ന്​ ശ​ര​ണ്യ ഫേ​സ്​​ബു​ക്കി​ലൂ​ടെ അ​റി​യി​ക്കു​ക​യും ചെ​യ്​​തി​രു​ന്നു.

ച​ന്ദ​ന​മ​ഴ​യി​ലൂ​ടെ​യും ക​റു​ത്ത​മു​ത്തി​ലൂ​ടെ​യു​മൊ​ക്കെ മ​ല​യാ​ളി​ക​ളു​ടെ സ്വീ​ക​ര​ണ​മു​റി​ക​ളി​ല്‍ നി​റ​ഞ്ഞു​നി​ന്ന മു​ഖം ക​ണ്ടാ​ല്‍ പോ​ലും തി​രി​ച്ച​റി​യാ​താ​യി. ഒ​രു ഘ​ട്ട​ത്തി​ല്‍ ശ​സ്ത്ര​ക്രി​യ​ക്കു​ള്ള പ​ണം കൈ​യി​ലി​ല്ലാ​ത്ത അ​വ​സ്ഥ​യു​ണ്ടാ​യി. ന​ടി സീ​മാ ജി.​നാ​യ​ര്‍ ഈ ​വി​വ​ര​ങ്ങ​ള്‍ പ​ങ്കു​വെ​ച്ച​തോ​ടെ​യാ​ണ് ശ​ര​ണ്യ​യു​ടെ അ​വ​സ്ഥ പു​റ​ത്ത​റി​ഞ്ഞ​ത്. ദു​രി​ത​കാ​ല​ത്ത് ശ​ര​ണ്യ​യെ നെ​ഞ്ചോ​ട​ു​ചേ​ര്‍ത്ത് സീ​മ ഒ​പ്പ​മു​ണ്ടാ​യി​രു​ന്നു.

മു​ടി കൊ​ഴി​ഞ്ഞി​ട്ടും പ​ത്താ​മ​ത്തെ ശ​സ്ത്ര​ക്രി​യ​യെ തു​ട​ര്‍ന്ന് ശ​രീ​ര​ത്തി​െൻറ ഒ​രു​വ​ശം ത​ള​ര്‍ന്നി​ട്ടും ഈ ​വീ​ട്ടി​ലി​രു​ന്ന്​ ശ​ര​ണ്യ സ്വ​പ്ന​ങ്ങ​ള്‍ ക​ണ്ടു. ചി​രി​ക്കു​ന്ന ചി​ത്ര​ങ്ങ​ള്‍ പ​ങ്കു​വെ​ച്ച് സാ​മൂ​ഹി​ക​മാ​ധ്യ​മ​ങ്ങ​ളി​ലൂ​ടെ ഒ​രു​പാ​ടു​പേ​ര്‍ക്ക് ആ​ത്മ​വി​ശ്വാ​സ​മേ​കി. ര​ണ്ട​ര​മാ​സ​ത്തെ ഫി​സി​യോ തെ​റ​പ്പി​ക്കു​ശേ​ഷം പ്ര​തീ​ക്ഷ​യു​ടെ ചെ​റു​വെ​ളി​ച്ചം ശ​ര​ണ്യ​യു​ടെ ജീ​വി​ത​ത്തി​ലേ​ക്കും വ​ന്നെ​ത്തി​യി​രു​ന്നു.

മ​ക​ളു​ടെ മു​ഖ​ത്തു​നി​ന്ന് ഏ​റെ​നാ​ളാ​യി ന​ഷ്​​ട​പ്പെ​ട്ട പ്ര​സ​രി​പ്പും ഉ​ന്മേ​ഷ​വും തി​രി​ച്ചു​വ​ന്ന സ​ന്തോ​ഷം ശ​ര​ണ്യ​യു​ടെ മാ​താ​വ്​ ​ഗീ​ത​യും പ​ങ്കു​വെ​ച്ചി​രു​ന്നു. തി​രി​കെ സീ​രി​യ​ലി​ലേ​ക്ക് മ​ട​ങ്ങി​യെ​ത്തു​ന്ന സ്വ​പ്‌​ന​വും ശ​ര​ണ്യ പ​ങ്കു​വെ​ച്ചി​രു​ന്നു.

ക​ഴി​ഞ്ഞ ഏ​പ്രി​ലി​ലാ​ണ് ശ​ര​ണ്യ​യു​ടെ പി​താ​വ്​ ശ​ശി മ​രി​ച്ച​ത്. ചെ​മ്പ​ഴ​ന്തി ഗു​രു​കു​ല​ത്തി​നു സ​മീ​പ​ത്തെ, സ്‌​നേ​ഹം​കൊ​ണ്ടു​പ​ണി​ത ഈ ​വീ​ട്ടി​ലേ​ക്ക് ശ​ര​ണ്യ അ​വ​സാ​ന യാ​ത്ര​ക്ക്​ ത​യാ​റെ​ടു​ക്കു​മ്പോ​ള്‍ സൗ​ഹൃ​ദ മ​ന​സ്സ്​​ വേ​ർ​പാ​ടി​െൻറ വേ​ദ​ന​യി​ൽ നീ​റു​ക​യാ​ണ്.