കെ.പി.എ മജീദിന്‍റെ സ്ഥാനാർഥിത്വം; സമവായത്തിലൂടെ പ്രശ്​നം പരിഹരിക്കും - സാദിഖലി തങ്ങൾ

മലപ്പുറം: തിരൂരങ്ങാടിയിലെ പ്രവർത്തകരുടെ വികാരം മാനിക്കുമെന്നും സമവായത്തിലൂടെ പ്രശ്​നം പരിഹരിക്കുമെന്നും ജില്ല മുസ്​ലിം ലീഗ്​ പ്രസിഡൻറ്​ സാദിഖലി ശിഹാബ്​ തങ്ങൾ. കുറ്റമറ്റ രീതിയിലും ജനാധിപത്യ മര്യാദകൾ പാലിച്ചുമാണ്​ സ്​ഥാനാർഥി പട്ടിക തയാറാക്കിയത്​. സ്​ഥാനാർഥി പട്ടിക സംബന്ധിച്ച്​ നല്ല അഭിപ്രായവുമാണ്​ ലഭിച്ചത്​. കെ.പി.എ മജീദ്​ മത്സരിക്കുന്ന തിരൂരങ്ങാടിയിൽ മാത്രമാണ്​ പ്രതിഷേധമുണ്ടായത്​. മണ്ഡലം കമ്മിറ്റിയുമായി ചർച്ച നടത്തും. സ്​ഥാനാർഥിയെ നിശ്​ചയിച്ച തീരുമാനം പുനഃപരിശോധിക്കു​ന്ന കാര്യം ഇപ്പോൾ പരിഗണനയിലില്ലെന്നും അദ്ദേഹം പറഞ്ഞു

കെ.പി.എ മജീദിന്​ തിരൂരങ്ങാടി സീറ്റ്​ നൽകിയതിൽ പ്രതിഷേധിച്ച് ആറ്​ നഗരസഭ കൗൺസിലർമാർ അടക്കം നേതാക്കളും പ്രവർത്തകരും ഇന്ന്​ പാണക്കാ​ട്ടെത്തിയിരുന്നു. ഹൈദരലി തങ്ങൾ, സാദിഖലി തങ്ങൾ, പി.കെ കുഞ്ഞാലിക്കുട്ടി, മുനവ്വറലി തങ്ങൾ എന്നിവരു​മായി കൂടിക്കാഴ്​ച നടത്തിയ പ്രവർത്തകർ അവരുടെ വികാരം അറിയിക്കുകയും ​തീരുമാനം പിൻവലിക്കണമെന്ന്​ ആവശ്യപ്പെടുകയും ചെയ്​തിട്ടുണ്ട്​.

ലീഗ്​ മുൻസിപ്പൽ കമ്മിറ്റി ട്രഷറർ റഫീഖ്​ പാറക്കൽ, മുൻസിപ്പൽ യൂത്ത്​ ലീഗ്​ പ്രസിഡൻറ്​ സി.എച്ച്​ അബൂബക്കർ, തിരൂരങ്ങാടി നഗരസഭ കൗൺസിലർമാരായ സമീർ വലിയാട്ട്​, ജാഫർ കുന്നത്തേരി, മുഹമ്മദലി അരി​മ്പ്ര, മുസ്​തഫ പാലാട്ട്​, പാലക്കൽ ബാവ, അജാസ്​, സൗദി കെ.എം.സി.സി സെക്ര​ട്ടേറിയറ്റ്​ അംഗവും എം.കെ ഹാജിയുടെ പേരക്കുട്ടിയുമായ അബ്​ദുൽ ഹഖ്​ എന്നിവരുടെ നേതൃത്വത്തിൽ 200 ​ലധികം ആളുകളാണ്​​ പാണ​ക്കാ​ട്ടെത്തിയത്​. ഞായറാഴ്​ച വൈകുന്നേരത്തിനുള്ളിൽ തീരുമാനം പിൻവലിച്ചില്ലെങ്കിൽ കടുത്ത നടപടികളുമായി മുന്നോട്ടു പോകുമെന്ന്​ ഇവർ നേതൃത്വത്തെ അറിയിച്ചതായാണ്​ വിവരം.

മൂന്ന്​ തവണ ജയിച്ചവരെ ഒഴിവാക്കുന്നതി​െൻറ ഭാഗമായി സിറ്റിങ്​ എം.എൽ.എയായ പി.കെ അബ്​ദുറബ്ബിനെ പരിഗണിക്കുന്നില്ലെങ്കിൽ മണ്ഡലത്തിൽ നിന്നു തന്നെയുള്ള പി.എം.എ സലാമിനെ സ്​ഥാനാർഥിയാക്കണമെന്നും പുറത്തു നിന്നുള്ളവരെ വേണ്ടെന്നും ലീഗ്​ മണ്ഡലം കമ്മിറ്റി നേതൃത്വത്തെ അറിയിച്ചിരുന്നു​.