അബ്​ദുൽ ഹക്കീം ഫൈസിയുടേത്​ ജീവിച്ചിരിപ്പുണ്ടെന്ന്​ കാണിക്കാനുള്ള ശ്രമം -സത്താർ പന്തല്ലൂർ

മലപ്പുറം: കോലാഹലങ്ങൾക്കിടയിൽ താൻ ഇവി​ടെ ജീവിച്ചിരിപ്പുണ്ടെന്ന്​ അറിയിച്ചതാണ്​ അബ്​ദുൽ ഹക്കീം ഫൈസി ആദൃശ്ശേരിയെന്ന്​ എസ്​.കെ.എസ്​.എസ്​.എഫ്​ സംസ്ഥാന ​വൈസ്​ പ്രസിഡന്‍റ്​ സത്താർ പന്തല്ലൂർ. ഇതിൽ കൂടുതൽ പ്രത്യേകിച്ച്​ ഒന്നും അദ്ദേഹത്തിന്‍റെ പ്രസ്താവനയിൽ കാണുന്നി​ല്ലെന്നും സത്താർ പന്തല്ലൂർ വാർത്താസമ്മേളനത്തിൽ പറഞ്ഞു.

ലീഗിനെ സംരക്ഷിക്കുന്നതിന്​ പകരം അതിനെതിരെ വെറുപ്പ്​ പ്രചരിപ്പിക്കാനുള്ള സമസ്തയിലെ ചിലരുടെ ശ്രമം സംഘടന പാരമ്പര്യങ്ങളു​െട ലംഘനമാണെന്ന്​ സി.ഐ.സി മുൻ ജനറൽ സെക്രട്ടറി അബ്​ദുൽ ഹക്കീം ഫൈസി ആദൃശ്ശേരി ഫേസ്​ബുക്ക്​ പോസ്​റ്റിൽ തുറന്നടിച്ചിരുന്നു. ലീഗിനെ സമ്മർദത്തിലാക്കുന്ന ഏതെങ്കിലും തരത്തിലുള്ള നീക്കം സമസ്തയുടെ ഭാഗത്തുനിന്നും ഉണ്ടായിട്ടില്ലെന്ന്​ സത്താർ പന്തല്ലൂർ പറഞ്ഞു.

അങ്ങനെയൊരു ആ​ക്ഷേപം ലീഗിനുപോലുമില്ല. സമസ്തയും ലീഗും ഒരുമിച്ച്​ ഇരുന്ന്​ ചർച്ച ചെയ്താണ്​ എല്ലാം കാര്യവും തീരുമാനിക്കുന്നത്​. ഇരു സംഘടനകൾക്കിടയി​െല ഭിന്നത മാധ്യമസൃഷ്ടിയാണ്​​. സമസ്ത നേതാക്കൾ പാണക്കാടുപോകുന്നതും ചർച്ച ​നടത്തുന്നതുമെല്ലാം സാധാരണ കാര്യമാണ്​. വിശ്വാസിനികളായ സ്ത്രീകൾ പൊതുജനമ​േദ്ധ്യ എങ്ങനെ പ്രവർത്തിക്കണം എന്നത്​ സംബന്ധിച്ച്​ പണ്ഡിത കാഴ്ചപ്പാടുണ്ട്​. അതാണ്​ സമസ്ത പിന്തുടരുന്നത്​. ഇതര സംഘടകൾക്കും പാർട്ടികൾക്കും അവരുടെ ഇഷ്​ടത്തിന്​ പ്രവർത്തിക്കാം. അതിൽ എതിർപ്പോ വിയോജിപ്പോ അറിയിക്കേണ്ട കാര്യം സമസ്തക്ക്​ ഇല്ലെന്നും സത്താർ പന്തല്ലൂർ കൂടിച്ചേർത്തു.