തനിക്ക്​ വധഭീഷണിയെന്ന്​ ശശി തരൂർ

തിരുവനന്തപുരം: താൻ രാജിവെച്ച്​ പാകിസ്​താനിലേക്ക്​ പോകണമെന്നും അല്ലെങ്കിൽ വധിക്കുമെന്ന്​ യുവമോർച്ച പ്രവർത്തകർ ഭീഷണി മുഴക്കിയതായും ഡോ. ശശി തരൂർ എം.പി സിറ്റി പൊലീസ്​ കമീഷണർക്ക്​ നൽകിയ പരാതിയിൽ പറയുന്നു.

ഒാഫിസിൽ അതിക്രമിച്ച്​ കയറുന്നത്​ തടയാൻ ശ്രമിച്ച ഓഫിസ് സ്​റ്റാഫ് അംഗങ്ങളായ എം.എസ്. ജ്യോതിഷ്, സനൽകുമാർ, പ്രശാന്ത്, എം.ആർ. ബിജു, രാഹുൽ മേനോൻ, ജോർജ്​ ലോറൻസ്, ദേവാനന്ദ് എന്നിവരെ അസഭ്യം പറയുകയും സനൽകുമാറി​​​​െൻറ കഴുത്തിന് കുത്തിപ്പിടിച്ച് കൊല്ലുമെന്ന് ഭീഷണിപ്പെടുത്തുകയും ചെയ്തു.  എം.പി ഓഫിസിൽ അപേക്ഷയുമായി എത്തിയ പാറശ്ശാല സ്വദേശി പ്രമോദിനു ​േനരെ കരിഓയിൽ പ്രയോഗം നടത്താൻ ശ്രമിച്ചു. അയാൾ ഓടി രക്ഷപ്പെടുകയായിരുന്നു. 

പുളിമൂട് റോഡിൽ പ്രവർത്തിക്കുന്ന ഓഫിസിലേക്ക് 1.40 ഒാടെയാണ്​ നാല്​ ബൈക്കിൽ എത്തിയ പത്തോളം യുവാക്കൾ ഓഫിസി​​​​െൻറ ബോർഡിലും ഓഫിസി​​​​െൻറ ഇരുകവാടത്തിലും കരിഒായിൽ പ്ര​േയാഗം നടത്തിയത്​. എം.പി ഓഫിസി​​​​െൻറ​ േബാർഡ് മറയത്തക്കവിധത്തിൽ പാകിസ്​താൻ ഓഫിസ് എന്ന് ആലേഖനം ചെയ്ത ബാനർ കെട്ടുകയും ചെയ്തു.

ആക്രമികളുടെ നടപടി  ജനാധിപത്യ വിരുദ്ധവും നിയമലംഘനവുമാണ്.  ആക്രമി സംഘത്തിനെതിരെ ഉചിതമായ നിയമനടപടി സ്വീകരിക്കണമെന്നും എം.പി ഓഫിസി​​​​െൻറ സുഗമമായ പ്രവർത്തനത്തിന് മതിയായ പൊലീസ് സംരക്ഷണം നൽകണമെന്നും പരാതിയിൽ ആവശ്യപ്പെടുന്നു.