ശനിയാഴ്ചകൾ അധ്യയന ദിനമാക്കൽ: ക്യു.ഐ.പി യോഗത്തിൽ സംഘടന നേതാക്കളുമായി ഇടഞ്ഞ്​ മന്ത്രി ശിവൻകുട്ടി

തി​രു​വ​ന​ന്ത​പു​രം: സ്കൂ​ളു​ക​ൾ​ക്ക്​ 25 ശ​നി​യാ​ഴ്ച​ക​ൾ പ്ര​വൃ​ത്തി​ദി​ന​മാ​ക്കി​യ ന​ട​പ​ടി​​യി​ൽ ഇ​ട​ഞ്ഞ്​ വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​യും അ​ധ്യാ​പ​ക സം​ഘ​ട​ന​ക​ളും. ബു​ധ​നാ​ഴ്ച ഓ​ൺ​ലൈ​നാ​യി വി​ളി​ച്ച ക്യു.​ഐ.​പി യോ​ഗ​ത്തി​ലാ​ണ്​ സം​ഭ​വം. സ്കൂ​ൾ ക​ലാ​കാ​യി​ക മേ​ള​ക​ളു​ടെ തീ​യ​തി​യും ഫ​യ​ൽ തീ​ർ​പ്പാ​ക്കാ​നു​ള്ള അ​ദാ​ല​ത്തും സം​ഘ​ടി​പ്പി​ക്കു​ന്ന​ത്​ സം​ബ​ന്ധി​ച്ചാ​യി​രു​ന്നു അ​ജ​ണ്ട. യോ​ഗ​ത്തി​ൽ ശ​നി​യാ​ഴ്ച​ക​ൾ പ്ര​വൃ​ത്തി​ദി​ന​മാ​ക്കി​യ ന​ട​പ​ടി​യി​ൽ പ്ര​തി​പ​ക്ഷ അ​ധ്യാ​പ​ക സം​ഘ​ട​ന​ക​ൾ പ്ര​തി​ഷേ​ധം ആ​വ​ർ​ത്തി​ച്ചു. ഈ ​വി​ഷ​യം യോ​ഗ​ത്തി​ന്‍റെ അ​ജ​ണ്ട​യി​ലി​ല്ലെ​ന്ന്​ മ​ന്ത്രി വ്യ​ക്ത​മാ​ക്കി.

പ്ര​ശ്നം പ​രി​ഹ​രി​ക്കാ​തെ ക​ലാ​കാ​യി​ക മേ​ള​ക​ളി​ൽ സ​ഹ​ക​രി​ക്കാ​നാ​കി​ല്ലെ​ന്ന്​ അ​ധ്യാ​പ​ക സം​ഘ​ട​ന​ക​ൾ വ്യ​ക്ത​മാ​ക്കി. ക​ലാ​കാ​യി​ക മേ​ള​ക​ൾ ന​ട​ത്താ​ൻ സ​ർ​ക്കാ​റി​ന്​ അ​റി​യാ​മെ​ന്നാ​യി​രു​ന്നു മ​ന്ത്രി​യു​ടെ മ​റു​പ​ടി. വി​ദ്യാ​ഭ്യാ​സ ക​ല​ണ്ട​റു​മാ​യി ബ​ന്ധ​പ്പെ​ട്ട ഹൈ​കോ​ട​തി കേ​സി​ൽ കൃ​ത്യ​മാ​യ സ​ത്യ​വാ​ങ്​​മൂ​ലം ന​ൽ​കാ​തെ സ​ർ​ക്കാ​ർ അ​ഭി​ഭാ​ഷ​ക​ൻ ഒ​ളി​ച്ചു​ക​ളി​ക്കു​ക​യാ​ണെ​ന്ന്​ അ​ധ്യാ​പ​ക സം​ഘ​ട​ന നേ​താ​ക്ക​ൾ ആ​രോ​പി​ച്ചു. ക്ല​സ്റ്റ​റി​ൽ പ​ങ്കെ​ടു​ക്കാ​ത്ത അ​ധ്യാ​പ​ക​ർ​ക്കെ​തി​രാ​യ ന​ട​പ​ടി​ക​ൾ അ​വ​സാ​നി​പ്പി​ക്ക​ണ​മെ​ന്നും 2023-24 വ​ർ​ഷ​ത്തെ ത​സ്തി​ക നി​ർ​ണ​യം പു​റ​ത്തി​റ​ക്കാ​ത്ത​ത് വി​ദ്യാ​ഭ്യാ​സ വ​കു​പ്പി​ന്‍റെ അ​നാ​സ്ഥ​യാ​ണെ​ന്നും കെ.​പി.​എ​സ്.​ടി.​എ സം​സ്ഥാ​ന പ്ര​സി​ഡ​ന്‍റ്​ കെ. ​അ​ബ്​​ദു​ൽ മ​ജീ​ദും കെ.​എ​സ്.​ടി.​യു സം​സ്ഥാ​ന പ്ര​സി​ഡ​ന്‍റ്​ കെ.​എം. അ​ബ്​​ദു​ല്ല​യും പ​റ​ഞ്ഞു.

ര​ണ്ട് അ​ജ​ണ്ട​ക​ളി​ൽ മാ​ത്ര​മേ ച​ർ​ച്ച​യു​ള്ളൂ​വെ​ന്നും മ​റ്റു കാ​ര്യ​ങ്ങ​ൾ പി​ന്നീ​ട്​ ച​ർ​ച്ച ചെ​യ്യാ​മെ​ന്നും വ്യ​ക്ത​മാ​ക്കി യോ​ഗം അ​വ​സാ​നി​പ്പി​ക്കു​ക​യാ​യി​രു​ന്നു. ക്യു.​ഐ.​പി യോ​ഗ​ങ്ങ​ൾ പ്ര​ഹ​സ​ന​മാ​ക്കു​ന്ന​ത്​ അ​വ​സാ​നി​പ്പി​ക്ക​ണ​മെ​ന്നും ക​ഴി​ഞ്ഞ മൂ​ന്നു​ യോ​ഗ​ങ്ങ​ളും ഈ ​രീ​തി​യി​ലാ​ണ്​ അ​വ​സാ​നി​പ്പി​ച്ച​തെ​ന്നും കെ.​എ​സ്.​ടി.​യു സം​സ്ഥാ​ന പ്ര​സി​ഡ​ന്‍റ്​ കെ.​എം. അ​ബ്​​ദു​ല്ല പ്ര​സ്താ​വ​ന​യി​ൽ കു​റ്റ​പ്പെ​ടു​ത്തി.

ക്ലസ്റ്റർ പരിശീലനം ബഹിഷ്​കരിച്ചാൽ​ അധ്യാപകരുടെ ചെലവിൽ പരിശീലനം -മന്ത്രി

തി​രു​വ​ന​ന്ത​പു​രം: ജൂ​ൺ 29ലെ ​ക്ല​സ്​​റ്റ​ർ അ​ധ്യാ​പ​ക പ​രി​ശീ​ല​നം ബ​ഹി​ഷ്​​ക​രി​ച്ച​വ​ർ​ക്ക്​ ജൂ​ലൈ 20ലെ ​പ​രി​ശീ​ല​ന​ത്തി​ൽ പ​​​ങ്കെ​ടു​ക്കാ​മെ​ന്ന്​ വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി. പ​രി​ശീ​ല​ന​ത്തി​ൽ നി​ർ​ബ​ന്ധ​മാ​യി പ​​​ങ്കെ​ടു​ക്ക​ണം. ര​ണ്ടാ​മ​ത്തെ പ​രി​ശീ​ല​ന​വും ബ​ഹി​ഷ്​​ക​രി​ച്ചാ​ൽ മൂ​ന്നാ​മ​തും പ​രി​ശീ​ല​നം ന​ട​ത്തും. മൂ​ന്നാ​മ​ത്തെ പ​രി​ശീ​ല​ന​ത്തി​നു​ള്ള ചെ​ല​വ്​ ബ​ഹി​ഷ്​​ക​രി​ച്ച അ​ധ്യാ​പ​ക​ർ വ​ഹി​ക്കേ​ണ്ടി​വ​രു​മെ​ന്നും മ​ന്ത്രി പ​റ​ഞ്ഞു. 25 ശ​നി​യാ​ഴ്ച​ക​ൾ പ്ര​വൃ​ത്തി​ദി​ന​മാ​ക്കി​യു​ള്ള വി​ദ്യാ​ഭ്യാ​സ ക​ല​ണ്ട​ർ പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ്​ പ്ര​തി​പ​ക്ഷ അ​ധ്യാ​പ​ക സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ക്ല​സ്റ്റ​ർ പ​രി​ശീ​ല​നം ബ​ഹി​ഷ്ക​രി​ച്ച​ത്.