എഴുത്തുകാർക്കെതിരെ കൊലവിളിയുമായി ശശികല

െകാച്ചി: എഴുത്തുകാർക്കുനേരെ ഭീഷണിയും മുന്നറിയിപ്പുമായി ഹിന്ദു ​െഎക്യവേദി സംസ്​ഥാന അധ്യക്ഷ കെ.പി. ശശികല. മതേതരവാദികളായ എഴുത്തുകാർ ആയുസ്സിനുവേണ്ടി മൃത്യുഞ്​ജയ ഹോമം നടത്തിയില്ലെങ്കിൽ ഗൗരി ല​​േങ്കഷി​​​െൻറ ഗതി വരുമെന്ന്​​ ശശികലയുടെ ഭീഷണി. കഴിഞ്ഞദിവസം എറണാകുളം ജില്ലയിലെ ​പറവൂരിൽ ഹിന്ദു ​െഎക്യവേദിയുടെ പരിപാടിയിലായിരുന്നു വിവാദപ്രസംഗം. ഇതിനെതിരെ സ്​ഥലം എം.എൽ.എ വി.ഡി. സതീശൻ നൽകിയ പരാതിയിൽ നടപടിയെടുക്കാൻ ഡി.ജി.പി ലോക്നാഥ്​ ​െബഹ്​റ ആലുവ റൂറൽ എസ്​.പി എ.വി. ജോർജിന്​ നിർദേശം നൽകി. ശശികലയുടെ പ്രകോപനപരമായ പ്രസംഗത്തിനെതിരെ വ്യാപക പ്രതിഷേധം ഉയർന്നിട്ടുണ്ട്​.
 പ്രസംഗത്തി​​​െൻറ വിഡിയോ ദൃശ്യങ്ങൾ പൊലീസ്​ പരിശോധിച്ചുവരുകയാണ്​. 95 ശതമാനം എഴുത്തുകാരും ആർ.എസ്​.എസിനെ എതിർക്കുന്നവരാണെന്നും എന്ന​ാലേ പണവും അംഗീകാരവും കിട്ടൂ എന്നും പറഞ്ഞാണ്​ ശശികല പൊലീസി​​​െൻറ സാന്നിധ്യത്തിൽ എഴുത്തുകാരെ കടന്നാക്രമിച്ചത്​. 

‘‘എതിർത്ത്​ എഴുതുന്തോറും വളരുന്നതാണ് ആര്‍.എസ്.എസ്. എതിര്‍ക്കുന്നവരെ കൊ​േല്ലണ്ട ഗതികേട് ആര്‍.എസ്.എസിനില്ല. അങ്ങനെയൊരു കൊലപാതകം കർണാടകയിൽ കോണ്‍ഗ്രസിന് ആവശ്യമായിരുന്നു. മതേതരവാദികളായ എഴുത്തുകാർ ആയുസ്സ് വേണമെങ്കില്‍ മൃത്യുഞ്ജയ ഹോമം നടത്തണം. എപ്പോൾ, എന്താണ്​ സംഭവിക്കുകയെന്ന്​ പറയാനാവില്ല. അടുത്തുള്ള ശിവക്ഷേത്രത്തിൽ പോയി മൃത്യുഞ്ജയ ഹോമം കഴിച്ചില്ലെങ്കിൽ ഗൗരിമാരെപോലെ നിങ്ങളും ഇരകളാക്കപ്പെടും’’ എന്നും ശശികല മുന്നറിയിപ്പ്​ നൽകി. 

വെള്ളിയാഴ്​ച രാത്രി വൈകി ഹിന്ദു​ ​െഎക്യവേദി പറവൂർ താലൂക്ക്​ കമ്മിറ്റി സംഘടിപ്പിച്ച പൊതുസമ്മേളനം ഉദ്​ഘാടനം ചെയ്​ത്​ നടത്തിയ പ്രസംഗം സമൂഹ മാധ്യമങ്ങളിലൂടെയാണ്​ പ്രചരിച്ചത്​. തുടർന്ന്​, ശശികലക്കെതിരെ നടപടി ആവശ്യപ്പെട്ട്​ വി.ഡി. സതീശൻ സംസ്​ഥാന പൊലീസ്​ മേധാവിക്ക്​ പരാതി നൽകി. ചടങ്ങിൽ പ്രസംഗിച്ച ഹിന്ദു ​െഎക്യവേദി സംസ്​ഥാന സെക്രട്ടറി​ ആർ.വി. ബാബു വി.ഡി. സതീശ​​​െൻറ മരണാനന്തര ചടങ്ങുകൾ പറവൂരിൽതന്നെ നടത്തുമെന്ന്​ ഭീഷണിപ്പെടുത്തിയതായും പരാതിയിൽ പറയുന്നു. സഭ്യേതരവും ഹീനവുമായ ഭാഷയിലാണ്​ യോഗത്തിൽ പലരും സംസാരിച്ചതെന്നും പരാതിയിലുണ്ട്​. 

ശശികലക്കെതിരെ നടപടി ആവശ്യപ്പെട്ട്​ ഡി.വൈ.എഫ്​.​െഎ പറവൂർ ബ്ലോക്ക്​ കമ്മിറ്റിയും മുഖ്യമന്ത്രിക്കും ഉന്നത പൊലീസ്​ ഉദ്യോഗസ്​ഥർക്കും പരാതി നൽകിയിട്ടുണ്ട്​. എന്നാൽ, ഗൗരി ല​​േങ്കഷി​​​െൻറ കൊലക്ക്​ പിന്നിൽ കോൺഗ്രസാണെന്ന്​ ചൂണ്ടിക്കാട്ടി ആ സാഹചര്യം വിശദീകരിക്കുകയാണ്​ ചെയ്​ത​െതന്നാണ്​ ശശികലയുടെ ന്യായീകരണം. പറവൂർ മേഖലയിൽ അടുത്തിടെ ലഘുലേഖ വിതരണം ചെയ്​ത വിസ്​ഡം ഗ്ലോബൽ പ്രവർത്തകരെ ആർ.എസ്​.എസ്​ സംഘം തടഞ്ഞുനിർത്തി മർദിച്ചിരുന്നു. ലഘുലേഖ വിതരണം ചെയ്​ത 40 പേർക്കെതിരെയും കേസെടുത്ത പൊലീസ്​, ഇപ്പോൾ ശശികലയുടെ പ്രസംഗത്തിനെതിരെ നടപടി എടുക്കാൻ തയാറാകാത്തതും പ്രതിഷേധത്തിനിടയാക്കിയിട്ടുണ്ട്​. ലഘുലേഖ വിതരണം ചെയ്​തവരെ പിന്തുണച്ചെന്ന്​ ആരോപിച്ച്​ ഹിന്ദു ​െഎക്യവേദി പ്രവർത്തകർ വി.ഡി. സതീശ​​​െൻറ വീട്ടിലേക്ക്​ മാർച്ച്​ നടത്തിയിരുന്നു.