സ്​കൂൾ വിദ്യാഭ്യാസ ഘടനയിൽ സമഗ്രമാറ്റത്തിന്​ ശിപാർശ; ഹെഡ്​മാസ്​റ്റർ ഇല്ലാതാകും

തിരുവനന്തപുരം: സംസ്​ഥാനത്തെ സ്​കൂൾ വിദ്യാഭ്യാസ ഘടനയിൽ സമഗ്രമാറ്റം ശിപാർശ ചെയ്​ത്​ വിദഗ്​ദസമിതി റിപ്പോർട് ട്​. നിലവിൽ മൂന്ന്​ ഡയറക്​ടറേറ്റുകളുള്ളവ ലയിപ്പിച്ച്​ ഒറ്റ ഡയറക്​ടറേറ്റാക്കാൻ എസ്​.സി.ഇ.ആർ.ടി മുൻ ഡയറക്​ടർ ഡോ . എം.എ ഖാദർ അധ്യക്ഷനായ സമിതി ശിപാർശ ചെയ്​തു. ഡയറക്​​ടറേറ്റ്​ ഒാഫ്​ സ്​കൂൾ എജ്യുക്കേഷൻ എന്നാണ്​ പുതിയ ഡയറക്​ടറേ റ്റിന്​ പേര്​ നിർദേശിച്ചത്​.

പൊതുവിദ്യാഭ്യാസ ഡയറക്​ടറേറ്റ്​, ഹയർ സെക്കൻഡറി ഡയറക്​ടറേറ്റ്​, വൊ​ക്കേഷനൽ ഹയർസെക്കൻഡറി ഡയറക്​ടറേറ്റ്​ എന്നിവയാണ്​ ലയിപ്പിക്കേണ്ടത്​. സ്​കൂളുകളിലെ എൽ.പി, യു.പി, ഹൈസ്​കൂൾ, ഹയർ സെക്കൻഡറി ഘടനയിലും മാറ്റത്തിന്​ ശിപാർശയുണ്ട്​. ഒന്ന്​ മുതൽ ഏഴ്​ വരെ ഒരു സ്​ട്രീമും എട്ട്​ മുതൽ 12 വരെ ക്ലാസുകൾക്ക്​ മറ്റൊരു സ്​ട്രീമുമാണ്​ ശിപാർശ ചെയ്​തത്​. ഇതിൽ എട്ട്​ മുതൽ 12 വരെ ക്ലാസുകളിലെ അധ്യാപകർക്ക്​ പി.ജിയും ബി.എഡും ഒന്ന്​ മുതൽ ഏഴ്​ വരെ ക്ലാസുകളിൽ ബിരുദവും ബി.എഡുമാണ്​ യോഗ്യതയായി ശിപാർശ ചെയ്​തത്​. ഇതിൽ പ്രൈമറി അധ്യാപക യോഗ്യതയിലെ മാറ്റത്തിന്​ പത്ത്​ വർഷത്തെ സാവകാശവും നിർദേശിച്ചിട്ടുണ്ട്​.

നിലവിലുള്ള അധ്യാപകരെയും മറ്റ്​ ജീവനക്കാരെയും ബാധിക്കാതെ ഘട്ടംഘട്ടമായുള്ള ഘടനാമാറ്റമാണ്​ ശിപാർശ ചെയ്​തത്​. സ്​കൂളുകളിൽ ഹെഡ്​മാസ്​റ്റർ, പ്രിൻസിപ്പൽ എന്ന രീതിയിൽ രണ്ട്​ മേധാവികൾ തുടരുന്ന രീതി അവസാനിപ്പിക്കാനും ശിപാർശ ചെയ്​തിട്ടുണ്ട്​. പ്രിൻസിപ്പൽ ആയിരിക്കും സ്​ഥാപന മേധാവി. പ്രിൻസിപ്പലിനെ സഹായിക്കാൻ വൈസ്​ പ്രിൻസിപ്പൽ തസ്​തികയും ശിപാർശ ചെയ്​തിട്ടുണ്ട്​.

ജില്ലാതലങ്ങളിൽ സ്​കൂൾ വിദ്യാഭ്യാസ ഒാഫീസുകൾ ഉണ്ടായിരിക്കണം. ജോയൻറ്​ ഡയറക്​ടർ ഒാഫ്​ സ്​കൂൾ എജ്യുക്കേഷൻ (ജെ.ഡി.എസ്​.ഇ) ആയിരിക്കും ജില്ലാതല ഒാഫീസർമാർ. ഇതിന്​ കീഴിൽ ​േബ്ലാക്ക് പഞ്ചായത്ത്​/ മുനിസിപ്പാലിറ്റി/ കോർപ്പറേഷൻ എന്നീ തലങ്ങളിൽ സ്​കൂൾ വിദ്യാഭ്യാസ ഒാഫീസിനും ശിപാർശയുണ്ട്​. ഗ്രാമപഞ്ചായത്തുകളിൽ പഞ്ചായത്ത്​ എജ്യുക്കേഷൻ ഒാഫീസർ തസ്​തികക്കും ശിപാർശയുണ്ട്​.

ദേശീയ തൊഴിൽ നൈപുണ്യ വിദ്യാഭ്യാസ ചട്ടക്കൂട്​ (എൻ.എസ്​.ക്യു.എഫ്​) കേരളത്തിൽ നടപ്പാക്കുന്ന സാഹചര്യത്തിൽ മുഴുവൻ വി.എച്ച്​.എസ്​.ഇകളും സെക്കൻഡറി സ്​കൂളുകളാക്കി മാറ്റണം. റിപ്പോർട്ട്​ മുഖ്യമന്ത്രിക്ക്​ കൈമാറി. ഡോ. സി. രാമകൃഷ്​ണൻ, ജി. ജ്യോതിചൂഢൻ എന്നിവർ വിദഗ്​ദ സമിതി അംഗങ്ങളാണ്​.